Requisitos da conta bancaria e de información persoal para usar Shopify Payments en Croacia

Antes de usar Shopify Payments en Croacia, debes comprender os requisitos establecidos para cumprir coa normativa e previr delitos financeiros. Nas seguintes seccións explícase o motivo polo cal se recolle información persoal e os tipos de documentación aceptada, ademais de ofrecer orientacións para garantir que a túa documentación cumpra cos criterios necesarios.

Requisitos para usar Shopify Payments en Croacia

Antes de usar Shopify Payments en Croacia, debes asegurarte de que cumpres cos seguintes requisitos:

  • Tipos de empresas elixibles: a determinados tipos de empresas e servizos non se lles permite usar Shopify Payments. Para determinar se a túa empresa é elixible, consulta a lista de tipos de empresas prohibidas para Croacia nos termos de servizo (TOS) de Shopify Payments.
  • Requisitos da conta bancaria: A túa conta bancaria debe cumprir os seguintes requisitos antes de que poidas conectala a Shopify Payments:
    • A conta bancaria debe estar na moeda EUR.
    • A conta bancaria é elixible para recibir transferencias da Zona Única de Pagamentos en Euros (SEPA) e pode aceptar cargos.
    • A conta bancaria debe ter un IBAN que comece por calquera dos seguintes códigos de país: AT, BE, BG, CH, CY, DE, DK, EE, ES, FI, FR, GB, GI, GR, HR, HU, IE, IT, LT, LU, LV, MT, NL, NO, PL, PT, RO, SE ou SI.

Tipos de conta bancaria non compatibles

Certos tipos de conta bancaria non son compatibles con Shopify Payments. Os seguintes tipos de conta non son compatibles:

  • Contas correntes que só aceptan transferencias bancarias: estas contas non funcionan con Shopify Payments.
  • Contas de aforro: as contas de aforro non se poden usar para os pagamentos de Shopify Payments.
  • Contas de moeda flexible: as contas que admiten varias moedas de forma simultánea non son compatibles.
  • Servizos de transferencia de diñeiro: os servizos que imitan contas bancarias, como algunhas plataformas de tecnoloxía financeira, non se poden usar con Shopify Payments.

Aínda que as contas virtuais alleas a Shopify son compatibles, podes experimentar máis erros nos pagamentos con este tipo de contas.

Para confirmar se a túa conta pode aceptar o tipo de transferencia indicado para a túa rexión, contacta co teu banco.

Finalidade da recollida de información

Shopify e os seus partners bancarios teñen a obriga de recoller e verificar información sobre ti e sobre a túa empresa para cumprir coa normativa de Croacia deseñada para previr delitos financeiros. Dado que as normas e as normativas locais evolucionan, é posible que Shopify e os seus partners bancarios contacten contigo para proporcionar información adicional ao longo da vida útil da túa conta de Shopify Payments.

A información que se recolle utilízase para confirmar a identidade da empresa, as identidades das persoas vinculadas á empresa e a natureza da relación entre ambas.

Shopify nunca che envía a documentación de forma física por correo. Calquera documento ou comunicación importante enviarase por correo electrónico ou porase a disposición do propietario da tenda dixitalmente na páxina Configuración > Usuarios do teu administrador de Shopify.

Revisa a política de privacidade de Shopify para obter máis información sobre como se mantén a túa información de forma confidencial e segura.

Información persoal e da empresa necesaria para activar Shopify Payments en Croacia

A información persoal que Shopify ten a obriga de recoller varía dun país a outro. Para as empresas de Croacia, cómpre identificar correctamente o teu tipo de empresa porque diso dependerá a información que debes proporcionar.

Se non te rexistraches en ningunha axencia gobernamental, ou se te rexistraches pero xestionas a empresa como un traballador autónomo, como un "Obrt" e un traballador por conta propia, selecciona Persoa física/Traballador autónomo.

Se rexistraches a túa empresa e tes un número OIB (Osobni Identifikacijski Broj), selecciona o teu tipo de empresa baseándote nas seguintes instrucións:

  • As asociacións con números OIB, como Javno Trgovačko Društvo (JTD) ou Komanditno Društvo (KD), deben seleccionar Asociación rexistrada.
  • As organizacións sen fins de lucro con números OIB deben seleccionar Organización sen fins de lucro rexistrada.
  • O resto das empresas con números OIB deben seleccionar Sociedade de responsabilidade limitada. Algúns exemplos habituais son Društvo s ograničenom odgovornošću (DOO) ou Jednostavno Društvo s ograničenom odgovornošću (JDOO).

Se tes unha empresa rexistrada, pero non tes un número OIB, selecciona o teu tipo de empresa baseándote nas seguintes instrucións:

  • As asociacións sen número OIB deben seleccionar Asociación non rexistrada.
  • As organizacións sen fins de lucro e as organizacións benéficas que non teñen número OIB deben seleccionar Organización sen fins de lucro non rexistrada.

Se non tes a seguridade de que tipo de empresa seleccionar, contacta co Soporte de Shopify.

Persoas físicas/Traballadores autónomos

As persoas físicas son empresas dun único propietario que non están rexistradas ante o goberno e operan de forma privada. Os empresarios individuais son empresas dun único propietario que están rexistradas ante o goberno coa súa información persoal. Ambas son empresas propiedade de e controladas por un único individuo que reside en Croacia, o que inclúe autónomos e pequenos empresarios por conta propia.

Estes tipos de empresas trátanse do mesmo xeito e deben proporcionar a mesma información. As persoas físicas e os empresarios individuais deben proporcionar:

  • Nome e apelidos legais: o teu nome legal completo tal e como aparece na documentación emitida polo goberno.
  • Data de nacemento: a túa data de nacemento.
  • Enderezo de correo electrónico: un enderezo de correo electrónico válido e activo.
  • Número de teléfono: un número de teléfono válido e activo.
  • Enderezo residencial en Croacia: o teu enderezo particular, que debe coincidir coa túa documentación.

Se a túa información non se pode verificar automaticamente, recibirás unha solicitude para verificar a túa identidade. Se algunha da túa información (como o teu nome, data de nacemento ou enderezo particular) é incorrecta, debes actualizar a información da túa conta.

Se a información é correcta e aínda así recibes unha solicitude de verificación, podes resolver a solicitude completando unha das seguintes tarefas:

  • Confirma a túa identidade sacando un selfie cun documento de identidade con foto válido.
  • Carga de forma separada os documentos de proba de identidade e proba de enderezo no teu administrador de Shopify.
    • A información dos teus documentos debe coincidir exactamente coa que introduzas na túa conta. De ser necesario, actualiza a información da túa conta para que coincida cos teus documentos.
Sociedade de responsabilidade limitada (DOO, JDOO)

Unha sociedade de responsabilidade limitada é unha empresa cuxo capital se divide en accións, propiedade de accionistas. A sociedade considérase a súa propia entidade xurídica, independente das persoas que a dirixen. Por norma xeral tamén teñen un consello de administración.

As sociedades de responsabilidade limitada deben asignar un titular real ou un executivo con poder de decisión como o seu representante da conta. O representante da conta debe proporcionar a seguinte información:

  • Nome e apelidos legais: o teu nome legal completo tal e como aparece na documentación emitida polo goberno.
  • Data de nacemento: a túa data de nacemento.
  • Enderezo de correo electrónico: un enderezo de correo electrónico válido e activo.
  • Número de teléfono: un número de teléfono válido e activo.
  • Enderezo residencial: o teu enderezo particular, que debe coincidir coa túa documentación.
  • Posto de traballo: o posto de traballo que ocupas na empresa.
  • Participación: se procede, a porcentaxe de participación que posúes da empresa.

Se a túa información non se pode verificar automaticamente, recibirás unha solicitude para verificar a túa identidade. Se algunha da túa información (como o teu nome, data de nacemento ou enderezo particular) é incorrecta, debes actualizar a información da túa conta.

Se a información é correcta e aínda así recibes unha solicitude de verificación, podes resolver a solicitude completando unha das seguintes tarefas:

  • Confirma a túa identidade sacando un selfie cun documento de identidade con foto válido.
  • Carga de forma separada os documentos de proba de identidade e proba de enderezo no teu administrador de Shopify.
    • A información dos teus documentos debe coincidir exactamente coa que introduzas na túa conta. De ser necesario, actualiza a información da túa conta para que coincida cos teus documentos.

As sociedades de responsabilidade limitada tamén deben proporcionar os seguintes detalles sobre a súa empresa:

  • Nome de empresa rexistrada: a razón social tal e como aparece no rexistro da administración tributaria.
  • Número OIB (Osobni Identifikacijski Broj): o OIB da empresa tal e como aparece no rexistro da administración tributaria.
  • Número de imposto sobre o valor engadido (IVE): o teu número de rexistro do IVE, se procede.
  • Número de teléfono da empresa: un número de teléfono de contacto activo para a empresa.
  • Enderezo comercial: o enderezo oficial rexistrado da empresa tal e como aparece no rexistro da administración tributaria.

Os socios bancarios de Shopify verifican a túa información comparándoa cos rexistros gobernamentais de Croacia. Presta moita atención ás maiúsculas, á puntuación e aos símbolos.

Se non é posible verificar a información que proporcionas sobre a empresa, é posible que teñas que facilitar un documento de verificación desta. Ao achegar este documento, asegúrate de que o nome rexistrado, o número OIB e o enderezo comercial que aparecen na túa conta coincidan exactamente coa información do documento. Actualiza a información da túa conta para que coincida co documento. Aquí móstranse os documentos de empresa aceptables.

Ademais, debes incluír calquera outra persoa que sexa titular real da empresa. Asegúrate de introducir os seus nomes, datas de nacemento e enderezos particulares exactamente como aparecen nos seus documentos gobernamentais. Se non é posible verificar as súas identidades de xeito automático, é posble que teñan que proporcionar un documento de identidade con foto ou unha proba de enderezo.

Os propietarios que proporciones deben coincidir cos propietarios que aparecen no rexistro mercantil do teu goberno. Se se detecta unha discrepancia, pedirase que completes o proceso de certificación facendo clic no botón Asinar ou que proporciones un documento de proba de propiedade. Asinar a certificación é a forma máis rápida de resolver a discrepancia, pero se prefires enviar un documento, asegúrate de que os nomes dos propietarios que figuran na túa conta coincidan exactamente cos propietarios que figuran no teu documento. De ser necesario, actualiza a información na túa conta para que coincida co teu documento. Se a túa empresa é propiedade dunha sociedade matriz (na súa totalidade ou en parte), asina a certificación para completar a verificación.

Se a túa empresa non ten propietarios, pedirase que asines unha certificación ou que proporciones no seu lugar un documento que confirme os teus directores. Se prefires enviar un documento, asegúrate de que os nomes dos directores que figuran na túa conta coincidan exactamente cos directores que figuran no teu documento. De ser necesario, actualiza a información na túa conta para que coincida co teu documento.

Sociedades rexistradas (JTD, KD)

Unha sociedade rexistrada é unha empresa cuxa propiedade comparten polo menos dous socios que se rexistraron para realizar actividades comerciais e obtiveron un número OIB. As sociedades rexistradas teñen capital e a sociedade é a súa propia entidade, independente dos propietarios.

As sociedades rexistradas deben designar un propietario ou socio como representante da súa conta de Shopify Payments. O representante da conta debe proporcionar a seguinte información:

  • Nome e apelidos legais: o teu nome legal completo tal e como aparece na documentación emitida polo goberno.
  • Data de nacemento: a túa data de nacemento.
  • Enderezo de correo electrónico: un enderezo de correo electrónico válido e activo.
  • Número de teléfono: un número de teléfono válido e activo.
  • Enderezo residencial: o teu enderezo particular, que debe coincidir coa túa documentación.
  • Posto de traballo: o posto de traballo que ocupas na empresa.
  • Participación: se procede, a porcentaxe de participación que posúes da empresa.

Se a túa información non se pode verificar automaticamente, recibirás unha solicitude para verificar a túa identidade. Se algunha da túa información (como o teu nome, data de nacemento ou enderezo particular) é incorrecta, debes actualizar a información da túa conta.

Se a información é correcta e aínda así recibes unha solicitude de verificación, podes resolver a solicitude completando unha das seguintes tarefas:

  • Confirma a túa identidade sacando un selfie cun documento de identidade con foto válido.
  • Carga de forma separada os documentos de proba de identidade e proba de enderezo no teu administrador de Shopify.
    • A información dos teus documentos debe coincidir exactamente coa que introduzas na túa conta. De ser necesario, actualiza a información da túa conta para que coincida cos teus documentos.

As sociedades rexistradas tamén deben proporcionar os seguintes detalles sobre a súa empresa:

  • Nome de empresa rexistrada: a razón social tal e como aparece no rexistro da administración tributaria.
  • Número OIB (Osobni Identifikacijski Broj): o OIB da empresa tal e como aparece no rexistro da administración tributaria.
  • Número de imposto sobre o valor engadido (IVE): o teu número de rexistro do IVE, se procede.
  • Número de teléfono da empresa: un número de teléfono de contacto activo para a empresa.
  • Enderezo comercial: o enderezo oficial rexistrado da empresa tal e como aparece no rexistro da administración tributaria.

Os socios bancarios de Shopify verifican a túa información comparándoa cos rexistros gobernamentais de Croacia. Presta moita atención ás maiúsculas, á puntuación e aos símbolos.

Se non é posible verificar a información que proporcionas sobre a empresa, é posible que teñas que facilitar un documento de verificación desta. Ao achegar este documento, asegúrate de que o nome rexistrado, o número OIB e o enderezo comercial que aparecen na túa conta coincidan exactamente coa información do documento. Actualiza a información da túa conta para que coincida co documento. Aquí móstranse os documentos de empresa aceptables.

Ademais, debes incluír calquera outra persoa que sexa propietaria ou socia. Asegúrate de introducir os seus nomes, datas de nacemento e enderezos particulares exactamente como aparecen nos seus documentos gobernamentais. Se non é posible verificar as súas identidades de xeito automático, é posible que teñan que proporcionar un documento de identidade con foto ou unha proba de enderezo.

Os propietarios que proporciones deben coincidir cos propietarios que aparecen no rexistro mercantil do teu goberno. Se se detecta unha discrepancia, pedirase que completes o proceso de certificación facendo clic no botón Asinar ou que proporciones un documento de proba de propiedade. Asinar a certificación é a forma máis rápida de resolver a discrepancia, pero se prefires enviar un documento, asegúrate de que os nomes dos propietarios que figuran na túa conta coincidan exactamente cos propietarios que figuran no teu documento. De ser necesario, actualiza a información na túa conta para que coincida co teu documento. Se a túa empresa é propiedade dunha sociedade matriz (na súa totalidade ou en parte), asina a certificación para completar a verificación.

Sociedades non rexistradas

Unha sociedade non rexistrada é unha empresa cuxa propiedade comparten polo menos dous socios que non se rexistraron para obter un número OIB, pero que teñen un acordo de sociedade. Neste caso, os propietarios considéranse a entidade xurídica e a empresa non é unha entidade independente.

As sociedades non rexistradas deben designar un propietario como representante da súa conta de Shopify Payments. O representante da conta debe proporcionar a seguinte información:

  • Nome e apelidos legais: o teu nome legal completo tal e como aparece na documentación emitida polo goberno.
  • Data de nacemento: a túa data de nacemento.
  • Enderezo de correo electrónico: un enderezo de correo electrónico válido e activo.
  • Número de teléfono: un número de teléfono válido e activo.
  • Enderezo residencial: o teu enderezo particular, que debe coincidir coa túa documentación.
  • Posto de traballo: o posto de traballo que ocupas na empresa.
  • Participación: se procede, a porcentaxe de participación que posúes da empresa.

Se a túa información non se pode verificar automaticamente, recibirás unha solicitude para verificar a túa identidade. Se algunha da túa información (como o teu nome, data de nacemento ou enderezo particular) é incorrecta, debes actualizar a información da túa conta.

Se a información é correcta e aínda así recibes unha solicitude de verificación, podes resolver a solicitude completando unha das seguintes tarefas:

  • Confirma a túa identidade sacando un selfie cun documento de identidade con foto válido.
  • Carga de forma separada os documentos de proba de identidade e proba de enderezo no teu administrador de Shopify.
    • A información dos teus documentos debe coincidir exactamente coa que introduzas na túa conta. De ser necesario, actualiza a información da túa conta para que coincida cos teus documentos.

As sociedades non rexistradas tamén deben proporcionar os seguintes detalles sobre a súa empresa:

  • Nome de empresa rexistrada: a razón social tal e como aparece na documentación.
  • Número de imposto sobre o valor engadido (IVE): o teu número de rexistro do IVE, se procede.
  • Número de teléfono da empresa: un número de teléfono de contacto activo para a empresa.
  • Enderezo comercial: o enderezo oficial rexistrado da empresa tal e como aparece na documentación.

Os socios bancarios de Shopify verifican a túa información comparándoa cos rexistros gobernamentais de Croacia. Presta moita atención ás maiúsculas, á puntuación e aos símbolos.

Se non é posible verificar a información que proporcionas sobre a empresa, é posible que teñas que facilitar un documento de verificación desta. Ao achegar este documento, asegúrate de que o nome rexistrado e o enderezo comercial que aparecen na túa conta coincidan exactamente coa información do documento. Actualiza a información da túa conta para que coincida co documento. Aquí móstranse os documentos de empresa aceptables.

Ademais, debes incluír calquera outra persoa que sexa propietaria ou socia. Asegúrate de introducir os seus nomes, datas de nacemento e enderezos particulares exactamente como aparecen nos seus documentos gobernamentais. Se non é posible verificar as súas identidades de xeito automático, é posible que teñan que proporcionar un documento de identidade con foto ou unha proba de enderezo.

Os propietarios que proporciones deben coincidir cos propietarios que aparecen no rexistro mercantil do teu goberno. Se se detecta unha discrepancia, pedirase que completes o proceso de certificación facendo clic no botón Asinar ou que proporciones un documento de proba de propiedade. Asinar a certificación é a forma máis rápida de resolver a discrepancia, pero se prefires enviar un documento, asegúrate de que os nomes dos propietarios que figuran na túa conta coincidan exactamente cos propietarios que figuran no teu documento. De ser necesario, actualiza a información na túa conta para que coincida co teu documento. Se a túa empresa é propiedade dunha sociedade matriz (na súa totalidade ou en parte), asina a certificación para completar a verificación.

Organizacións sen ánimo de lucro rexistradas

Unha organización sen ánimo de lucro (OSAL) é unha entidade que se constitúe con fins distintos a xerar beneficios para os seus accionistas. A súa misión principal é servir a un beneficio público ou comunitario. As organizacións sen ánimo de lucro rexistradas rexistráronse para fins comerciais e obtiveron un número OIB.

As organizacións sen ánimo de lucro rexistradas deben asignar un director ou un executivo con poder de decisión como o seu representante da conta. O representante da conta debe proporcionar a seguinte información:

  • Nome e apelidos legais: o teu nome legal completo tal e como aparece na documentación emitida polo goberno.
  • Data de nacemento: a túa data de nacemento.
  • Enderezo de correo electrónico: un enderezo de correo electrónico válido e activo.
  • Número de teléfono: un número de teléfono válido e activo.
  • Enderezo residencial: o teu enderezo particular, que debe coincidir coa túa documentación.
  • Posto de traballo: o posto de traballo que ocupas na empresa.
  • Participación: se procede, a porcentaxe de participación que posúes da empresa.

Se a túa información non se pode verificar automaticamente, recibirás unha solicitude para verificar a túa identidade. Se algunha da túa información (como o teu nome, data de nacemento ou enderezo particular) é incorrecta, debes actualizar a información da túa conta.

Se a información é correcta e aínda así recibes unha solicitude de verificación, podes resolver a solicitude completando unha das seguintes tarefas:

  • Confirma a túa identidade sacando un selfie cun documento de identidade con foto válido.
  • Carga de forma separada os documentos de proba de identidade e proba de enderezo no teu administrador de Shopify.
    • A información dos teus documentos debe coincidir exactamente coa que introduzas na túa conta. De ser necesario, actualiza a información da túa conta para que coincida cos teus documentos.

As organizacións sen ánimo de lucro rexistradas tamén deben proporcionar os seguintes detalles sobre a súa organización:

  • Nome de empresa rexistrada: a razón social tal e como aparece no rexistro da administración tributaria.
  • Número OIB (Osobni Identifikacijski Broj): o OIB da empresa tal e como aparece no rexistro da administración tributaria.
  • Número de imposto sobre o valor engadido (IVE): o teu número de rexistro do IVE, se procede.
  • Número de teléfono da empresa: un número de teléfono de contacto activo para a empresa.
  • Enderezo comercial: o enderezo oficial rexistrado da empresa tal e como aparece no rexistro da administración tributaria.

Os socios bancarios de Shopify verifican a túa información comparándoa cos rexistros gobernamentais de Croacia. Presta moita atención ás maiúsculas, á puntuación e aos símbolos.

Se non é posible verificar a información que proporcionas sobre a empresa, é posible que teñas que facilitar un documento de verificación desta. Ao achegar este documento, asegúrate de que o nome rexistrado, o número OIB e o enderezo comercial que aparecen na túa conta coincidan exactamente coa información do documento. Actualiza a información da túa conta para que coincida co documento. Aquí móstranse os documentos de empresa aceptables.

Ademais, debes incluír calquera outra persoa que forme parte do teu consello de administración ou que tome decisións clave. Asegúrate de introducir os seus nomes, datas de nacemento e enderezos particulares exactamente como aparecen nos seus documentos gobernamentais. Se non é posible verificar as súas identidades de xeito automático, é posible que teñan que proporcionar un documento de identidade con foto ou unha proba de enderezo.

Os directores que indiques deben coincidir cos que figuran no rexistro mercantil do goberno. Se se detecta algunha diferenza, pedirémosche que completes o proceso de certificación facendo clic no botón Asinar ou que proporciones un documento de proba de cargo de director. Asinar a certificación é a forma máis rápida de resolver a diferenza, pero, se prefires enviar un documento, asegúrate de que os nomes dos directores incluídos na túa conta coincidan exactamente cos do teu documento. Se é necesario, actualiza a información da túa conta para que coincida co documento.

OSAL sen rexistrar

Unha organización sen ánimo de lucro (OSAL) é unha entidade constituída con fins distintos aos de xerar beneficios para os seus accionistas. A súa misión principal é ofrecer un beneficio público ou comunitario. Unha organización sen ánimo de lucro sen rexistrar non ten número OIB, pero rexistrouse nos tribunais locais e ten o estado de organización sen ánimo de lucro.

As OSAL sen rexistrar deben asignar un responsable da toma de decisións ou organizador como o seu representante da conta e marcar esa persoa como executivo. O representante da conta debe proporcionar a seguinte información:

  • Nome e apelidos legais: o teu nome legal completo tal e como aparece na documentación emitida polo goberno.
  • Data de nacemento: a túa data de nacemento.
  • Enderezo de correo electrónico: un enderezo de correo electrónico válido e activo.
  • Número de teléfono: un número de teléfono válido e activo.
  • Enderezo residencial: o teu enderezo particular, que debe coincidir coa túa documentación.
  • Posto de traballo: o posto de traballo que ocupas na empresa.
  • Participación: se procede, a porcentaxe de participación que posúes da empresa.

Se a túa información non se pode verificar automaticamente, recibirás unha solicitude para verificar a túa identidade. Se algunha da túa información (como o teu nome, data de nacemento ou enderezo particular) é incorrecta, debes actualizar a información da túa conta.

Se a información é correcta e aínda así recibes unha solicitude de verificación, podes resolver a solicitude completando unha das seguintes tarefas:

  • Confirma a túa identidade sacando un selfie cun documento de identidade con foto válido.
  • Carga de forma separada os documentos de proba de identidade e proba de enderezo no teu administrador de Shopify.
    • A información dos teus documentos debe coincidir exactamente coa que introduzas na túa conta. De ser necesario, actualiza a información da túa conta para que coincida cos teus documentos.

As OSAL sen rexistrar tamén teñen que proporcionar os seguintes detalles sobre a súa empresa:

  • Nome de empresa rexistrada: a razón social tal e como aparece na documentación.
  • Número de imposto sobre o valor engadido (IVE): o teu número de rexistro do IVE, se procede.
  • Número de teléfono da empresa: un número de teléfono de contacto activo para a empresa.
  • Enderezo comercial: o enderezo oficial rexistrado da empresa tal e como aparece na documentación.

Os socios bancarios de Shopify verifican a túa información comparándoa cos rexistros gobernamentais de Croacia. Presta moita atención ás maiúsculas, á puntuación e aos símbolos.

Se non é posible verificar a información que proporcionas sobre a empresa, é posible que teñas que facilitar un documento de verificación desta. Ao achegar este documento, asegúrate de que o nome rexistrado, o número OIB e o enderezo comercial que aparecen na túa conta coincidan exactamente coa información do documento. Actualiza a información da túa conta para que coincida co documento. Aquí móstranse os documentos de empresa aceptables.

Ademais, debes incluír calquera outra persoa que forme parte do teu consello de administración ou que tome decisións clave. Asegúrate de introducir os seus nomes, datas de nacemento e enderezos particulares exactamente como aparecen nos seus documentos gobernamentais. Se non é posible verificar as súas identidades de xeito automático, é posible que teñan que proporcionar un documento de identidade con foto ou unha proba de enderezo.

Os directores que indiques deben coincidir cos que figuran no rexistro mercantil do goberno. Se se detecta algunha diferenza, pedirémosche que completes o proceso de certificación facendo clic no botón Asinar ou que proporciones un documento de proba de cargo de director. Asinar a certificación é a forma máis rápida de resolver a diferenza, pero, se prefires enviar un documento, asegúrate de que os nomes dos directores incluídos na túa conta coincidan exactamente cos do teu documento. Se é necesario, actualiza a información da túa conta para que coincida co documento.

Tipos de documentos aceptados

Para axudar co proceso de verificación, debes proporcionar certos documentos para validar a túa información persoal e, nalgúns casos, a información da túa empresa. Os seguintes tipos de documentos admítense para persoas físicas e empresas en Croacia.

Documentos de identidade

Ao enviar documentos de identidade, estes deben incluír o teu nome legal completo, a túa data de nacemento e a túa foto. Os seguintes son os documentos de identidade aceptados ao usar Shopify Payments en Croacia:

  • Hrvatska putovnica (pasaporte)
  • Vozačka dozvola (carné de conducir)
  • Osobna iskaznica (documento de identidade): requírense copias do anverso e do reverso
  • Dozvola boravka (permiso de residencia)

Documentos de enderezo

Ao enviar documentos de enderezo, estes deben incluír o teu nome legal completo, o enderezo persoal que engades ao teu perfil de Shopify Payments e, se se indica, ter unha data dentro do intervalo aceptado. Os seguintes son os documentos de enderezo aceptados ao usar Shopify Payments en Croacia:

  • Osobna iskaznica (documento de identidade): requírense copias do anverso e do reverso
  • Potvrda o bankovnom računu (extracto bancario): con data dos últimos 6 meses
  • Račun za komunalne usluge (factura de servizos públicos): con data dos últimos 6 meses

Documentos de verificación da empresa

Ao enviar documentos da empresa ou da entidade, estes deben incluír o nome completo da empresa que coincida co que engadises ao teu perfil de Shopify Payments, o número OIB e un enderezo comercial que coincida co que engadises ao teu perfil de Shopify Payments. Os seguintes son os documentos da empresa aceptados ao usar Shopify Payments en Croacia:

  • Izvadak iz sudskog registra (certificado de constitución)
  • Izjava o osnivanju/Društveni ugovor/Statut (estatutos da asociación)
  • Rješenje o upisu u registar PDV obveznika (rexistro do IVE)

Documentos de propiedade

Os seguintes documentos acéptanse como proba de propiedade ou cargo de director, sempre que mostren o nome da entidade xurídica da túa empresa e todos os nomes completos dos propietarios ou directores desta.

Documentos que poden usarse para verificar os propietarios:

  • Osnivački akt (Estatutos de constitución)
  • Izvod iz registra trgovačkih društava (Certificado de estado corporativo)
  • Ugovor o partnerstvu (Acordos de asociación)
  • Osnivački dokument (Documento de rexistro)
  • Registar stvarnih vlasnika (Rexistro de titulares reais finais)

Documentos que poden usarse para verificar os directores:

  • Osnivački akt (Estatutos de constitución)
  • Izvod iz registra trgovačkih društava (Certificado de estado corporativo)
  • Osnivački dokument (Documento de rexistro)
  • Registar stvarnih vlasnika (Rexistro de titulares reais finais)

Todo titular real que figure na túa documentación tamén debe incluírse na túa conta de Shopify Payments e ter asignado o rol de Propietario. Un titular real defínese como alguén que posúe o 25 % ou máis do capital da empresa. Se é necesario, actualiza a información da túa conta para que coincida co documento.

Se a túa empresa non ten ningún titular real, terás que verificar os seus directores no seu lugar. Nestes casos, pódense usar os documentos para directores indicados anteriormente. Cada director que figure na túa documentación tamén debe incluírse na túa conta de Shopify Payments e ter asignado o rol de Director. Se é necesario, actualiza a información da túa conta para que coincida co documento.

Se a túa empresa é propiedade dun holding, primeiro asegúrate de introducir correctamente os propietarios e directores e, a continuación, completa o proceso de certificación dixital facendo clic no botón Asinar.

Garantir o cumprimento da documentación

Ao proporcionar os teus documentos, asegúrate de que cumpren cos criterios necesarios. Revisa as seguintes pautas para garantir o cumprimento:

  • Precisión: asegúrate de que a información dos teus documentos coincide coa que introduciches na túa conta de Shopify Payments. Se é necesario, actualiza a túa conta para que coincida cos documentos.
  • Claridade e lexibilidade: asegúrate de que os teus documentos son claros e o suficientemente grandes como para lerse. Comproba que o documento completo sexa visible na fotografía.
  • Integridade: asegúrate de que todos os detalles necesarios son visibles no teu documento. Revisa os tipos de documentos aceptados nesta páxina para saber que detalles deben incluírse neles.
  • Documentación orixinal: tira unha fotografía orixinal do teu documento cunha cámara. Non fotocopies, escanees nin fagas capturas de pantalla dos teus documentos. Non pegues fotos de documentos noutros documentos. Non tires fotos de pantallas de ordenador nin de impresións.
    • Se o teu documento se emitiu dixitalmente, proporciona o ficheiro PDF con todas as páxinas tal e como se che entregou orixinalmente, sen ningunha alteración.
  • Validez: asegúrate de que as identificacións fotográficas non estean caducadas e de que o xustificante de enderezo se emitise recentemente. Se proporcionas o rexistro da empresa como proba, esta aínda debe estar rexistrada activamente e en regra.

Resolución de problemas comúns

Antes de poñerte en contacto co Soporte de Shopify, revisa estes problemas comúns de incorporación e as súas solucións.

Rexeitouse o meu documento

Asegúrate de que a información da túa conta coincida exactamente co teu documento e actualízaa de ser necesario. Se os teus documentos séguense rexeitando, consulta as seguintes seccións desta páxina:

Non se pode verificar o meu enderezo automaticamente

Para Shopify Payments en Croacia, se o teu enderezo non se pode verificar automaticamente, pedirémosche que completes o proceso do selfi ou que proporciones un documento que o xustifique.

Recoméndase completar o proceso do selfi. A persoa física que require a verificación pode facer clic no botón Selfi e, a continuación, tirar unha fotografía do seu documento de identidade con foto e de si mesma para realizar a verificación. Podes completar o proceso do selfi en lugar de proporcionar un documento que xustifique o teu enderezo.

Se prefires enviar un documento manualmente, tamén podes facelo. Os documentos de xustificante de enderezo deben incluír o teu nome completo e enderezo particular, e deben ser un dos tipos de documentos aceptados. Antes de cargar o teu documento:

  1. Confirma que o enderezo da túa conta de Shopify Payments coincide exactamente co enderezo do teu documento de xustificante de enderezo.
  2. Actualiza a información da túa conta para que coincida co documento, se fose necesario.
  3. Confirma que o documento inclúe o teu nome completo. Se tes unha factura de servizos a nome doutra persoa, terás que proporcionar un documento diferente.
  4. Carga unha fotografía clara do documento.
Non é posible verificar a miña información de propietario

Para Shopify Payments Croacia, é obrigatorio introducir os propietarios para que os nomes da lista coincidan cos propietarios rexistrados para a túa empresa no rexistro mercantil do teu goberno. Recoméndase buscar a información dos propietarios no rexistro e introducir os nomes exactamente como aparecen alí. Se non tes propietarios, debes incluír a todos os teus directores na conta no seu lugar.

Se xa o fixeches e aínda así non é posible verificar a propiedade ou dirección, recomendámosche que fagas clic no botón Asinar na túa páxina de verificación para dar fe de xeito dixital de que a información proporcionada é correcta.

Se o prefires, podes proporcionar un documento que confirme quen son os teus propietarios ou directores, en lugar de usar o proceso de certificación. A información de propietario e director que introduzas na túa conta de Shopify Payments debe coincidir coa información da documentación que cargues. Se na túa documentación figura un propietario ou director, pero non está engadido á túa conta de Shopify Payments, debes engadir a esa persoa á túa conta e asignarlle o rol de Propietario ou Director. A lista dos tipos de documentos que podes proporcionar para verificar a propiedade está dispoñible aquí.

Debes asegurarte de que os propietarios e directores da túa conta coincidan de maneira exacta coa túa documentación. Non incluas propietarios nin directores adicionais que non aparezan nos teus documentos.

Non se verifica a información da miña empresa

Os socios bancarios de Shopify verifican a información da túa empresa comparándoa cos rexistros gobernamentais de Croacia. Se non é posible verificar a túa empresa, comproba os seguintes detalles:

  • Asegúrate de que o nome da empresa rexistrada coincide exactamente con como aparece no rexistro da administración tributaria, incluíndo as maiúsculas, signos de puntuación e símbolos.
  • Asegúrate de que o teu número OIB (Osobni Identifikacijski Broj) sexa correcto.
  • Asegúrate de que o enderezo comercial coincida co que figura no rexistro da administración tributaria.

Se aínda así non é posible verificar a túa información, pode que teñas que proporcionar un documento de verificación de empresa. Asegúrate de que a información do documento coincide coa que introduciches na túa conta de Shopify Payments.

A información da miña conta bancaria non funciona

Confirma que a túa conta cumpre os requisitos de conta bancaria e que non estás a usar un tipo de conta bancaria non compatible. Un IBAN croata ten 21 caracteres e comeza polo prefixo HR.

Se o teu pagamento falla, verifica que introduciches correctamente a información da túa conta e que estás a usar un tipo de conta compatible. Para confirmar se a túa conta pode aceptar transferencias SEPA, ponte en contacto co teu banco.

Os meus pagamentos fallan cunha conta bancaria virtual

As contas bancarias virtuais como Revolut e Payoneer acéptanse para os pagamentos, pero presentan unha maior taxa de fallo de pagamento ca as contas bancarias tradicionais. Se os teus pagamentos fallan, considera utilizar unha conta bancaria estándar no seu lugar.

Preguntas frecuentes

Revisa estas preguntas frecuentes sobre os requisitos de Shopify Payments en Croacia.

Son unha empresa, unha asociación ou unha organización sen ánimo de lucro. Por que precisades da miña identificación con foto ou xustificante de enderezo?

Aínda que esteas rexistrado como unha empresa, asociación ou organización sen ánimo de lucro, por leis normativas en Croacia esíxeselles aos socios bancarios de Shopify verificar a identidade das persoas asociadas á empresa, o que inclúe a súa identidade e onde se localizan.

Son de Croacia pero agora non vivo alí. Podo usar Shopify Payments Croacia?

Se o teu tipo de empresa é como persoa física, debes vivir en Croacia para cumprir os requisitos de Shopify Payments Croacia. Se agora mesmo non vives en Croacia, terás que crear unha conta de Shopify Payments na rexión onde vivas.

Actualiza o enderezo da tenda pola túa localización actual. Se a túa localización cumpre os requisitos de Shopify Payments, poderás crear unha conta de Shopify Payments para esa rexión no seu lugar.

Se es calquera tipo de asociación, empresa ou organización sen ánimo de lucro, non precisas vivir persoalmente en Croacia, pero a túa empresa debe estar rexistrada no país e ter un enderezo comercial croata. Se precisas axuda, ponte en contacto co Soporte de Shopify.

Son unha asociación e estádesme pedindo un número OIB, pero non teño. Que fago?

Se es unha asociación á cal se lle solicita un número OIB, pero non o tes, o tipo de empresa que configuraches non é o correcto. Se te atopas en pleno proceso de configuración da conta, volve á pantalla de selección de tipo de empresa e selecciona Asociación non rexistrada.

Se xa configuraches a conta e estase a solicitar un número OIB como parte do teu proceso de verificación, podes actualizar o teu tipo de empresa en Configuración > Xeral. Fai clic nos tres puntos situados xunto aos datos da empresa e, a continuación, fai clic en Editar. Se tes algunha dificultade ao actualizar o tipo de empresa, ponte en contacto co Soporte de Shopify para recibir asistencia.

Son un traballador autónomo. Precisades do meu rexistro de empresa ou da miña información?

A efectos de verificación de identidade e da empresa en Croacia, Shopify só ten a obriga de recoller e verificar a información persoal do propietario se es un traballador autónomo.

Se es un traballador autónomo, non intentes rexistrarte como un tipo de empresa distinto. Pode que teñas dificultades para pasar a verificación.

Son unha empresa que cotiza en bolsa. Que tipo de empresa debo escoller?

Selecciona Sociedade de responsabilidade limitada. A efectos de verificación de identidade e da empresa, o proceso para empresas públicas e privadas é idéntico. Podes omitir a sección do formulario de configuración da conta que solicita engadir propietarios. Non é obrigatorio enumerar os titulares reais se non os tes.

Se es unha empresa que cotiza en bolsa en Croacia, xa configuraches a conta de Shopify Payments e agora solícitase a información da túa propiedade como parte do proceso de verificación, actualiza os detalles de propiedade para reflectir que non tes propietarios. Elimina o rol Propietario de calquera persoa nos ficheiros e, en vez diso, asegúrate de que todos os teus directores figuren na conta e teñan asignado o rol Director.

É posible que se che pida que confirmes que a directiva enumerada é correcta. Se podes confirmar que é correcta, fai clic no botón Asinar para dar fe de xeito dixital da información nos ficheiros.

Se tes calquera dificultade con este proceso, ponte en contacto co Soporte de Shopify para recibir asistencia.

Non teño un número OIB, pero non son unha persoa física nin un traballador autónomo

Se non tes un OIB, Shopify só ofrece opcións de tipo de empresa dispoñibles para asociacións non rexistradas e organizacións sen ánimo de lucro non rexistradas. Estes dous tipos de empresas aínda precisan proporcionar a documentación comercial correspondente que mostre que están rexistrados como tal en Croacia.

Se ningún destes dous tipos de empresa se axusta á túa, selecciona Persoa física / Traballador autónomo e asigna a unha persoa con gran poder de decisión ou a un propietario como representante da conta.

A miña conta xa fora verificada. Por que se me pide proporcionar información nova?

Os requisitos dos socios financeiros e de regulación cambian ao longo do tempo. Cando isto ocorre, pode que debas proporcionar información adicional para continuar cumprindo as normativas. Recibirás estas solicitudes a través dun banner ou dunha alerta no administrador, e dun correo electrónico correspondente. Debes completar estas solicitudes para seguir utilizando Shopify Payments.

Como podo actualizar a información da miña conta de Shopify Payments?

Se se che está a pedir que completes a verificación da conta, podes facer calquera actualización da túa información desde a páxina de verificación, ademais de enviar calquera documento que se solicite.

Fóra do proceso de verificación, o propietario da tenda pode actualizar estes datos en Configuración > Xeral > Datos da empresa. Fai clic nos tres puntos situados a carón da túa entidade comercial e, a continuación, fai clic en Editar para actualizar a información desa empresa, incluído o tipo de empresa.

Ten en conta que calquera cambio que fagas aquí enviarase automaticamente aos nosos partners bancarios para a súa revisión e a nova información volverá pasar polo seu proceso de verificación. É posible que os cambios se volvan verificar automaticamente, pero tamén se podería pedir que presentes documentos xustificativos.

Que ocorre se se me pasa o prazo de verificación?

Verás unha pausa temporal nos teus pagamentos ata que se complete o procedemento de verificación. Despois de que se cumpra o primeiro prazo e os pagamentos se poñan temporalmente en pausa, poderías ver un segundo prazo que indica cando se poñerá temporalmente en pausa a túa capacidade para aceptar pedidos con Shopify Payments.

Todas estas pausas son temporais e levántanse automaticamente despois de completar a verificación. Consulta a túa páxina do administrador para coñecer os teus prazos.

A partir de xuño de 2026, as contas novas de Shopify Payments para Croacia terán 90 días desde o primeiro pedido procesado para completar a verificación. Se transcorren 90 días, poderíase facer o reembolso automático de calquera pedido que procesases a través de Shopify Payments.

Esta política de reembolsos só se aplica a países europeos e só ás contas novas creadas a partir de xuño de 2026. Se esta política de reembolsos é aplicable a ti, os avisos indicaranlle ao propietario da tenda cando pode agardar que se procesen os reembolsos.

Antes de contactar co Soporte de Shopify sobre Shopify Payments en Croacia

Antes de contactar co Soporte de Shopify, recompila esta información para axudar a resolver o teu problema máis rápido:

  • Capturas de pantalla de calquera mensaxe de erro que recibises, coa información sensible como os números de conta bancaria eliminada
  • O tipo de empresa que seleccionaches durante a configuración
  • O teu número OIB (Osobni Identifikacijski Broj), se é aplicable
  • O paso específico no que atopaches o problema
  • O navegador e dispositivo que estás a utilizar
  • Os datos da túa conta bancaria (IBAN, tipo de conta, moeda) sen compartir o número de conta completo
  • Calquera documento que cargases e cando o cargaches

Ter esta información preparada axúdalle ao Soporte de Shopify a atenderte de xeito máis eficiente.