მიგრაცია WooCommerce-დან
ეს გზამკვლევი აღწერს, თუ როგორ უნდა მოახდინო შენი მაღაზიის მიგრაცია Shopify-ზე WooCommerce-დან. შეგიძლია გამოიყენო ის საწყის წერტილად და საცნობაროდ, რათა დარწმუნდე, რომ არ დაგავიწყდება დაყენების ძირითადი ამოცანები.
ამ გვერდზე
- ნაბიჯი 1: გადაწყვიტე, როგორ მოახდინო შენი WooCommerce-ის მაღაზიის კონტენტისა და მონაცემების მიგრაცია Shopify-ზე
- ნაბიჯი 2: დააექსპორტე შენი პროდუქტის მონაცემები WooCommerce-დან
- ნაბიჯი 3: დაარედაქტირე პროდუქტის ექსპორტის მონაცემები WooCommerce-დან
- ნაბიჯი 4: დააიმპორტე შენი პროდუქტის მონაცემები Shopify-ში
- ნაბიჯი 5: გადაამოწმე და დააორგანიზე შენი პროდუქტები იმპორტის შემდეგ
- ნაბიჯი 6: (არასავალდებულო) დააექსპორტე შენი მომხმარებლის მონაცემები WooCommerce-დან
- ნაბიჯი 7: (არასავალდებულო) დაარედაქტირე შენი მომხმარებლის მონაცემები WooCommerce-დან
- ნაბიჯი 8: (არასავალდებულო) დააიმპორტე შენი მომხმარებლის მონაცემები Shopify-ში
- ნაბიჯი 9: (არასავალდებულო) დააიმპორტე შენი მიმოხილვები Shopify-ში
- ნაბიჯი 10: (არასავალდებულო) დააექსპორტე შეკვეთების ისტორია WooCommerce-დან
- ნაბიჯი 11: (არასავალდებულო) დააიმპორტე შეკვეთების ისტორია Shopify-ში
- ნაბიჯი 12: გახადე შენი ვებსაიტი ვიზუალურად მიმზიდველი
- ნაბიჯი 13: დააყენე მიწოდება
- ნაბიჯი 14: დააკონფიგურირე შენი გადასახადები
- ნაბიჯი 15: გადახდის პროვაიდერის დაყენება
- ნაბიჯი 16: განათავსე სატესტო შეკვეთები
- ნაბიჯი 17: დაამატე პერსონალი შენს მაღაზიაში
- ნაბიჯი 18: დააყენე შენი დომენი
- ნაბიჯი 19: (არასავალდებულო) დააყენე შენი SEO წარმატებისთვის
ნაბიჯი 1: გადაწყვიტე, როგორ მოახდინო შენი WooCommerce-ის მაღაზიის კონტენტისა და მონაცემების მიგრაცია Shopify-ზე
მას შემდეგ, რაც შექმნი შენს მაღაზიას Shopify-ზე, გადახედე შენს არსებულ WooCommerce-ის მაღაზიას და გადაწყვიტე, რომელი მონაცემებისა და კონტენტის გადმოტანა გსურს Shopify-ზე. შესაძლოა დაგჭირდეს WooCommerce-დან შემდეგი მონაცემების მიგრაცია:
- პროდუქტები
- მომხმარებლები
- ძველი შეკვეთები, ანუ შეკვეთები, რომლებიც უკვე შესრულებულია
- შეფასებები
- ბლოგპოსტები და გვერდები
შენ ასევე უნდა გადაწყვიტო, როგორ გსურს თითოეული ტიპის კონტენტის გადატანა. გადახედე შემდეგ ვარიანტებს:
- მონაცემების ხელით დაკოპირება და ჩასმა: დააკოპირე კონტენტი შენი არსებული WooCommerce-ის მაღაზიიდან და ჩასვი ახალ Shopify-ს მაღაზიაში.
- მაღაზიის მიგრაციის აპი: დააიმპორტე შენი WooCommerce-ის პროდუქტები და მომხმარებლები Shopify-ს მაღაზიის მიგრაციის აპის გამოყენებით.
- CSV იმპორტი: დააექსპორტე შენი მონაცემები CSV ფაილებში და შემდეგ დააიმპორტე ისინი შენს ახალ Shopify-ს მაღაზიაში. ზოგიერთი მონაცემის მიგრაცია ამ გზით შეუძლებელია.
- მესამე მხარის მიგრაციის აპები: გამოიყენე მესამე მხარის მიგრაციის აპები Shopify App Store-დან.
- მიგრაციის ექსპერტი: დაიქირავე Shopify-ის პარტნიორი მიგრაციის სამართავად და დასასრულებლად.
მონაცემები, რომლებიც დამატებით ნაბიჯებს საჭიროებს
WooCommerce-ის ზოგიერთი მონაცემი არ შედის პროდუქტის ან მომხმარებლის ექსპორტებში ან არ შეიძლება მათი დაიმპორტება Shopify-ში CSV ფაილის გამოყენებით:
- ბლოგპოსტები და გვერდები: შენი WordPress-ის ბლოგპოსტები და გვერდები არ შედის WooCommerce-ის ექსპორტებში. შეგიძლია დაამატო ბლოგი და დაამატო გვერდები Shopify-ში, ან მათ დასაიმპორტებლად გამოიყენო მესამე მხარის მიგრაციის აპი, მაგალითად Matrixify.
- კუპონები: WooCommerce-ის კუპონების დაიმპორტება Shopify-ში CSV ფაილით ვერ მოხერხდება. შეგიძლია ხელახლა შექმნა ისინი ფასდაკლებების სახით ან გამოიყენო მესამე მხარის მიგრაციის აპი, მაგალითად, Matrixify.
- მომხმარებელთა პაროლები: მომხმარებლის პაროლების მიგრაცია ვერ მოხერხდება. კლიენტის ანგარიშებით დაიმპორტებული მომხმარებლები შედიან თავიანთი ელფოსტის მისამართით და ერთჯერადი დადასტურების კოდით, ამიტომ მათ პაროლი არ სჭირდებათ. თუ შენი მაღაზია იყენებს მომხმარებლის ძველ ანგარიშებს, მაშინ მოიწვიე შენი დაიმპორტებული მომხმარებლები ახალი პაროლების შესაქმნელად. შეიტყვე მეტი მომხმარებლის პაროლის შეზღუდვების შესახებ.
- ძველი შეკვეთები: შეკვეთების დაიმპორტება Shopify-ში CSV ფაილის გამოყენებით ვერ მოხერხდება. ამის ნაცვლად, გამოიყენე მესამე მხარის მიგრაციის აპი. შეიტყვე მეტი შენი შეკვეთების ისტორიის მიგრაციის შესახებ.
- შეფასებები: პროდუქტის შეფასებები არ შედის WooCommerce-ის პროდუქტების ექსპორტში. შეიტყვე მეტი შეფასებების დაიმპორტების შესახებ.
შენი მაღაზიის წინასწარი ნახვა Shopify-ზე
სანამ WooCommerce-დან მონაცემების მიგრაციას მოახდენ, შეგიძლია წინასწარ ნახო შენი ვიტრინის დიზაინი Shopify-ზე. აღწერე შენი ბიზნესი და შემდეგ შექმენი უფასო პერსონალიზებული თემა AI-ს დახმარებით.
Shopify-ს მაღაზიის მიგრაციის აპი
მაღაზიის მიგრაციის აპი არის Shopify-ს უფასო აპი, რომლის გამოყენებაც შეგიძლია შენი WooCommerce-ის პროდუქტებისა და მომხმარებლების დასაიმპორტებლად იმ CSV ფაილებიდან, რომელთა ექსპორტიც WooCommerce-დან ხდება.
აპის ინსტალაცია შეგიძლია Shopify App Store-დან. თუ რეგისტრაციისას წინა პლატფორმად აირჩიე WooCommerce, მაშინ აპი ასევე შეიძლება შემოთავაზებულ იქნას როგორც იმპორტის ვარიანტი, როდესაც დააწკაპუნებ ღილაკს იმპორტი შენი Shopify-ს ადმინის გვერდზე პროდუქტები ან მომხმარებლები.
მაღაზიის მიგრაციის აპის გამოყენებამდე, გაეცანი შემდეგ გასათვალისწინებელ გარემოებას:
- პროდუქტებს შეიძლება ჰქონდეთ მაქსიმუმ 3 ოფცია. თუ WooCommerce-ის პროდუქტი იყენებს 4 ან მეტ ატრიბუტს მისი ვარიაციებისთვის, მაშინ ის იმპორტირდება ვარიანტების გარეშე. შეგიძლია დაამატო ვარიანტები იმპორტის შემდეგ ან გამოიყენო მესამე მხარის აპები ან მეტაველები.
- დაიმპორტებული პროდუქტები დაემატება შენს მაღაზიას მონახაზების სახით.
ნაბიჯები:
- დააინსტალირე მაღაზიის მიგრაციის აპი.
- გააკეთე იმ მონაცემების ექსპორტი CSV ფორმატში, რომელთა დაიმპორტებაც გსურს WooCommerce-დან. პროდუქტებისთვის, გააკეთე შენი პროდუქტის მონაცემების ექსპორტი WooCommerce-დან. მომხმარებლებისთვის, გააკეთე შენი მომხმარებლის მონაცემების ექსპორტი WooCommerce-დან.
- მაღაზიის მიგრაციის აპში ატვირთე თითოეული CSV ფაილი მასში ცვლილებების შეტანის გარეშე.
- შენი CSV ფაილის ატვირთვის შემდეგ, იმპორტის პროცესის დასაწყებად დააწკაპუნე ღილაკს პროდუქტების იმპორტი ან მომხმარებლების იმპორტი.
- იმპორტის დასრულების შემდეგ გადახედე იმპორტის ანგარიშს. ანგარიშში მოცემულია, თუ რამდენი ერთეული დაიმპორტდა და აღწერილია ის ერთეულები, რომლებსაც ჰქონდათ პრობლემები.
ამ გზამკვლევის დანარჩენ ნაწილში რეკომენდებულია CSV ფაილების გამოყენება, როცა ეს შესაძლებელია, მაგრამ ასახულია სხვა ვარიანტებიც, თუ CSV-ის გამოყენება შეუძლებელია.
ნაბიჯი 2: დააექსპორტე შენი პროდუქტის მონაცემები WooCommerce-დან
პროდუქტის მონაცემების ექსპორტი WooCommerce-დან შეგიძლია მისი ჩაშენებული პროდუქტის CSV-ის ექსპორტიორის გამოყენებით. შეიტყვე მეტი WooCommerce-ის პროდუქტის CSV-ის ექსპორტიორის შესახებ.
ნაბიჯები:
- შენი WordPress-ის ადმინიდან გადადი განყოფილებაში პროდუქტები > ყველა პროდუქტი.
- დააწკაპუნე ექსპორტი-ს.
- გვერდზე პროდუქტების ექსპორტი , შეასრულე შემდეგი მოქმედებები:
- არასავალდებულო: ველში რომელი სვეტების ექსპორტი უნდა მოხდეს?, აირჩიე სვეტები, რომელთა ექსპორტირებაც გსურს. ნაგულისხმევად, ხდება ყველა სვეტის ექსპორტი.
- არასავალდებულო: ველში რომელი პროდუქტის ტიპების ექსპორტი უნდა მოხდეს?, აირჩიე პროდუქტის ის ტიპები, რომელთა ექსპორტიც გსურს. ნაგულისხმევად, ხდება ყველა პროდუქტის ექსპორტი.
- არასავალდებულო: ველში რომელი პროდუქტის კატეგორიის ექსპორტი უნდა მოხდეს?, აირჩიე პროდუქტის ის კატეგორიები, რომელთა ექსპორტიც გსურს. ნაგულისხმევად, ხდება ყველა კატეგორიის ექსპორტი.
- არასავალდებულო: პროდუქტის მეტამონაცემების ექსპორტისთვის WooCommerce-დან და სხვა მოდულებიდან, აირჩიე დიახ, მოხდეს ყველა მორგებული მეტას ექსპორტი.
- დააწკაპუნე ღილაკს CSV-ის გენერირება. CSV ფაილი ჩამოიტვირთება შენს კომპიუტერში.
- გადაარქვი სახელი ფაილს
WooProductDownload.csv.
ნაბიჯი 3: დაარედაქტირე შენი პროდუქტის ექსპორტის მონაცემები WooCommerce-დან
Shopify-ში მის იმპორტირებამდე CSV ფაილის რედაქტირება დაგჭირდება.
შეგიძლია ჩამოტვირთო და ნახო პროდუქტის CSV შაბლონი და შემდეგ დაარედაქტირო შენი WooProductDownload.csv ფაილი, რათა დაემთხვეს ამ ფორმატს. შესაძლოა დაგჭირდეს შენი CSV ფაილის სხვა ჩანართში მუშაობა. მეორე ჩანართში შეგიძლია დააკოპირო სვეტის სათაურები, შემდეგ კი დააკოპირო და ჩასვა შენი WooCommerce-ის იმპორტის მონაცემები Shopify-ს პროდუქტის CSV შაბლონში. იმპორტირებამდე დარწმუნდი, რომ შენი CSV ფაილი შეიცავს მხოლოდ Shopify-ს პროდუქტის CSV შაბლონის მონაცემებს შენი მაღაზიიდან.
ნიმუშის ფაილის გამოყენების შემთხვევაში, დარწმუნდი, რომ გადაამოწმებ შემდეგ დეტალებს:
- ნიმუშის ფაილი შეიცავს პროდუქტის სამ მაგალითს, რომელთაგან ორს რამდენიმე ვარიანტი აქვს. შენი იმპორტის ფაილი ალბათ მეტ პროდუქტს და ვარიანტს შეიცავს. თუ შენი საკუთარი იმპორტის ფაილის შესაქმნელად ნიმუშის ფაილს იყენებ, აუცილებლად წაშალე პროდუქტების ყველა მაგალითი.
- ნიმუშის ფაილი მოიცავს Inventory quantity სვეტს, რომელიც გამოიყენება მხოლოდ იმ მაღაზიებისთვის, რომლებსაც ერთი ლოკაცია აქვთ. თუ იყენებ რამდენიმე ლოკაციას და გსურს მარაგის რაოდენობების იმპორტი ან ექსპორტი, მაშინ გამოიყენე მარაგის CSV ფაილი.
- ნიმუშის ფაილი შეიცავს საერთაშორისო CSV სვეტებს, მაგრამ ისინი ცარიელია დატოვებული, რადგან პროდუქტების მაგალითებისთვის საერთაშორისო გაყიდვებისას უნიკალური ფასწარმოქმნა არ არის მითითებული.
შენი CSV ფაილების ფორმატირებული ვერსიის დასარედაქტირებლად შეგიძლია გამოიყენო Google Sheets. ფაილის რედაქტირება ასევე შეგიძლია სხვა პოპულარული ელექტრონული ცხრილის აპლიკაციების გამოყენებით, როგორიცაა Microsoft Excel ან Numbers.
WooCommerce აკეთებს ცვლადი პროდუქტის ექსპორტს ერთი მთავარი მწკრივისა და თითოეული ვარიაციისთვის ერთი მწკრივის სახით. Shopify-ს პროდუქტის CSV-ში, პროდუქტის პირველი მწკრივი შეიცავს პროდუქტის დეტალებს და მის პირველ ვარიანტს. ყოველ დამატებით ვარიანტს აქვს საკუთარი მწკრივი იგივე URL handle -ით, როგორიც აქვს პირველ მწკრივს და ერთი ოფციის მნიშვნელობით. გამოიყენე მნიშვნელობები WooCommerce-ის ვარიაციების მწკრივებიდან, როგორიცაა SKU, ფასი და მარაგი, შენი Shopify-ს ვარიანტების მწკრივებისთვის.
გადახედე შემდეგ ცხრილს სვეტებისთვის, რომლებიც ასახავს WooCommerce-ის მონაცემთა ტიპის Shopify-ს მონაცემთა ტიპთან შესაბამისობას. წაშალე ყველა სხვა სვეტი შენი WooCommerce-ის ექსპორტიდან, რომელიც არ არის ნახსენები ცხრილში. არსებობს გარკვეული სვეტები, რომლებიც ხელმისაწვდომია Shopify-ს პროდუქტის CSV-ში, მაგრამ არ არის შენი WooCommerce-ის პროდუქტის ექსპორტში. ეს სვეტები ქვემოთ არ არის მითითებული, თუმცა შესაძლოა, მათი გადახედვაც დაგჭირდეს. შეიტყვე მეტი იმის შესახებ, თუ რას მოითხოვს თითოეული სვეტი პროდუქტის CSV ფაილში.
| WooCommerce-ის მონაცემთა ტიპი | Shopify-ს მონაცემთა ტიპი | მოქმედება |
|---|---|---|
| Name | Title | შეცვალე სვეტის სახელი Shopify-ს მონაცემთა ტიპით. შეიყვანე სათაური მხოლოდ თითოეული პროდუქტის პირველ მწკრივში. |
| Description | Description | ცვლილება საჭირო არ არის. |
| Attribute 1 name | Option1 name | შეცვალე სვეტის სახელი Shopify-ს მონაცემთა ტიპით. |
| Attribute 1 value(s) | Option1 value | შეცვალე სვეტის სახელი Shopify-ს მონაცემთა ტიპით. თითოეულ მწკრივში შეიძლება გქონდეს მხოლოდ ერთი ოფციის მნიშვნელობა. ცვლადი პროდუქტის მთავარი მწკრივი ჩამოთვლის მის ყველა მნიშვნელობას, ამიტომ მის ნაცვლად გამოიყენე მნიშვნელობა თითოეული ვარიაციის მწკრივიდან. |
| Attribute 2 name | Option2 name | შეცვალე სვეტის სახელი Shopify-ს მონაცემთა ტიპით. |
| Attribute 2 value(s) | Option2 value | შეცვალე სვეტის სახელი Shopify-ს მონაცემთა ტიპით. თითოეულ მწკრივში შეიძლება გქონდეს მხოლოდ ერთი ოფციის მნიშვნელობა. ცვლადი პროდუქტის მთავარი მწკრივი ჩამოთვლის მის ყველა მნიშვნელობას, ამიტომ მის ნაცვლად გამოიყენე მნიშვნელობა თითოეული ვარიაციის მწკრივიდან. |
| SKU | SKU | ცვლილება საჭირო არ არის. |
| Weight (kg), Weight (g), Weight (lbs), ან Weight (oz) | Weight value (grams) | შეცვალე სვეტის სახელი Shopify-ს მონაცემთა ტიპით. WooCommerce-ის სვეტის სახელი შეიცავს შენი მაღაზიის წონის ერთეულს. მოახდინე მნიშვნელობების გრამებში კონვერტირება: გაამრავლე კილოგრამები 1000-ზე, ფუნტები 453,6-ზე ან უნციები 28,35-ზე. გრამებში მოცემული მნიშვნელობების კონვერტირება საჭირო არ არის. |
| Stock | Inventory quantity | შეცვალე სვეტის სახელი Shopify-ს მონაცემთა ტიპით. |
| Regular price | Price | შეცვალე სვეტის სახელი Shopify-ს მონაცემთა ტიპით. თუ პროდუქტზე ამჟამად ფასდაკლება მოქმედებს, მაშინ მიჰყევი მოქმედებას სვეტისთვის Sale price ". |
| Sale price | Price და Compare-at price | WooCommerce აკეთებს ფასდაკლებული ფასის ექსპორტს მაშინაც კი, როდესაც ფასდაკლების დაწყება მოგვიანებით არის დაგეგმილი, ამიტომ მათ წაშლამდე შეამოწმე სვეტები Date sale price starts და Date sale price ends . პროდუქტზე ფასდაკლება ახლა მოქმედებს მხოლოდ მაშინ, როდესაც მას აქვს მნიშვნელობა სვეტში Sale price ", მისი დაწყების თარიღი ცარიელია ან წარსულშია და მისი დასრულების თარიღი ცარიელია ან მომავალშია. თუ პროდუქტზე ახლა მოქმედებს ფასდაკლება, მაშინ შეიყვანე ფასდაკლებული ფასი სვეტში Price " და ჩვეულებრივი ფასი სვეტში Compare-at price ". ყველა სხვა პროდუქტისთვის, მათ შორის პროდუქტებისთვის ფასდაკლებული ფასის გარეშე და ფასდაკლებებისთვის, რომლებიც ჯერ არ დაწყებულა, დატოვე ჩვეულებრივი ფასი სვეტში Price ". შეგიძლია დააყენო ფასდაკლებული ფასი Shopify-ში, როდესაც დაგეგმილი ფასდაკლება დაიწყება. ფასდაკლების თარიღების იმპორტი არ ხდება, ამიტომ, თუ ფასდაკლება ამჟამად აქტიურია, ჩაინიშნე მისი დასრულების თარიღი და ფასდაკლების დასრულების შემდეგ შეიყვანე ჩვეულებრივი ფასი ველში Price " და გაასუფთავე შესადარებელი ფასი. წაშალე ეს სვეტი ფასების განახლების შემდეგ. |
| Tags | Tags | ცვლილება საჭირო არ არის. |
| Categories | Tags | შესაბამისი სვეტი არ არსებობს. კატეგორიების შესანარჩუნებლად, დაამატე კატეგორიების სახელები სვეტში Tags " და შემდეგ ამ თეგების საფუძველზე შექმენი კოლექციები პროდუქტის პირობებით. |
| Images | Product image URL | შეცვალე სვეტის სახელი Shopify-ს მონაცემთა ტიპით. WooCommerce ჩამოთვლის პროდუქტის სურათის ყველა URL-ს ერთ უჯრაში, მძიმეებით გამოყოფილს. შეიყვანე სურათის ერთი URL თითოეულ მწკრივში. შეიტყვე, თუ როგორ უნდა დაამატო პროდუქტის რამდენიმე სურათი CSV ფაილში. |
ნაბიჯი 4: შენი პროდუქტების მონაცემების იმპორტი Shopify-ში
მას შემდეგ, რაც WooProductDownload.csv ფაილი მზად გექნება და შეიტან საჭირო ცვლილებებს, შეგიძლია შენი WooCommerce-ის პროდუქტების იმპორტი Shopify-ში.
პროდუქტის სურათები ჩამოიტვირთება შენს CSV ფაილში არსებული სურათების URL-ებიდან იმპორტის პროცესში, ამიტომ დატოვე შენი WooCommerce-ის მაღაზია ონლაინ, სანამ იმპორტი არ დასრულდება.
ნაბიჯები:
შენი Shopify-ს ადმინიდან გადადი სექციაში პროდუქტები.
დააწკაპუნე იმპორტი.
არასავალდებულო: თუ გამოჩნდა შეკითხვა, როგორ გსურს პროდუქტების იმპორტი, აირჩიე Shopify-ს ფორმატის CSV ფაილის ატვირთვა და შემდეგ დააწკაპუნე შემდეგს.
დააწკაპუნე ფაილის დამატება და აირჩიე
WooProductDownload.csv.მოხსენი მონიშვნა ახალი პროდუქტების გამოქვეყნება გაყიდვების ყველა არხზე და შემდეგ დააწკაპუნე ატვირთვა და გადახედვა.
გადახედე იმპორტის დეტალებს და შემდეგ დააწკაპუნე პროდუქტების იმპორტს.
შენი CSV ფაილის ატვირთვის შემდეგ, Shopify-სგან მიიღებ დადასტურების ელფოსტას იმ მისამართზე, რომელიც Shopify-ს მაღაზიის დასაყენებლად გამოიყენე. გაეცანი გავრცელებული პრობლემების გადაჭრის გზებს ან უფრო ზოგად ინფორმაციას პროდუქტების იმპორტის შესახებ CSV ფაილის დახმარებით.
ნაბიჯი 5: პროდუქტების შემოწმება და ორგანიზება იმპორტის შემდეგ
პროდუქტების Shopify-ში იმპორტის შემდეგ, გადაამოწმე, რომ მთელი შენი ინფორმაცია სწორად არის დაიმპორტებული. ისეთმა დეტალებმა, როგორიცაა ფასი, წონა და მარაგი, არასწორი იმპორტის შემთხვევაში, შეიძლება გავლენა იქონიოს შენს ბიზნესზე.
გადახედე გავრცელებულ იმპორტის შეცდომებს
| პრობლემა | გადაჭრის გზა |
|---|---|
| პროდუქტების იმპორტი წარმატებით დასრულდა, მაგრამ არ გამოქვეყნებულა. | თუ შენ მიერ დაიმპორტებული პროდუქტები მონიშნულია, როგორც დამალული, ისინი არ გამოქვეყნდება მანამ, სანამ მათ ხელმისაწვდომს არ გახდი შენი გაყიდვების არხებისთვის. |
| დაიმპორტებულ პროდუქტებს აკლია დეტალები. | გადახედე პროდუქტის აღწერას პროდუქტის გვერდზე და შემდეგ შეავსე გამოტოვებული ინფორმაცია. |
| პროდუქტის ვარიანტების იმპორტი ვერ მოხერხდა. | თუ პროდუქტს აკლია ვარიანტის პარამეტრი, მისი იმპორტი წარმატებით არ დასრულდება. ამის ნაცვლად შეგიძლია პროდუქტი ხელით დაამატო შენს Shopify-ს მაღაზიაში. |
შენი პროდუქტების გადახედვა და ორგანიზება
- გადახედე შენი პროდუქტის დეტალებს, მათ შორის პროდუქტის აღწერას, სურათებს, ვარიანტებს, ფასსა და მეტა აღწერას.
- შექმენი პროდუქტების კოლექციები შენი პროდუქტების კატეგორიებად დასაყოფად, რაც დაგეხმარება პროდუქტების დაჯგუფებაში როგორც Shopify-ს ადმინში, ასევე შენს გარე ვებსაიტზე.
- გაეცანი პროდუქტის მარაგსა და გადატანებს, რათა თვალი ადევნო მარაგს შენს ბიზნესში. გადახედე ხელმისაწვდომ მარაგის აპებს, რათა დაადგინო, არის თუ არა რომელიმე მათგანი შენი ბიზნესისთვის საჭირო.
ნაბიჯი 6: (არასავალდებულო) შენი მომხმარებლის მონაცემების ექსპორტი WooCommerce-დან
WooCommerce არ მოიცავს მომხმარებელთა CSV ექსპორტს მისამართის სრული დეტალებით, ამიტომ მომხმარებლის მონაცემების ექსპორტისთვის დაგჭირდება ფლაგინის დაინსტალირება. მაგალითად, შეგიძლია გამოიყენო ფლაგინი Import Export Suite for WooCommerce, რომელიც ფასიანია. შეიტყვე, როგორ გააკეთო მომხმარებლების ექსპორტი Import Export Suite for WooCommerce-ის გამოყენებით.
მომხმარებლების ექსპორტისას აირჩიე CSV ექსპორტის ფორმატი და შენს საექსპორტო ფაილს დაარქვი WooCustomerDownload.
ნაბიჯი 7: (არასავალდებულო) შენი მომხმარებლის მონაცემების რედაქტირება WooCommerce-დან
შენ ვერ შეძლებ WooCustomerDownload.csv ექსპორტის იმპორტს Shopify-ში CSV-ის წინასწარი რედაქტირების გარეშე. ჩამოტვირთე და ნახე მომხმარებლის CSV შაბლონი და შემდეგ დაარედაქტირე WooCustomerDownload.csv ფაილი ისე, რომ ის შეესაბამებოდეს ამ CSV ფორმატს. შესაძლოა დაგჭირდეს მუშაობა შენი CSV ფაილის სხვა ჩანართში. სხვა ჩანართში შეგიძლია დააკოპირო სვეტის სათაურები, შემდეგ კი დააკოპირო და ჩასვა შენი WooCommerce იმპორტის მონაცემები Shopify-ს მომხმარებლის CSV შაბლონში. იმპორტის დაწყებამდე დარწმუნდი, რომ შენი CSV ფაილი შეიცავს მხოლოდ Shopify-ს მომხმარებლის CSV შაბლონის მონაცემებს შენი მაღაზიიდან.
CSV ფაილების ფორმატირებული ვერსიის რედაქტირებისთვის რეკომენდებულია Google Sheets-ის გამოყენება, თუმცა შეიძლება იმუშაოს ელექტრონული ცხრილების სხვა პოპულარულმა აპლიკაციებმაც, როგორიცაა Microsoft Excel ან Numbers.
გადახედე შენს ექსპორტს იმ სვეტებისთვის, რომლებიც აისახება Shopify-ს მონაცემთა ტიპზე. Shopify-ს მომხმარებლის CSV-ის ზოგიერთი სვეტი არ ემთხვევა შენს WooCommerce-ის მომხმარებლის ექსპორტს. გაიგე მეტი იმის შესახებ, თუ რას მოითხოვს თითოეული სვეტი მომხმარებლის CSV ფაილისთვის.
| WooCommerce-ის მონაცემთა ტიპი | Shopify-ს მონაცემთა ტიპი | მოქმედება |
|---|---|---|
| first_name | First Name | შეცვალე სვეტის სახელი Shopify-ს მონაცემთა ტიპით. |
| last_name | Last Name | შეცვალე სვეტის სახელი Shopify-ს მონაცემთა ტიპით. |
| user_email | შეცვალე სვეტის სახელი Shopify-ს მონაცემთა ტიპით. | |
| billing_company | Default Address Company | შეცვალე სვეტის სახელი Shopify-ს მონაცემთა ტიპით. |
| billing_address_1 | Default Address Address1 | შეცვალე სვეტის სახელი Shopify-ს მონაცემთა ტიპით. |
| billing_address_2 | Default Address Address2 | შეცვალე სვეტის სახელი Shopify-ს მონაცემთა ტიპით. |
| billing_city | Default Address City | შეცვალე სვეტის სახელი Shopify-ს მონაცემთა ტიპით. |
| billing_state | Default Address Province Code | შეცვალე სვეტის სახელი Shopify-ს მონაცემთა ტიპის მიხედვით. ეს სვეტი უნდა შეიცავდეს მომხმარებლის ნაგულისხმევ მისამართთან ასოცირებულ შტატის ან რეგიონის ISO კოდს. |
| billing_country | Default Address Country Code | შეცვალე სვეტის სახელი Shopify-ს მონაცემთა ტიპის მიხედვით. ეს სვეტი უნდა შეიცავდეს მომხმარებლის ნაგულისხმევ მისამართთან ასოცირებულ ქვეყნის ISO კოდს. |
| billing_postcode | Default Address Zip | შეცვალე სვეტის სახელი Shopify-ს მონაცემთა ტიპით. |
| billing_phone | Phone | შეცვალე სვეტის სახელი Shopify-ს მონაცემთა ტიპით. |
ნაბიჯი 8: (არასავალდებულო) დააიმპორტე შენი მომხმარებლების მონაცემები Shopify-ში
მას შემდეგ, რაც გექნება WooCustomerDownload.csv ფაილი და დაასრულებ ყველა საჭირო რედაქტირებას, შეძლებ დააიმპორტო შენი WooCommerce-ის მომხმარებლები Shopify-ში.
ნაბიჯები:
შენი Shopify-ს ადმინიდან გადადი მომხმარებლები-ში.
დააწკაპუნე იმპორტი.
არასავალდებულო: თუ გამოჩნდა შეკითხვა, როგორ გსურს მომხმარებლების იმპორტი, აირჩიე Shopify-ს ფორმატის CSV ფაილის ატვირთვა და შემდეგ დააწკაპუნე შემდეგს.
დააწკაპუნე ფაილის დამატება-ზე და შემდეგ აირჩიე
WooCustomerDownload.csv.არასავალდებულო: მომხმარებლის არსებული პროფილების განსაახლებლად აირჩიე გადააწერე არსებულ მომხმარებლებს, რომლებსაც აქვთ იგივე ელფოსტა ან ტელეფონი.
არასავალდებულო: იმპორტირებული მომხმარებლებისთვის თეგების დასამატებლად და სეგმენტის შესაქმნელად აირჩიე დაამატე თეგები მომხმარებლებს ამ CSV-ში და გამოიყენე ეს თეგები სეგმენტის შესაქმნელად.
დააწკაპუნე მომხმარებლების იმპორტი-ზე.
გადახედე მომხმარებლების იმპორტის შეჯამებას და შემდეგ დააწკაპუნე ყველა მომხმარებლის ნახვას.
ნაბიჯი 9: (არასავალდებულო) დააიმპორტე შენი შეფასებები Shopify-ში
პროდუქტის შეფასებები არ შედის WooCommerce-ის პროდუქტის ექსპორტში. შენი შეფასებების მიგრაცია შესაძლებელია Shopify App Store-ის მესამე მხარის აპის გამოყენებით. შემდეგ აპებს შეუძლიათ შეფასებების იმპორტი WooCommerce-დან:
ნაბიჯი 10: (არასავალდებულო) გააკეთე შენი შეკვეთების ისტორიის ექსპორტი WooCommerce-დან
შენ არ გჭირდება WooCommerce-დან შენი შეკვეთების ისტორიის ექსპორტი. შეკვეთების იმპორტი Shopify-ში CSV ფაილის გამოყენებით შეუძლებელია, ამიტომ მის ნაცვლად გამოიყენე მესამე მხარის მიგრაციის აპი, რომელიც დაუკავშირდება შენს WooCommerce-ის მაღაზიას. შეიტყვე მეტი შენი შეკვეთების ისტორიის იმპორტის შესახებ.
ნაბიჯი 11: (არასავალდებულო) დააიმპორტე შენი შეკვეთების ისტორია Shopify-ში
შენ შეგიძლია გამოიყენო მესამე მხარის მიგრაციის აპები Shopify App Store-დან, რათა განახორციელო შენი შეკვეთების ისტორიის მიგრაცია WooCommerce-დან Shopify-ში. შემდეგი აპები დაგეხმარება შეკვეთების ისტორიის იმპორტში:
შეკვეთების იმპორტამდე შეასრულე შენი პროდუქტებისა და მომხმარებლების იმპორტი. შეიტყვე მეტი წარსული შეკვეთების მიგრაციის შესახებ.
ნაბიჯი 12: გააუმჯობესე შენი ვებსაიტის იერსახე
დასაწყებად, შენი ადმინის თემები-ს გვერდზე დაყენებულია ნაგულისხმევი თემა, როდესაც ხსნი ანგარიშს Shopify-ში. შენ დაგჭირდება შენი თემის მორგება, რათა ვებსაიტმა მიიღოს შენთვის სასურველი იერსახე. თუ გსურს შენი ონლაინ მაღაზიისთვის სხვა თემის მორგება, მაშინ შეგიძლია მისი დამატება Shopify-ს ადმინის მეშვეობით.
შენი ონლაინ მაღაზიისთვის თემის დასამატებლად აირჩიე ქვემოთ მოცემული ერთ-ერთი ვარიანტი:
- დაამატე უფასო თემა პირდაპირ ადმინიდან.
- იყიდე ფასიანი თემა Shopify Theme Store-დან. მიუხედავად იმისა, რომ ფასიანი თემების შეძენა აუცილებელია ონლაინ მაღაზიაში მათ გამოქვეყნებამდე, ყიდვამდე შეგიძლია სცადო ფასიანი თემა.
დაამატე უფასო თემა ადმინიდან
უფასო თემები შემუშავებულია Shopify-ს მიერ. უფასო თემების მორგებასთან დაკავშირებულ დახმარებას უზრუნველყოფს Shopify.
ნაბიჯები:
დესკტოპი
შენი Shopify-ს ადმინიდან გადადი ონლაინ მაღაზია-ში.
გვერდის ბოლოში მდებარე სექციაში თემების აღმოჩენა დააწკაპუნე ნებისმიერ თემაზე მისი ფუნქციების შესახებ წასაკითხად და ხელმისაწვდომი თემის სტილების წინასწარ სანახავად.
შეასრულე შემდეგიდან ერთ-ერთი მოქმედება:
- თუ გვერდზე არის თემა, რომლის დამატებაც გსურს, მაშინ დააწკაპუნე დამატება-ზე ამ თემის გასწვრივ. თემა დაემატება შენი ადმინის თემები-ს გვერდზე.
- თუ გსურს მეტი უფასო თემის ნახვა, დააწკაპუნე Theme Store-ის მონახულება-ზე, შემდეგ კი მიჰყევი ნაბიჯებს, რათა დაამატო თემა Theme Store-დან.
მობილური
Shopify აპი-დან შეეხე
ხატულას.
გაყიდვების არხები-ს სექციაში შეეხე ონლაინ მაღაზია-ს.
შეეხე ყველა თემის მართვა-ს.
გვერდის ბოლოში მდებარე სექციაში თემების აღმოჩენა შეეხე ნებისმიერ თემას მისი ფუნქციების შესახებ წასაკითხად და ხელმისაწვდომი თემის სტილების წინასწარ სანახავად.
შეასრულე შემდეგიდან ერთ-ერთი მოქმედება:
- თუ გვერდზე არის თემა, რომლის დამატებაც გსურს, მაშინ შეეხე დამატება-ს ამ თემის გასწვრივ. თემა დაემატება შენი ადმინის თემები-ს გვერდზე.
- თუ გსურს მეტი უფასო თემის ნახვა, მაშინ შეეხე Theme Store-ის მონახულება-ს, შემდეგ კი მიჰყევი ნაბიჯებს, რათა დაამატო თემა Theme Store-დან.
დაამატე თემა Theme Store-დან
ფასიანი თემები შემუშავებულია მესამე მხარის დიზაინერების მიერ. მესამე მხარის თემების მორგებასთან დაკავშირებულ დახმარებას უზრუნველყოფს თემის დიზაინერი.
ნაბიჯები:
- ეწვიე Shopify Theme Store-ს და აირჩიე თემა. თუ ჯერ კიდევ შენს უფასო საცდელ პერიოდში ხარ, აირჩიე უფასო თემა, რათა თავიდან აირიდო ნებისმიერი გადასახადის გადახდა.
- თუ აირჩიე უფასო თემა, დააწკაპუნე ღილაკს თემის დამატება ან დაიწყე ამ თემით. თუ აირჩიე ფასიანი თემა, თემის შესაძენად დააწკაპუნე ღილაკს ყიდვა. ფასიანი თემები დაუბრუნებადია. რომ დარწმუნდე შენს საჭიროებებთან მის შესაბამისობაში, შეძენამდე შეგიძლია გამოსცადო ფასიანი თემა.
- ფასიანი თემების შემთხვევაში, გადახდის დასადასტურებლად დააწკაპუნე ღილაკს დამტკიცება. თემა დაემატება შენი ადმინის გვერდს თემები.
გამოსცადე ფასიანი თემა შენს მაღაზიაში
თემის შეძენამდე შეგიძლია გამოსცადო ფასიანი თემა, რათა წინასწარ ნახო, თუ როგორ გამოიყურება ის შენს პროდუქტებთან, ბრენდის ფერებსა და სტილთან. თემის წინასწარ ნახვისას, თემის რედაქტორის გამოყენებით შეგიძლია მისი მორგება. შენ მიერ შეტანილი ნებისმიერი ცვლილება შეინახება თემის შეძენისას. შეგიძლია წინასწარ ნახო 19-მდე ფასიანი თემა, რაც საშუალებას გაძლევს, შეძენამდე შეადარო სხვადასხვა თემა ერთმანეთს.
ნაბიჯები:
- ეწვიე Shopify Theme Store-ს და აირჩიე ფასიანი თემა.
- დააწკაპუნე ღილაკს თემის გამოცდა. შენი ონლაინ მაღაზიისთვის ჩაიტვირთება თემის წინასწარი ვერსია.
- შეასრულე შემდეგიდან ერთ-ერთი მოქმედება:
- თემის წინასწარი ნახვის შესაჩერებლად დააწკაპუნე ღილაკს წინასწარი ნახვის დახურვა.
- თემის შესაძენად დააწკაპუნე ღილაკს ყიდვა.
- თემის რედაქტორის გამოყენებით თემის პარამეტრების შესაცვლელად დააწკაპუნე ღილაკს თემის რედაქტირება.
თუ გადაწყვეტ, რომ არ შეიძინო თემა, ფასიანი თემა მაინც დაემატება შენი ადმინის გვერდზე თემები. ფასიან თემებს, რომლებსაც ცდი, აქვთ ეტიკეტი თემის საცდელი პერიოდი.
ნაბიჯი 13: მიწოდების დაყენება
გაშვებამდე სწორად უნდა დააყენო მიწოდების ტარიფები და მიწოდების მეთოდები — არც ზედმეტი თანხის ჩამოჭრის გამო მოგიწევს მომხმარებლებისთვის თანხის დაბრუნება და არც იმაზე სათხოვნელად მოგიწევს მათთვის ელფოსტის გაგზავნა, რომ მეტი გადაიხადონ, რადგან შეკვეთის მიწოდების ხარჯების დასაფარად საკმარისი თანხა არ გამოგირთმევია.
შეკვეთის მიწოდებისა და შეკვეთის შესრულების შესახებ მეტი ინფორმაციისთვის დააწკაპუნე აქ.
ნაბიჯები:
- გადახედე შენი მაღაზიის მისამართს, რათა მიიღო ზუსტი მიწოდების ტარიფები შენი ლოკაციის მიხედვით. თუ სხვა ადგილებიდანაც აგზავნი, დაამატე ისინი ლოკაციებად.
- შექმენი მიწოდების ზონები, რათა დაუშვა მიწოდება სხვადასხვა რეგიონში, შტატსა და ქვეყანაში.
- გადამზიდავის მიერ გამოთვლილი მიწოდების ტარიფების გამოყენებისას, დააკონფიგურირე გზავნილის განზომილებები. მიწოდების ტარიფების გამოსათვლელად ბევრი გადამზიდავი იყენებს მოცულობით წონას (ამანათის სიმაღლე, წონა და სიღრმე).
- დააყენე მიწოდების ტარიფები შენ მიერ შექმნილი მიწოდების ზონებისთვის.
- აირჩიე მიწოდების სტრატეგია, რომელიც შენი ბიზნესისთვისაა შესაფერისი. გადაწყვეტილების მიღებამდე, შენი საჭიროებების შესაბამისი სტრატეგიის მოსაძებნად, სასარგებლო იქნება რამდენიმე ვარიანტის გადახედვა.
- გადაწყვიტე, როგორ გსურს შეკვეთების შესრულება. შეგიძლია თავად შეასრულო და გააგზავნო შეკვეთები, ან გამოიყენო შეკვეთის შესრულების სერვისი, რომელიც შენ მაგივრად გააგზავნის შეკვეთებს.
ნაბიჯი 14: გადასახადების კონფიგურაცია
ბიზნესის მართვის მნიშვნელოვანი ნაწილია გაყიდვების გადასახადის ჩამოჭრა. შენი ლოკაციიდან გამომდინარე, შენს პროდუქტებზე ვრცელდება გაყიდვების გადასახადის სხვადასხვა წესი და რეგულაცია. იმისათვის, რომ დარწმუნდე შენი მაღაზიის ამ წესებთან შესაბამისობაში, დაუთმე დრო Shopify-ს გადასახადის დაყენების პროცესის გაცნობას.
გადასახადების ჩამოჭრა მიწოდების დანიშნულების ადგილების მიხედვით
როდესაც დააყენებ მიწოდებას, შეგიძლია პროდუქტებს დაარიცხო მიწოდების გადასახადები მომხმარებლის პროვინციული, შტატის ან რეგიონული საგადასახადო რეგულაციების მიხედვით. მათი გამოთვლა Shopify-ს მიერ ავტომატურად ხდება.
თუ გჭირდება გადასახადების ხელით კორექტირება ისეთი რეგიონის მიხედვით, რომელსაც უნიკალური საგადასახადო შეზღუდვები აქვს, ან პროდუქტების კონკრეტული კოლექციის მიხედვით, შეგიძლია გამოიყენო გადასახადის გადაფარვა.
გადასახადებისთვის თვალის დევნება
პროდუქტებისთვის გადასახადის პარამეტრების კონფიგურაციისას, უნდა გაითვალისწინო, თუ როგორ ადევნო თვალი გადასახადებს მთელი წლის განმავლობაში.
თუ დარწმუნებული არ ხარ, რომელი სისტემა გამოიყენო გადასახადებისთვის თვალის სადევნებლად, შეგიძლია გადახედო ბუღალტრულ აპებს Shopify App Store-ში.
ნაბიჯი 15: გადახდის პროვაიდერის დაყენება
იმისათვის, რომ მომხმარებლებმა შეძლონ შენთვის თანხის გადახდა, უნდა დააყენო გადახდის პროვაიდერი. გადახდის პროვაიდერი საშუალებას გაძლევს, უსაფრთხოდ მიიღო გადახდები საკრედიტო ბარათით. Shopify Payments ხელმისაწვდომია კონკრეტულ ქვეყნებში, ასევე ხელმისაწვდომია სხვადასხვა მხარდაჭერილი მესამე მხარის გადახდის პროვაიდერი.
გადახდის პროვაიდერის დაყენება
- აირჩიე გადახდის პროვაიდერი Shopify-დან ან მხარდაჭერილი მესამე მხარიდან.
- გაააქტიურე Shopify Payments ან მესამე მხარის გადახდის პროვაიდერი შენს Shopify-ს ადმინში.
- როდესაც მომხმარებლები შენს მაღაზიაში რამეს ყიდულობენ, აირჩიე, როგორ გსურს გადახდების ასახვა და ავტორიზაცია.
გადახდის პროვაიდერების დაყენების შემდეგ, მომხმარებელთა შეკვეთების დასამუშავებლად უნდა დააკონფიგურირო გადახდის გვერდი.
შეკვეთის გაფორმების დაყენება
- დააყენე შენი შეკვეთის შესრულება და გადახდის ავტორიზაცია.
- დაამატე შენი მაღაზიის პოლიტიკები, რათა მომხმარებლებმა შეკვეთის გაფორმების დასრულებამდე შეძლონ მათი ნახვა.
- დაარედაქტირე შეკვეთის გაფორმების მომხმარებლის ინფორმაციის პარამეტრები და გადაწყვიტე, გსურს თუ არა ელფოსტის მისამართების შეგროვება, რათა მომხმარებლებს მიაწოდო სიახლეები ღონისძიებებისა და აქციების შესახებ.
ნაბიჯი 16: სატესტო შეკვეთების განთავსება
გადახდის პარამეტრების კონფიგურაციის შემდეგ, უნდა სცადო რამდენიმე ტრანზაქცია, რომ დარწმუნდე ყველაფრის გამართულ მუშაობაში. სატესტო შეკვეთის გაშვება დაგეხმარება გაიგო, თუ რა პროცესს გადიან მომხმარებლები შენი პროდუქტების ყიდვისას. მომხმარებლების მიერ განთავსებულ ყველა შეკვეთაზე წვდომა შეგიძლია შენი Shopify-ს ადმინის გვერდიდან შეკვეთები.
სატესტო შეკვეთების გაშვება შეგიძლია რამდენიმე სხვადასხვა ტიპის ტრანზაქციისთვის:
- წარმატებული და წარუმატებელი ტრანზაქციის დასრულება
- შეკვეთისთვის თანხის დაბრუნება და მისი გაუქმება
- შეკვეთის სრულად ან ნაწილობრივ შესრულება
- წარმატებული შეკვეთის დაარქივება
შეკვეთების შექმნის, თანხის დაბრუნებისა და შესრულებისას ნახავ ელფოსტას, რომელსაც შენი მომხმარებლები თითოეულ ქმედებაზე იღებენ. ამ ელფოსტის შაბლონების რედაქტირებას შენი Shopify-ს ადმინის შეტყობინებების გვერდიდან შეძლებ.
ნაბიჯი 17: დაამატე პერსონალი შენს მაღაზიაში
თუ გყავს პერსონალი, რომელიც მაღაზიის მართვასა და ოპერირებაში გეხმარება, შეგიძლია პერსონალის წევრები დაამატო შენს Shopify-ს მაღაზიაში. პერსონალის თითოეულ წევრს აქვს პერსონალური ავტორიზაციის მონაცემები. ასევე, შეგიძლია დააყენო ნებართვები პერსონალის თითოეული წევრისთვის, რათა შეზღუდო წვდომა შენი მაღაზიის გარკვეულ არეებზე და დაიცვა სენსიტიური ინფორმაცია.
შეიტყვეთ მეტი პერსონალის მართვის შესახებ.
ნაბიჯი 18: დააყენე შენი დომენი
Shopify-ს მაღაზიის დაყენებისას შეგიძლია იყიდო ახალი დომენი ან გადაიტანო შენს არსებულ მაღაზიასთან დაკავშირებული დომენი შენს ახალ Shopify ანგარიშზე.
ახალი დომენის აღება
ახალი დომენის შეძენა პირდაპირ Shopify-დან შეგიძლია.
ნაბიჯები:
- შეისყიდე დომენი Shopify-ს მეშვეობით.
- დააყენე შენი Shopify დომენი ძირითად დომენად, რათა ის იყოს დომენი, რომელიც მომხმარებლებს გამოუჩნდებათ ბრაუზერში, ძიების შედეგებში და სოციალურ მედიაში.
- დააყენე ელფოსტის გადამისამართება, რათა ელფოსტის შეტყობინებები, რომლებსაც მომხმარებლები შენი მორგებული დომენის ელფოსტის მისამართზე აგზავნიან, შენს პირად ელფოსტის მისამართზე გადამისამართდეს.
არსებული დომენის დაკავშირება ან გადატანა Shopify-ში
თუ უკვე გაქვს დომენი, მიჰყევი ამ ნაბიჯებს, რათა შენი დომენი Shopify-ს მაღაზიისკენ მიმართო.
შეგიძლია გამოიყენო შენი არსებული დომენი, მაგრამ Shopify-ს ბმულების სტრუქტურა ინდივიდუალური გვერდებისთვის სავარაუდოდ განსხვავდება შენი წინა სერვისისგან, რაც იმას ნიშნავს, რომ კონკრეტული გვერდების ძველი ბმულები მომხმარებლებისთვის სავარაუდოდ არ ჩაიტვირთება. მაგალითად, შენს ძველ გვერდს მიწოდების პოლიტიკის შესახებ შეიძლება ჰქონოდა URL example.com/policies/shipping-policy, ხოლო Shopify-ზე ეს გვერდი შეიძლება იყოს example.com/pages/shipping-policy.
იმისათვის, რომ დაეხმარო მომხმარებლებს შეცდომის გვერდებზე მოხვედრის თავიდან აცილებაში, დომენის გადატანამდე შეგიძლია წინასწარ დააყენო URL-ის გადამისამართებები იმ გვერდებისთვის, რომლებიც შენს მომხმარებლებს შეიძლება ჩანიშნული ჰქონდეთ, ან მესამე მხარის წყაროების ბმულებისთვის. ამ გზით, თუ ისინი ძველ ბმულს ესტუმრებიან დომენის გადატანის შემდეგ, შეცდომის გვერდის მიღების ნაცვლად ახალ ბმულზე გადამისამართდებიან.
ნაბიჯი 19: (არასავალდებულო) ოპტიმიზაცია გაუკეთე შენს SEO-ს
შეგიძლია შენი Shopify-ს მაღაზია საძიებო სისტემის ოპტიმიზაციისთვის (SEO) ისე დააყენო, რომ ძიების შედეგებში შენი პოზიციები შეინარჩუნო.
გადამისამართებების დაყენება
შეგიძლია დააყენო გადამისამართებები შენი ყველა მნიშვნელოვანი გვერდისთვის, რათა შეინარჩუნო SEO-ს რეიტინგი. მას შემდეგ, რაც შენი მაღაზია გაეშვება, სასურველია გადაამოწმო, შენი საიტის რომელ გვერდებს აქვთ ყველაზე მეტი ტრაფიკი და დარწმუნდე, რომ ეს გვერდები შენს Shopify-ს მაღაზიაზე მისამართდება. ასევე შეგიძლია გამოიყენო CSV ფაილი გადამისამართებების იმპორტისთვის.
ნაბიჯები:
შენი Shopify-ს ადმინიდან გადადი აქ: კონტენტი > მენიუები.
დააწკაპუნე: URL-ის გადამისამართებების ნახვა.
დააწკაპუნე: URL-ის გადამისამართების შექმნა.
ველში საიდან ხდება გადამისამართება, შეიყვანე ძველი URL, საიდანაც გსურს ვიზიტორების გადამისამართება.
ველში სად ხდება გადამისამართება, შეიყვანე ახალი URL, სადაც გსურს ვიზიტორების გადამისამართება. თუ გსურს შენი მაღაზიის მთავარ გვერდზე გადამისამართება, შეიყვანე /.
დააწკაპუნე: გადამისამართების შენახვა.
გადამისამართებების მუშაობის დადასტურება
გადამისამართებების დაყენებისა და მაღაზიის გაშვების შემდეგ, დარწმუნდი მათ გამართულ მუშაობაში: შეიყვანე საწყისი URL ვებ-ბრაუზერში და დაადასტურე, რომ ის მისამართდება სამიზნე URL-ზე. უნდა შეამოწმო ყველა ის გვერდი, რომლებსაც შენს მეორე მაღაზიაში ყველაზე მეტი ვიზიტორი ჰყავდა, რათა დარწმუნდე, რომ ისინი შენს Shopify-ს მაღაზიაზე მისამართდება.
მეტა აღწერილობების რედაქტირება
მეტა აღწერილობა არის მოკლე ტექსტი, რომელიც საძიებო სისტემის შედეგებში ჩანს. Shopify-ში მეტა აღწერილობის დაყენება შესაძლებელია ვებგვერდების, პროდუქტის გვერდების, კოლექციის გვერდებისა და ბლოგპოსტებისთვის. დარწმუნდი, რომ თითოეულ გვერდს აქვს უნიკალური მეტა აღწერილობა მარტივი, გასაგები ენით. კარგი აღწერილობა უფრო მეტ ადამიანს წაახალისებს, დააწკაპუნოს შენი მაღაზიის ბმულზე.
Shopify-ს ადმინში არის სხვადასხვა არე, სადაც მეტა აღწერილობის რედაქტირებაა შესაძლებელი. საძიებო სისტემებისთვის შენი მაღაზიის ოპტიმიზაციაში დასახმარებლად, განიხილე შემდეგი მეტა აღწერილობების რედაქტირება:
- დააყენე სათაური და აღწერილობა შენი ონლაინ მაღაზიისთვის.
- დაარედაქტირე, თუ როგორ ჩანს შენი პროდუქტი ძიების შედეგებში.
- დაარედაქტირე საძიებო სისტემის ლისტინგი შენი ბლოგებისთვის.
- დაარედაქტირე საძიებო სისტემის ლისტინგი შენი გვერდებისთვის.
გადაამოწმე და გააგზავნე შენი საიტის რუკა Google-ში
Shopify-ს ყველა მაღაზია ავტომატურად ქმნის sitemap.xml ფაილს, რომელიც შეიცავს ბმულებს შენი ყველა პროდუქტის, ძირითადი პროდუქტის სურათის, გვერდების, კოლექციებისა და ბლოგპოსტებისთვის. ამ ფაილს იყენებენ საძიებო სისტემები, როგორიცაა Google და Bing, შენი საიტის ინდექსირებისთვის, რათა შენი მაღაზიის გვერდები ძიების შედეგებში გამოჩნდეს. შენი საიტის რუკის ფაილების გაგზავნა Google Search Console-ში ეხმარება Google-ს შენს საიტზე გვერდების მოძიებასა და ინდექსირებაში.
საიტის რუკის ფაილები ავტომატურად გენერირდება. შეგიძლია იპოვო ისინი შენი Shopify-ს მაღაზიის დომენების root დირექტორიაში, მაგალითად: johns-apparel.com/sitemap.xml.
გენერირებული საიტის რუკის ფაილები შეიცავს ბმულებს ცალკეული საიტის რუკებისთვის შენი პროდუქტების, კოლექციების, ბლოგებისა და ვებგვერდებისთვის. საიტის რუკის ფაილები ავტომატურად განახლდება, როდესაც შენს Shopify-ს ონლაინ მაღაზიას ამატებ ახალ ვებგვერდს, პროდუქტს, კოლექციას, სურათს ან ბლოგპოსტს.
საიტის შემოწმებისა (crawling) და ინდექსირების პროცესს შესაძლოა დრო დასჭირდეს და Google არ იძლევა გარანტიას, თუ რამდენ ხანს გასტანს იგი.
საიტის გაშვების შემდეგ, Google-ს შეიძლება დასჭირდეს რამდენიმე დღიდან რამდენიმე კვირამდე შენი საიტის ინდექსირებისთვის. სტატუსის შესამოწმებლად შეგიძლია მოძებნო Google-ში შენი ინდექსის სტატუსი: Google-ის საძიებო ზოლში აკრიფე site: და შემდეგ შენი დომენი — მაგალითად, site:shopify.com.
შეიტყვეთ მეტი საიტის რუკის პოვნისა და Google-ში გაგზავნის შესახებ.
აპის გამოყენება SEO-სთვის
საიტის SEO-ს გასაუმჯობესებლად შეგიძლია აპი გამოიყენო. SEO აპებს შეუძლია დაგეხმაროს სურათების ოპტიმიზაციაში, საიტის სიჩქარის გაზრდასა და გაფუჭებული ბმულების მონიტორინგში.
მოძებნე SEO აპები Shopify App Store-ში.