இணக்கம்
அனைவருக்கும் வணிகத்தைச் சிறப்பானதாக மாற்றுவதில் Shopify நம்பிக்கைக் கொண்டுள்ளது. இந்தப் பணிக்கு உதவும் வகையில், எங்கள் தளத்தைப் பயன்படுத்தி உங்களின் தயாரிப்புகளை எவ்வாறு விற்பனை செய்வது என்பது குறித்துச் சரியான முடிவுகளை எடுக்க உதவும் தகவலை உங்களுக்கு வழங்க நாங்கள் முயற்சிக்கிறோம்.
Shopify-இன் ஏற்கத்தக்க பயன்பாட்டுக் கொள்கையை மீறக்கூடிய சில தயாரிப்புகளுக்காகத் தளத்தில் நாங்கள் வழக்கமான ஸ்கேன்களைச் செய்வோம். நீங்கள் Shopify-ஐப் பயன்படுத்துவது தடைபடாமல் இருப்பதை உறுதிசெய்ய, Shopify-இன் சேவை விதிமுறைகள் மற்றும் Shopify-இன் ஏற்கத்தக்க பயன்பாட்டுக் கொள்கை உட்பட உங்கள் Shopify ஸ்டோருக்குப் பொருந்தும் அனைத்துக் கொள்கைகளையும் நீங்கள் கவனமாக மதிப்பாய்வு செய்ய வேண்டும். அத்துடன், தொடர்புடைய இறக்குமதி மற்றும் ஏற்றுமதி சட்டங்கள் மற்றும் ஒழுங்குமுறைகளை ஆராய்வது, எந்தவொரு பிராந்தியத்திலும் தயாரிப்புகளை விற்பனை செய்வதன் தற்போதைய சட்ட நிலைமையை அறிந்துகொள்வது உள்ளிட்ட பல்வேறு அதிகார வரம்புகளில் விற்பனை செய்வதால் ஏற்படும் தாக்கங்களையும் நீங்கள் கருத்தில் கொள்ள வேண்டும்.