Shopify Protect மூலம் சார்ஜ்பேக்குகளைக் கையாளுதல்

Shop Pay-ஐப் பயன்படுத்தும் பரிவர்த்தனைகளில் சார்ஜ்பேக்குகளை நீங்கள் கையாளலாம், மேலும் மோசடியான மற்றும் அங்கீகரிக்கப்படாத சார்ஜ்பேக் காரணங்களில் இருந்து உங்களைப் பாதுகாத்துக்கொள்ளலாம். நீங்கள் ஒரு சார்ஜ்பேக்கைப் பெற்றால், அதைப் பதிலளிப்பதற்கான செயல்முறையானது, அந்த ஆர்டர் Shopify Protect மூலம் பாதுகாக்கப்பட்டதா என்பதையும் சார்ஜ்பேக்கிற்கான காரணத்தையும் பொறுத்து மாறுபடும்.

சார்ஜ்பேக்குகள் மற்றும் விசாரணைகளைத் தடுப்பது குறித்து மேலும் அறிக.

பாதுகாக்கப்பட்ட ஆர்டர்களில் மோசடியான அல்லது அங்கீகரிக்கப்படாத சார்ஜ்பேக்குகள்

கார்டுதாரர் அந்தக் கட்டணத்தை தாம் அங்கீகரிக்கவில்லை என உரிமைகோரினால், அந்த சார்ஜ்பேக் fraudulent (மோசடியானது) எனக் கருதப்படும். சார்ஜ்பேக்குகளுக்கு இதுவொரு பொதுவான காரணமாகும், கார்டு திருடப்பட்டிருந்தால் இது நிகழலாம். வாடிக்கையாளர் தமது கிரெடிட் கார்டு அறிக்கையில் வணிகரின் பெயரையோ இடத்தையோ அடையாளம் காண முடியாதபோது, unrecognized (அங்கீகரிக்கப்படாத) சார்ஜ்பேக் ஏற்படுகிறது.

பாதுகாக்கப்பட்ட ஆர்டரில் மோசடியான அல்லது அங்கீகரிக்கப்படாத சார்ஜ்பேக் செய்யப்பட்டால், நீங்கள் எந்த நடவடிக்கையும் எடுக்கத் தேவையில்லை. உங்கள் கணக்கில் என்ன நடக்கும் என்பது பின்வருமாறு:

  • விவாதத்திற்குரிய தொகையும் சார்ஜ்பேக் கட்டணமும் உங்கள் கணக்கில் இருந்து பற்று வைக்கப்படும்.
  • விவாதத்திற்குரிய தொகையும் சார்ஜ்பேக் கட்டணமும் உடனடியாக கிரெடிட்டாக உங்களுக்குத் திருப்பிச் செலுத்தப்படும்.
  • கார்டுதாரரின் வங்கி சார்ஜ்பேக்கை உங்களுக்குச் சாதகமாகத் தீர்த்து வைத்தால், விவாதத்திற்குரிய தொகையும் கட்டணமும் உங்களுக்கே திரும்ப வழங்கப்படும், மேலும் Shopify Protect வழங்கிய கிரெடிட்டை Shopify திரும்பப் பெறும்.

உங்கள் Shopify நிர்வாகிக்குச் சென்று, பேஅவுட்கள் பக்கத்திற்குச் சென்று, பரிவர்த்தனைகள் என்பதைக் கிளிக் செய்வதன் மூலம் பற்றுகள் மற்றும் கிரெடிட்டுகளை நீங்கள் மதிப்பாய்வு செய்யலாம்.

பாதுகாக்கப்படாத ஆர்டர்களில் மோசடியான அல்லது அங்கீகரிக்கப்படாத சார்ஜ்பேக்குகள்

பாதுகாக்கப்படாத ஆர்டரில் மோசடியான சார்ஜ்பேக் செய்யப்பட்டால், அந்த சார்ஜ்பேக்கைத் தீர்ப்பதற்கான செயல்முறை வழக்கமான செயல்முறையைப் போன்றதேயாகும். இதில், கிரெடிட் கார்டு நிறுவனம் விவாதத்தை உங்களுக்குச் சாதகமாகத் தீர்த்து வைத்தால் மட்டுமே விவாதத்திற்குரிய தொகையும் சார்ஜ்பேக் கட்டணமும் உங்களுக்குத் திருப்பிச் செலுத்தப்படும்.

பாதுகாக்கப்படாத ஆர்டர்களில் ஏற்படும் சார்ஜ்பேக்குகளுக்கான சார்ஜ்பேக்குகள் மற்றும் விசாரணைகளை நிர்வகிப்பது குறித்து மேலும் அறிக.

பாதுகாக்கப்பட்ட அல்லது பாதுகாக்கப்படாத ஆர்டர்களில் பிற வகையான சார்ஜ்பேக்குகள்

மோசடியான மற்றும் அங்கீகரிக்கப்படாத சார்ஜ்பேக்குகள் பொதுவானவை என்றாலும், வாடிக்கையாளர்கள் பல்வேறு காரணங்களுக்காக தங்கள் கிரெடிட் கார்டில் செய்யப்பட்ட பேமெண்ட் குறித்து விவாதிக்கலாம். இதில் தயாரிப்பு கிடைக்கவில்லை என்பதான உரிமைகோரல்கள் அல்லது தயாரிப்பு பழுதடைந்துள்ளது, சேதமடைந்துள்ளது, அல்லது விவரித்தபடி இல்லை என நம்புவது போன்றவை அடங்கும்.

பிற வகையான சார்ஜ்பேக்குகளுக்கான சார்ஜ்பேக்குகள் மற்றும் விசாரணைகளை நிர்வகிப்பது குறித்து மேலும் அறிய, சார்ஜ்பேக்குகள் மற்றும் விசாரணைகளை நிர்வகித்தல் ஆவணத்தைப் பார்க்கவும்.