Experiencias de compra personalizadas
Se o teu modelo de negocio non encaixa en ningunha das canles de vendas e aplicacións que ofrecen Shopify e os nosos partners, podes usar ferramentas para desenvolvedores (API e SDK) a fin de crear as túas propias solucións. Estas ferramentas, denominadas ferramentas de escaparate personalizado, permítenche crear os seguintes tipos de experiencias de compra:
- Crear sitios web personalizados: personaliza o front-end do sitio web e crea un escaparate co JavaScript SDK. Neste caso, substituirías a canle da tenda en liña e os temas Liquid por un escaparate personalizado creado coas linguaxes e as ferramentas que prefiras.
- Engadir comercio á túa aplicación móbil: integra experiencias de compra nas aplicacións de iOS e Android mediante os SDK para móbiles.
- Converter aos xogadores en clientes: insire experiencias de compra nos xogos co Unity SDK.
- Vender en canles personalizadas: utiliza a Storefront API para ter o control total en calquera plataforma.
Nesta páxina
Comercio headless e escaparates personalizados
O comercio headless é unha arquitectura na que o front-end e o back-end do sitio web son independentes. Un escaparate personalizado é un exemplo de modelo de comercio headless. Ao crear un escaparate personalizado, substitúes a canle da tenda en liña (front-end) por un escaparate que creaches, e logo conéctalo a Shopify (back-end). Os teus clientes poden explorar os produtos, engadilos a un carro e finalizar a compra mediante Shopify Checkout. Tamén podes engadir a Shopify outras ferramentas (por exemplo, unha de envío e preparación de pedidos) para axudarche a procesar os pedidos.
O comercio headless non só se aplica ás tendas en liña. Por exemplo, Shopify tamén se pode usar noutros tipos de experiencias de compra, como aplicacións móbiles, videoxogos e dispositivos intelixentes, entre outros.
As solucións complexas poden implicar a conexión ao front-end ou ao back-end doutros sistemas empresariais, como un sistema de xestión de contidos (CMS), un de xestión de relacións cos clientes (CRM), un de planificación de recursos empresariais (ERP) ou un sistema de xestión de información do produto (PIM).
Crear experiencias de compra personalizadas
Para crear experiencias de compra personalizadas para os teus clientes, escolle entre as seguintes opcións:
- Usa unha aplicación. Por exemplo, podes engadir un botón de compra básico a un sitio web ou blog existente mediante a canle Botón de compra. Outras aplicacións poden axudarche a crear aplicacións móbiles e vender noutras canles de vendas.
- Contrata un Partner de Shopify ou crea ti as experiencias mediante os seguintes SDK:
