ઑર્ડર પ્રોસેસિંગ અને આર્કાઇવિંગ સેટ કરો

તમે Shopify માં ચેકઆઉટ સેટિંગ્સના પેજ પરથી ઑર્ડર અને ઑર્ડર આર્કાઇવિંગ માટે ઑટોમૅટિક કે મેન્યુઅલ ફુલફિલમેન્ટ સેટ કરી શકો છો.

જ્યારે તમે Shopify માં ઑર્ડર પૂર્ણ કરો છો, ત્યારે તમે ગ્રાહકને ઑર્ડર મોકલવાની પ્રક્રિયા શરૂ કરો છો. ગ્રાહકને તેમની આઇટમ શિપ થઈ ગઈ હોવા વિશેનો ઇમેઇલ મળે છે અને ઑર્ડરની ફુલફિલમેન્ટ સ્થિતિ ઑર્ડર્સ પેજ પર પૂર્ણ કરેલ તરીકે દેખાય છે.

ચેકઆઉટ કરતાં પહેલાં પુષ્ટિ કરવાના સ્ટેપને આવશ્યક બનાવો

નોંધ

આ સુવિધા મૂળભૂત રીતે ફક્ત તે દેશોમાં જ ઉપલબ્ધ છે જ્યાં કાયદા દ્વારા તેની આવશ્યકતા છે, જેમાં જાપાન અને યુરોપના તમામ દેશોનો સમાવેશ થાય છે. જો તમે આ સુવિધાને સક્રિય કરવા માગતા હો, પરંતુ તમારો સ્ટોર એવા દેશમાં ન હોય જ્યાં કાયદા દ્વારા આ જરૂરી હોય, તો Shopify સપોર્ટનો સંપર્ક કરો.

ચેકઆઉટ પૂર્ણ કરતાં પહેલાં તમારા ગ્રાહકોને તેમની ઑર્ડરની વિગતોનો રિવ્યૂ કરાવવા માટે તમે ચેકઆઉટ વખતે પુષ્ટિ કરવાના સ્ટેપને સક્રિય કરી શકો છો. ગ્રાહક તેમની સંપર્ક વિગતો, શિપિંગ માહિતી અને ચુકવણીની માહિતી સબમિટ કરે, તે પછી તેમને ઑર્ડર રિવ્યૂ કરો પેજ પર લઈ જવામાં આવે છે. ખરીદી કરવાનું નક્કી કરતાં પહેલાં તમારો ગ્રાહક સબમિટ કરેલી કોઈપણ વિગત જોઈ અને બદલી શકે છે. તમારા ગ્રાહકો તેમની ઑર્ડરની વિગતોનો રિવ્યૂ કરે, તે પછી તેઓ પોતાના ઑર્ડરની પુષ્ટિ કરવા માટે હમણાં ચુકવણી કરો પર ક્લિક કરી શકે છે.

પગલાં:

ડેસ્કટૉપ

1. તમારા Shopify ઍડમિનમાંથી, સેટિંગ > સામાન્ય પર જાઓ.

2. ઑર્ડર પ્રોસેસિંગ વિભાગમાં, પુષ્ટિ કરવાના સ્ટેપને આવશ્યક બનાવો પસંદ કરો.

3. સાચવો પર ક્લિક કરો.

મોબાઇલ

1. Shopify ઍપ માંથી, પર ટૅપ કરો અને પછી સેટિંગ પર ટૅપ કરો.

2. સ્ટોર સેટિંગ્સ વિભાગમાં, સામાન્ય પર ટૅપ કરો.

3. ઑર્ડર પ્રોસેસિંગ વિભાગમાં, પુષ્ટિ કરવાના સ્ટેપને આવશ્યક બનાવો પસંદ કરો.

4. સાચવો અથવા ✓ પર ટૅપ કરો.

Shopify Checkout માં ખરીદીના વિકલ્પની સુવિધાઓ

ખરીદીના વિકલ્પની ઍપ ચેકઆઉટ વખતે ગ્રાહકોને સંબંધિત ખરીદીના વિકલ્પ ની માહિતી દર્શાવે છે. ઉદાહરણ તરીકે, સબ્સ્ક્રિપ્શન પ્રોડક્ટ ખરીદતી વખતે, ઑર્ડરના સારાંશમાં ઑર્ડર કરવાની ફ્રીક્વન્સી પ્રદર્શિત થાય છે.

સબ્સ્ક્રિપ્શન, ખરીદતાં પહેલાં પ્રોડક્ટ અજમાવવા અને પ્રી-ઑર્ડર પર ચેકઆઉટમાં પ્રદર્શિત માહિતી વિશે વધુ જાણો.

તમારા ઑર્ડર ફુલફિલમેન્ટ સેટિંગ્સ કન્ફિગર કરો

ઑર્ડર પૂર્ણ કરવા માટે 3 અલગ-અલગ વિકલ્પો છે:

• ઑટોમૅટિક રીતે ઑર્ડર પૂર્ણ કરો
• મેન્યુઅલ રીતે ઑર્ડર પૂર્ણ કરો
• ઑર્ડરનો અમુક ભાગ પૂર્ણ કરો

મૂળભૂત રીતે, તમારો સ્ટોર મેન્યુઅલ ફુલફિલમેન્ટનો ઉપયોગ કરે છે. જ્યારે તમે ઑર્ડર મેળવીને પ્રોડક્ટ બનાવતા હો, પ્રી-ઑર્ડર પ્રોડક્ટનું વેચાણ કરતા હો, તમારી પ્રોડક્ટ ક્યારેક આઉટ ઑફ સ્ટૉક થઈ જતી હોય અથવા રિફંડ ઇશ્યૂ કર્યા વિના આંશિક ફુલફિલમેન્ટ ઑફર કરવા માગતા હો, ત્યારે મેન્યુઅલ ફુલફિલમેન્ટ પસંદ કરો. જો તમે ફક્ત ડિજિટલ ડાઉનલોડ અથવા ગિફ્ટ કાર્ડ જ વેચતા હો અથવા તમે તમારી તમામ પ્રોડક્ટ માટે ફુલફિલમેન્ટ સેવાઓનો ઉપયોગ કરતા હો, ત્યારે ઑટોમૅટિક ફુલફિલમેન્ટ પસંદ કરો.

ઑટોમૅટિક રીતે ઑર્ડર પૂર્ણ કરો

ઑટોમૅટિક ફુલફિલમેન્ટ એ તમારા ઑર્ડરને પૂર્ણ કરવા માટેની સૌથી સરળ રીત છે, પરંતુ તે ફક્ત અમુક પ્રકારની પ્રોડક્ટ માટે જ યોગ્ય છે. જ્યારે તમારી પાસે પ્રી-ઑર્ડર માટે કોઈ પ્રોડક્ટ ઉપલબ્ધ ન હોય, તમે ડિજિટલ ડાઉનલોડ્સ વેચતા હો અથવા તમે કોઈ ફુલફિલમેન્ટ સેવાનો ઉપયોગ કરી રહ્યાં હો, ત્યારે તમે ઑટોમૅટિક ફુલફિલમેન્ટ સાથે ઑટોમૅટિક પેમેન્ટ કૅપ્ચર નો ઉપયોગ કરી શકો છો. ઑટોમૅટિક રીતે ઑર્ડર પૂર્ણ થાય તે માટેના સેટિંગ ઇન-સ્ટોર પિકઅપ ઑર્ડર પર લાગુ પડતા નથી.

ચેતવણી

જો તમે જાતે જ પ્રોડક્ટ પૅક કરીને શિપ કરતા હો, તો ઑટોમૅટિક ફુલફિલમેન્ટ ચાલુ કરશો નહીં. બધા નવા ઑર્ડર પૂર્ણ કરેલ તરીકે માર્ક થાય છે, જે તમને કયા ઑર્ડર હજુ શિપ કરવાના બાકી છે તે શોધવા માટે તેમને શૉર્ટ કરવાથી અટકાવે છે.

જો તમે પહેલાથી જ તમારો ઑર્ડર પ્રોસેસિંગ વિભાગ સેટ કરી લીધો છે, તો આ સ્ટેપ પૂર્ણ થઈ ગયું છે. નહીંતર, દરેક ઑર્ડર માટે ઑટોમૅટિક ઑર્ડર ફુલફિલમેન્ટ સેટ કરવા માટે નીચે આપેલાં પગલાં અનુસરો.

નોંધ

જો તમે તમારા ઑર્ડર માટે મેન્યુઅલ રીતે પેમેન્ટ કૅપ્ચર કરવાનું પસંદ કર્યું હોય, તો તમારો ઑર્ડર ઑટોમૅટિક રીતે પૂર્ણ થઈ શકે તે પહેલાં તમારે ફંડ કૅપ્ચર કરવું પડશે.

પગલાં:

ડેસ્કટૉપ

1. તમારા Shopify ઍડમિનમાંથી, સેટિંગ > સામાન્ય પર જાઓ.

2. ઑર્ડર પ્રોસેસિંગ વિભાગમાં, ઑર્ડરની લાઇન આઇટમ ઑટોમૅટિક રીતે પૂર્ણ કરો પસંદ કરો.

3. વૈકલ્પિક: જ્યારે ઑર્ડર ઑટોમૅટિક રીતે પૂર્ણ થાય ત્યારે તમે તમારા ગ્રાહકને ઇમેઇલ મોકલવા માગતા હો, તો ગ્રાહકોને તેમના શિપમેન્ટ વિશે સૂચિત કરો પસંદ કરો

4. વૈકલ્પિક: જો તમે ઑર્ડરને ઑટોમૅટિક રીતે પૂર્ણ કરતી વખતે ઑર્ડરના છેતરપિંડી વિશ્લેષણ ની અવગણના કરવા માગતા હો, તો છેતરપિંડીના ઊંચા જોખમવાળા ઑર્ડર સહિતના તમામ ઑર્ડર ઑટોમૅટિક રીતે પૂર્ણ કરો પસંદ કરો.

5. સાચવો પર ક્લિક કરો.

મોબાઇલ

1. Shopify ઍપ માંથી, પર ટૅપ કરો અને પછી સેટિંગ પર ટૅપ કરો.

2. સ્ટોર સેટિંગ્સ વિભાગમાં, સામાન્ય પર ટૅપ કરો.

3. ઑર્ડર પ્રોસેસિંગ વિભાગમાં, ઑર્ડરની લાઇન આઇટમ ઑટોમૅટિક રીતે પૂર્ણ કરો પસંદ કરો.

4. વૈકલ્પિક: જ્યારે ઑર્ડર ઑટોમૅટિક રીતે પૂર્ણ થાય ત્યારે તમે તમારા ગ્રાહકને ઇમેઇલ મોકલવા માગતા હો, તો ગ્રાહકોને તેમના શિપમેન્ટ વિશે સૂચિત કરો પસંદ કરો

5. વૈકલ્પિક: જો તમે કોઈ ઑર્ડર ઑટોમૅટિક રીતે પૂર્ણ કરતી વખતે ઑર્ડર છેતરપિંડી વિશ્લેષણને અવગણવા માંગતા હો, તો છેતરપિંડીના ઊંચા જોખમવાળા ઑર્ડર સહિતના તમામ ઑર્ડર ઑટોમૅટિક રીતે પૂર્ણ કરો પસંદ કરો

6. સાચવો અથવા ✓ પર ટૅપ કરો.

Shopify Checkout માં ખરીદી પછીની અપસેલિંગ સુવિધાઓ

ખરીદી પછીની અપસેલ ઍપ ગ્રાહકે ચુકવણી પૂર્ણ કરી દીધા પછી તેમને પોતાના શરૂઆતના ઑર્ડરમાં વધુ પ્રોડક્ટ ઉમેરવા માટે પ્રૉમ્પ્ટ કરી શકે છે. ગ્રાહકો તેમની પૂર્ણ થયેલી ખરીદીને અસર કર્યા વિના ઑફર નકારી શકે છે. જો તેઓ ઑફર સ્વીકારે છે, તો નવી પ્રોડક્ટનો સમાવેશ કરવા માટે મૂળ ઑર્ડરને એડિટ કરવામાં આવે છે.

નીચેની પરિસ્થિતિઓમાં ખરીદી પછીની અપસેલ ઑફર ડિસ્પ્લે થતી નથી:

• જ્યારે ઑર્ડર માટે ચુકવણી કરવા Shop Pay, Apple Pay અથવા Google Pay જેવી એક્સલરેટેડ ચુકવણી પદ્ધતિઓનો ઉપયોગ કરવામાં આવે છે.
• જ્યારે ઑર્ડર માટે ચુકવણી કરવા સ્થાનિક ચુકવણી પદ્ધતિઓ અને હપ્તા આધારિત ગેટવે સહિતની વધારાની ચુકવણી પદ્ધતિઓનો ઉપયોગ કરવામાં આવે છે.
• જ્યારે ઑર્ડરમાં સબ્સ્ક્રિપ્શન પ્રોડક્ટ શામેલ હોય છે.
• જ્યારે ઑર્ડરમાં ડ્યૂટી અને મલ્ટિ-કરન્સી શામેલ હોય છે.

જ્યારે ચેકઆઉટ વખતે ગ્રાહકોને અપસેલ ઑફર રજૂ કરવામાં આવે છે, ત્યારે ઑર્ડર ફુલફિલમેન્ટ સ્થિતિ કામચલાઉ રીતે હોલ્ડ પર સેટ થાય છે. આનો અર્થ એ છે કે જ્યાં સુધી ફુલફિલમેન્ટ હોલ્ડ રિલીઝ કરવામાં ન આવે, ત્યાં સુધી તમે ઑર્ડર પૂર્ણ કરી શકતા નથી.

ઑટોમૅટિક ઑર્ડર આર્કાઇવિંગ સેટ અપ કરો

ડિફૉલ્ટ રૂપે, જ્યારે કોઈ ઑર્ડર માટે કોઈ પ્રક્રિયા બાકી ન હોય, ત્યારે ઘણા ઑર્ડર ઑટોમૅટિક રીતે આર્કાઇવ કરવામાં આવે છે. આર્કાઇવ કરેલા ઑર્ડર બંધ કરેલા ઑર્ડર વ્યૂ પર ડિસ્પ્લે થાય છે.

જ્યારે ઑટોમૅટિક ઑર્ડર આર્કાઇવિંગ સક્રિય થાય છે, ત્યારે નીચેના ઑર્ડર ઑટોમૅટિક રીતે આર્કાઇવ થાય છે:

• જે ઑર્ડર માટે ચુકવણી કરવામાં આવી હોય અને પૂર્ણ કરેલ હોય તેવા ઑર્ડર
• સંપૂર્ણપણે રિફંડ આપવામાં આવ્યું હોય તેવા ઑર્ડર

જો તમે તમારા ઑર્ડર ટ્રૅક કરવા માટે વધુ મેન્યુઅલ અભિગમ પસંદ કરતા હો, તો ઑટોમૅટિક આર્કાઇવિંગને નિષ્ક્રિય કરવા માટે નીચેના પગલાંનો ઉપયોગ કરો. જ્યારે ઑટોમૅટિક આર્કાઇવિંગ નિષ્ક્રિય થાય છે, ત્યારે તમે પૂર્ણ કરેલ ઑર્ડર મેન્યુઅલી આર્કાઇવ કરી શકો છો.

પગલાં:

ડેસ્કટૉપ

1. તમારા Shopify ઍડમિનમાંથી, સેટિંગ > સામાન્ય પર જાઓ.

2. ઑર્ડર પ્રક્રિયા વિભાગમાં, નીચેનામાંથી કોઈ એક કરો:

• ઑટોમૅટિક આર્કાઇવિંગ નિષ્ક્રિય કરવા માટે ઑર્ડરને ઑટોમૅટિક રીતે આર્કાઇવ કરોને ડિસિલેક્ટ કરો.
• ઑટોમૅટિક આર્કાઇવિંગ સક્રિય કરવા માટે ઑર્ડરને ઑટોમૅટિક રીતે આર્કાઇવ કરો પસંદ કરો.

3. સાચવો પર ક્લિક કરો.

મોબાઇલ

1. Shopify ઍપ માંથી, પર ટૅપ કરો અને પછી સેટિંગ પર ટૅપ કરો.

2. સ્ટોર સેટિંગ્સ વિભાગમાં, સામાન્ય પર ટૅપ કરો.

3. ઑર્ડર પ્રક્રિયા વિભાગમાં, નીચેનામાંથી કોઈ એક કરો:

   • ઑટોમૅટિક આર્કાઇવિંગ નિષ્ક્રિય કરવા માટે ઑર્ડરને ઑટોમૅટિક રીતે આર્કાઇવ કરોને ડિસિલેક્ટ કરો.
   • ઑટોમૅટિક આર્કાઇવિંગ સક્રિય કરવા માટે ઑર્ડરને ઑટોમૅટિક રીતે આર્કાઇવ કરો પસંદ કરો.

4. સાચવો અથવા ✓ પર ટૅપ કરો.