მეტაობიექტებზე მითითება
თუ გსურს შენი მეტაობიექტის გამოყენება Shopify-ს კონკრეტულ ნაწილში, როგორიცაა პროდუქტები, შეკვეთები ან მომხმარებლები, შექმენი მეტაველის მითითება. მაგალითად, თუ შექმენი მეტაობიექტი პროდუქტის მახასიათებლები და გსურს მისი გამოყენება პროდუქტის გვერდებზე, შეგიძლია შექმნა პროდუქტის მეტაველი, რომელიც მიუთითებს ამ კონკრეტულ მეტაობიექტის დეფინიციაზე. მითითება საშუალებას გაძლევს, აჩვენო უნიკალური „პროდუქტის მახასიათებლები“ კონკრეტულ პროდუქტებზე. მაგალითად, პროდუქტ A-სთვის შეგიძლია მიუთითო ჩანაწერი მდგრადობა, ხოლო პროდუქტ B-სთვის — მასალები.
შექმენი მითითება მეტაობიექტზე
ნაბიჯები:
შენი Shopify-ს ადმინიდან გადადი განყოფილებაში პარამეტრები > მეტაველები და მეტაობიექტები.
აირჩიე შენი მაღაზიის ის ნაწილი, რომლისთვისაც გსურს მითითების შექმნა. მაგალითად, პროდუქტები.
დააწკაპუნე ღილაკს დეფინიციის დამატება.
ველში სახელი შეიყვანე სახელი შენი დეფინიციისთვის. სასურველია, გამოიყენო იგივე სახელი, რაც შენს მეტაობიექტს აქვს, რათა მოგვიანებით მისი პოვნა გაგიმარტივდეს.
დააწკაპუნე ტიპის არჩევას და მოძებნე ან აირჩიე მეტაობიექტი. ასევე შეგიძლია აირჩიო შერეული მითითება, რაც საშუალებას მოგცემს, აირჩიო მეტაობიექტის ერთზე მეტი ტიპი. შერეული მითითების არჩევის შემთხვევაში, მეტაობიექტის ველები ვერ იქნება გამოყენებული, როგორც განზომილებები ან ფილტრები შენს Shopify-ს ანგარიშებში.
შეასრულე ჩამოთვლილთაგან ერთ-ერთი:
- აირჩიე ერთი მნიშვნელობა, თუ თითო პროდუქტზე მხოლოდ ერთი ჩანაწერის ჩვენება გჭირდება.
- აირჩიე მნიშვნელობების სია, თუ პროდუქტში ერთზე მეტი ჩანაწერის ჩვენება გსურს.
აირჩიე ვიტრინები, რათა შენი მეტაველის კონტენტი შენი ვიტრინისთვის ხელმისაწვდომი გახდეს.
დააწკაპუნე შენახვა.
რადგან უკვე დაამყარე კავშირი რესურსსა და მეტაობიექტს შორის, ახლა კონკრეტულ ჩანაწერებს დაუკავშირებ იმ კონკრეტულ პროდუქტებს, რომლებზეც მეტაობიექტების ჩვენება გსურს.
ჩანაწერების დაკავშირება
მას შემდეგ, რაც დააკონფიგურირებ მეტაობიექტს, დაამატებ რამდენიმე ჩანაწერს და შექმნი მეტაობიექტის მითითების დეფინიციას, უკვე შეძლებ ინდივიდუალური ჩანაწერების შენი მაღაზიის სხვა ნაწილებთან დაკავშირებას.
ეს ნაბიჯი შესაძლებელია მხოლოდ მას შემდეგ, რაც შექმნი მეტაველის დეფინიციას, რომელიც მიუთითებს შენს მეტაობიექტზე. თუმცა, თუ კოდირების გამოცდილება გაქვს, ნებისმიერ მეტაობიექტზე წვდომას Liquid-ის მეშვეობით შეძლებ.
ნაბიჯები:
- შენს Shopify-ს ადმინში გადადი მაღაზიის იმ ნაწილზე, სადაც გსურს კონტენტის ჩანაწერების გამოჩენა. მაგალითად, შეგიძლია გადახვიდე პროდუქტის გვერდზე ადმინის განყოფილებიდან პროდუქტები.
- განყოფილებაში მეტაველები დააწკაპუნე მორგებულ დეფინიციას, რომელიც მანამდე შექმენი. თუ დეფინიცია სიაში არ არის, დააწკაპუნე ყველას ჩვენება.
- დააწკაპუნე ჩანაწერის არჩევა. ჩამოსაშლელი მენიუ აჩვენებს ამ ტიპის ყველა შესაბამის ჩანაწერს. თუ დეფინიცია მნიშვნელობების სიის მისაღებად დააკონფიგურირე, შეგეძლება რამდენიმე ჩანაწერის არჩევა.
- საჭიროების შემთხვევაში, გაიმეორე ზემოთ მოცემული ნაბიჯები სხვა პროდუქტებთან ჩანაწერების დასაკავშირებლად.
ჩანაწერების შექმნა მითითებული წყაროდანაც შეგიძლია. ახალი ჩანაწერის შესაქმნელად შეგიძლია დააწკაპუნო ახლის შექმნა-ს, რაზეც შემდეგ „პროდუქტი A“ ავტომატურად მიუთითებს და ამასთან, ხელმისაწვდომი იქნება სხვა პროდუქტებზე მითითებისთვისაც.
შერეული მითითების შექმნა
შერეული მითითების შექმნა შეგიძლია მითითების შექმნის ნაბიჯების გამოყენებით.
შერეული მითითების შენს ვიტრინასთან დაკავშირება შესაძლებელია მხოლოდ Liquid-ით ან Storefront API-ის მეშვეობით მორგებული ვიტრინებისა და Hydrogen-ისთვის.
შეიტყვეთ მეტი დეველოპერებისთვის განკუთვნილი მორგებული მონაცემების შესახებ.