பிரத்தியேகத் தரவு
தயாரிப்புகள், சேகரிப்புகள், ஆர்டர்கள் போன்ற அடிப்படை வர்த்தகக் கருத்துகளுக்கான தரவு மாதிரிகள் Shopifyஇன் பிளாட்ஃபார்மில் இடம்பெற்றுள்ளன. இருப்பினும் உங்களுக்கு இன்னும் சிக்கலான அல்லது குறிப்பிட்ட தரவு மாதிரிகள் தேவைப்பட்டால், மெட்டாஃபீல்டுகள் மற்றும் மெட்டாஆப்ஜெக்ட்டுகளைப் பயன்படுத்தி, தற்போதுள்ள தரவு மாதிரிகளை விரிவாக்க நீங்கள் பிரத்தியேகத் தரவைப் பயன்படுத்தலாம்.
தயாரிப்புகள், வாடிக்கையாளர்கள், ஆர்டர்கள் போன்ற தற்போதைய பிளாட்ஃபார்ம் தரவு மாதிரிகளை, உங்களுடைய சொந்தப் பிரத்தியேகத் தரவைக் கொண்டு விரிவாக்க மெட்டாஃபீல்டுகள் உங்களை அனுமதிக்கின்றன. மெட்டாஃபீல்டுகள் குறித்து மேலும் அறிக.
உங்களிடம் ஒரு ஆடை ஸ்டோர் இருந்து, உங்கள் தயாரிப்புகளுக்கான பராமரிப்பு வழிமுறைகளைச் சேர்க்க நீங்கள் விரும்பினால், பராமரிப்பு வழிமுறைகள் எனப்படும் தயாரிப்பு மெட்டாஃபீல்டைச் சேர்க்கலாம். அதன்பிறகு உங்கள் தயாரிப்புகளில் ஒன்றுக்கு அல்லது அனைத்துக்கும் நீங்கள் வெவ்வேறு பராமரிப்பு வழிமுறைகளைச் சேர்க்கலாம்.
உங்கள் தரவை பல ஃபீல்டுகள் மூலம் சிறப்பாகப் பிரதிநிதித்துவப்படுத்த முடியும் எனில், பல ஃபீல்டுகளுடன் ஓர் ஆப்ஜெக்ட்டை உருவாக்க மெட்டாஆப்ஜெக்ட்டுகள் உங்களை அனுமதிக்கின்றன. உங்கள் மெட்டாஆப்ஜெக்ட்டை மெட்டாஃபீல்டுகள் மூலம் குறிப்பிடலாம் அல்லது தனித்து பயன்படுத்தலாம். மெட்டாஆப்ஜெக்ட்டுகள் பற்றி மேலும் அறிக.
உங்கள் தயாரிப்புகளின் முக்கிய அம்சங்களை முன்னிலைப்படுத்த விரும்பினால், தயாரிப்பு முன்னிலைப்படுத்தல் என்ற மெட்டாஆப்ஜெக்ட்டை நீங்கள் உருவாக்கலாம். அதன்பிறகு ஐகான், தலைப்பு மற்றும் விளக்கத்திற்கான ஃபீல்டுகளைச் சேர்த்து, உங்கள் தீமில் ஒவ்வொரு தயாரிப்புக்குமான பிரத்தியேகமான சிறப்பம்சங்களின் தொகுப்பைக் காட்டலாம்.