மெட்டாஃபீல்டு சரிபார்ப்புப் பிழைகளைச் சரிசெய்தல்

பயன்பாட்டிலுள்ள மெட்டாஃபீல்டுகளை ஒரு வரையறைக்கு இடமாற்றிய பிறகு, உங்கள் தனிப்பயன் வரையறையுடன் பொருந்தாத ஏதேனும் மெட்டாஃபீல்டு மதிப்புகளைச் சரிசெய்ய மொத்தத் திருத்தியை நீங்கள் பயன்படுத்தலாம். செல்லுபடியாகாத மதிப்புகளைக் கொண்ட ஒரு வரையறையை நீங்கள் உருவாக்கிய பிறகு, செல்லுபடியாகாத மெட்டாஃபீல்டு மதிப்புகள் பக்கத்திலுள்ள மொத்தத் திருத்திக்கு நீங்கள் தானாகவே திசைதிருப்பப்படுவீர்கள்.

செல்லுபடியாகாத மெட்டாஃபீல்டு மதிப்புகள் பக்கத்தில், உங்கள் மெட்டாஃபீல்டு வரையறைக்கான சரிபார்ப்பு விதிகளும், பின்வரும் தகவலைக் கொண்ட ஓர் அட்டவணையும் காட்டப்படும்:

• உங்கள் மெட்டாஃபீல்டு வரையறைக்குச் செல்லுபடியாகாத மதிப்பைக் கொண்டிருக்கும் உங்கள் ஸ்டோரின் பகுதிகள்
• ஒவ்வொரு மெட்டாஃபீல்டு மதிப்புக்குமான பிழையின் விளக்கம்
• உங்கள் மெட்டாஃபீல்டுகளுக்கான புதிய மதிப்புகளை நீங்கள் உள்ளிடக்கூடிய திருத்தத்தக்க நெடுவரிசை

உங்கள் மெட்டாஃபீல்டு மதிப்புகள் சில செல்லுபடியாகவில்லை எனில், அனைத்துப் பிழைகளையும் சரிசெய்யும் வரை உங்கள் மெட்டாஃபீல்டை நீங்கள் பயன்படுத்த முடியாது. வெவ்வேறு மெட்டாஃபீல்டுகளுக்கு எந்தெந்த மதிப்புகள் செல்லுபடியாகும் என்பது குறித்த கூடுதல் தகவலுக்கு, பொதுவான மெட்டாஃபீல்டு உள்ளடக்க வகைகள் மற்றும் மதிப்புகளின் பட்டியலைப் பார்க்கவும்.

மொத்தத் திருத்தியைப் பயன்படுத்தி மெட்டாஃபீல்டு மதிப்புகளைச் சரிசெய்

செல்லுபடியாகாத மதிப்புகளைக் கொண்ட ஒரு தனிப்பயன் மெட்டாஃபீல்டு வரையறையை நீங்கள் உருவாக்கினால், சரிபார்ப்புப் பிழைகளைச் சரிசெய்வதற்காக மொத்தத் திருத்திக்கு நீங்கள் தானாகவே திசைதிருப்பப்படுவீர்கள்.

படிகள்:

1. விருப்பத்திற்குரியது: ஒரு மெட்டாஃபீல்டு மதிப்புடன் தொடர்புடைய பிழையைப் பார்க்க, அந்த மதிப்புக்கு அடுத்துள்ள i ஐகானின் மீது கர்சரை நகர்த்தவும்.
2. பயன்பாட்டிலுள்ள மதிப்புகளைத் திருத்த METAFIELD VALUE நெடுவரிசையில் உள்ள புலங்களுக்குள் கிளிக் செய்து தட்டச்சு செய்யவும். பல மதிப்புகளை ஒரே நேரத்தில் புதுப்பிக்க, பின்வரும் குறுக்குவழிகளைப் பயன்படுத்தவும்:
   • பல புலங்களை ஒரே நேரத்தில் தேர்ந்தெடுத்துத் திருத்த, பல கலங்கள் முழுவதும் கர்சரைக் கிளிக் செய்து இழுக்கவும்.
   • அடுத்தடுத்துள்ள பல கலங்களைத் தேர்ந்தெடுக்க, ஒரு கலத்தைக் கிளிக் செய்து தேர்ந்தெடுக்கவும், பின்னர் shift விசையை அழுத்தியவாறே மற்றொரு கலத்தைக் கிளிக் செய்யவும்.
   • அடுத்தடுத்து இல்லாத பல கலங்களைத் தேர்ந்தெடுக்க, PC-இல் Alt விசையையோ Mac-இல் command விசையையோ அழுத்தியவாறே வெவ்வேறு கலங்களைக் கிளிக் செய்யவும்.
   • ஒரு கலத்தின் மதிப்பை அதற்குக் கீழே உள்ள கலங்களுக்குப் பயன்படுத்த, கலத்தின் நிரப்பு ஹேண்டிலைக் கிளிக் செய்து, கீழுள்ள கலங்கள் முழுவதும் இழுக்கவும்.
3. சேமி என்பதைக் கிளிக் செய்யவும்.

உங்கள் மாற்றங்களைச் சேமித்த பிறகு, மெட்டாஃபீல்டு மதிப்புகளின் அட்டவணை பின்வரும் புதுப்பிக்கப்பட்ட நிலைகளைக் காண்பிக்கும்:

• உங்கள் மெட்டாஃபீல்டு வரையறையுடன் பொருந்தும் அனைத்து மெட்டாஃபீல்டு மதிப்புகளும் ஒரு சரிபார்ப்புக் குறியைக் காண்பிக்கும்.
• இன்னும் சரிசெய்யப்பட வேண்டிய ஏதேனும் மெட்டாஃபீல்டு மதிப்புகள் இருந்தால் i ஐகான் காட்டப்படும்.

ஏதேனும் மெட்டாஃபீல்டு மதிப்புகள் இன்னமும் பிழைகளைக் காண்பித்தால், அனைத்து மதிப்புகளும் சரிசெய்யப்படும் வரை இந்தச் செயல்முறையை மீண்டும் செய்யவும். அனைத்து மதிப்புகளும் உங்களின் மெட்டாஃபீல்டு வரையறையுடன் பொருந்தும் வரை உங்கள் மெட்டாஃபீல்டை உங்களால் பயன்படுத்த முடியாது.

செல்லுபடியாகாத உங்கள் மதிப்புகளை நீங்கள் உடனடியாகச் சரிசெய்யவில்லை எனில், செல்லுபடியாகாத மதிப்புகளைக் கொண்ட மெட்டாஃபீல்டு வரையறைகள் மெட்டாஃபீல்டு வரையறைகள் பக்கத்தில் சரிசெய்தல் தேவை என்றொரு பிழைச் செய்தியைக் காண்பிக்கும். மொத்தத் திருத்திக்குத் திரும்ப செல்லுபடியாகாத மெட்டாஃபீல்டுகளைப் பார் என்பதைக் கிளிக் செய்யலாம்.