Uso de ficheiros CSV para importar e exportar produtos

Podes usar un ficheiro CSV (valores separados por comas) para importar ou exportar produtos da túa tenda de Shopify. Cando usas un ficheiro CSV, podes importar ou exportar un gran número de produtos e os seus detalles ao mesmo tempo. Pode ser útil se queres intercambiar información de produtos entre Shopify e outras plataformas.

Para obter máis información sobre como usar ficheiros CSV, consulta como abrir e editar un ficheiro CSV.

Descargar un ficheiro CSV de mostra

Podes descargar e ver un ficheiro CSV de produtos de mostra para utilizalo como modelo. Se o fas, ten en conta o seguinte:

• O ficheiro de mostra contén dous produtos de exemplo e inclúe algunhas variantes. Probablemente o teu ficheiro de importación conteña máis produtos e variantes. Se usas o ficheiro de mostra para crear o teu propio ficheiro de importación, asegúrate de eliminar todos os produtos de exemplo.
• O ficheiro de mostra inclúe a columna Inventory quantity , que só se usa en tendas que teñen unha única localización. Se tes varias localizacións e queres importar ou exportar cantidades de inventario, usa o ficheiro CSV de inventario.
• O ficheiro de mostra inclúe as columnas Price / International e Compare-at price / International, pero están en branco, xa que non hai prezos únicos para os produtos de exemplo ao venderse internacionalmente. Obtén máis información sobre as columnas CSV internacionais.

Consideracións para o ficheiro CSV de produtos

Antes de usar un ficheiro CSV de produtos, revisa as seguintes consideracións.

Formato do ficheiro CSV de produtos

Para que o teu ficheiro CSV de produtos funcione correctamente, verifica que cumpre cos seguintes criterios:

• A primeira liña do teu ficheiro CSV de produtos debe conter as cabeceiras das columnas tal e como se especifica na táboa de descrición do ficheiro CSV de produtos.
• Cada columna debe estar separada por unha coma.

Nota

Se usas Excel para editar o teu ficheiro CSV, revisa a configuración de exportación cando o exportes para asegurarche de que o ficheiro usa comas para separar os valores.

Columnas requiridas no ficheiro CSV de produtos

Estas columnas deben estar presentes nas seguintes condicións:

• Cando creas un ficheiro CSV de produtos para importar novos artigos, a única columna requirida é Title. Se vas engadir variantes a un produto, a columna URL handle tamén é obrigatoria.
• Cando actualizas produtos mediante un ficheiro CSV, as únicas columnas obrigatorias son URL handle e Title.

Dependencias de datos

Aínda que as columnas Title e URL handle sexan as únicas obrigatorias cando actualizas produtos mediante un ficheiro CSV, os datos dalgunhas columnas dependen dos datos doutras.

Por exemplo, se actualizas unha columna relacionada coas variantes, como SKU ou Weight value (grams), os datos desas columnas dependerán dos datos das variantes correspondentes. Neste caso, tamén tes que incluír as columnas Option1 name e Option1 value .

Nota

Se usas un modelo de CSV máis antigo, é posible que teñas nomes de columna diferentes aos que se indican nesta páxina. Shopify mantén a retrocompatibilidade cos nomes de columna máis antigos, pero deberías considerar actualizar ao formato actual para obter a mellor experiencia e garantir a compatibilidade no futuro.

Precaución

Se non inclúes as columnas Option1 name e Option1 value , crearase unha nova variante predeterminada e eliminaranse as variantes existentes. Antes de eliminar ou excluír columnas do ficheiro CSV, verifica se os datos dalgunha outra columna dependen dos das columnas que queres eliminar ou excluír. Se os teus datos dependen dunha columna que falta, recibirás un erro ao tentar importar o teu ficheiro CSV de produtos.

Columnas de CSV internacionais

Se tes a sección Mercados configurada na tenda, a exportación do CSV inclúe columnas para algúns dos teus mercados. Un mercado só ten columnas se exactamente un dos seus catálogos activos non se comparte con outro mercado. Para cada un destes mercados, o teu CSV ten as seguintes columnas:

• Included / [Market]
• Price / [Market]
• Compare At Price / [Market]

En cada cabeceira, [Market] substitúese polo nome do mercado. Por exemplo, se o nome dun dos teus mercados é América do Sur, as cabeceiras das columnas son Included / América do Sur, Price / América do Sur e Compare At Price / América do Sur.

Para xestionar os prezos dos mercados que non teñen columnas no teu CSV, consulta a sección Crear catálogos para mercados.

Metacampos nas columnas de CSV

Os metacampos de produtos son compatibles coa importación/exportación masiva de produtos mediante ficheiros CSV. Despois de definir un metacampo de produto, inclúese nas túas exportacións de produtos en formato CSV. O formato da cabeceira da columna é: <name> (product.metafields.<namespace>.<key>). Tamén podes usar product.metafields.<namespace>.<key>. Por exemplo, o formato para o metacampo Fabric é o seguinte: Fabric (product.metafields.shopify.fabric) ou, se excluímos o nome e os parénteses, product.metafields.shopify.fabric. Podes atopar o espazo de nomes e a clave dun metacampo en Configuración > Datos personalizados > Produtos > Metacampo. Máis información sobre os metacampos de produto.

Os valores da opción tamén son compatibles coa importación/exportación do ficheiro CSV de produtos. Usa as columnas Option LinkedTo para conectar unha opción cun metacampo. Despois, poderás utilizar valores de metaobxectos nas respectivas columnas de Option values.

Metacampos de variantes

Os metacampos de variantes non son compatibles coa importación/exportación de CSV de produtos. Para editar de xeito masivo os teus metacampos de variantes, tes que utilizar o editor masivo de variantes e, a continuación, engadir as columnas dos metacampos. Máis información sobre a edición masiva de detalles de variantes.

Descrición das columnas no ficheiro CSV de produtos

A seguinte táboa describe todas as columnas posibles no CSV de produtos.

Ademais da columna Title , algunhas outras tamén deben ter un valor. As columnas obrigatorias indícanse na táboa a continuación. Para estas columnas, crearase un valor predeterminado se se deixan en branco ou se omiten no ficheiro CSV.

Nota

Algunhas columnas de CSV están relacionadas con outras columnas e non se poden deixar en branco cando as outras relacionadas tampouco se deixaron en branco. Por exemplo, se a columna Inventory tracker está definida como shopify, as columnas Continue selling when out of stock e Fulfillment service non se poden deixar en branco. De ser así, aplicaranse os valores predeterminados que se indican na táboa a continuación.

Se tentas importar un ficheiro CSV con valores en só algunhas columnas relacionadas, producirase un erro de importación. Consulta a mensaxe do erro de importación para determinar que columnas en branco deben ter valores segundo o contido do teu ficheiro CSV.

Obtén máis información sobre como afecta aos datos destas columnas a sobrescritura dos produtos existentes.

Columnas para o ficheiro CSV de produtos

Columnas obrigatorias no ficheiro CSV de produtos que deben ter un valor e os valores predeterminados que se crean automaticamente se non se indica ningún.

Columna	Descrición, incluído o comportamento predeterminado para as celas baleiras
Title	O nome do produto que queres mostrarlles aos clientes. Por exemplo, Women's Snowboard.
URL handle	O identificador exclusivo para cada produto. O identificador utilízase no URL da páxina do produto e baséase no valor da columna Title . Por exemplo, se o valor da columna Title é Black Sunglasses, o valor da columna URL handle é black-sunglasses de forma predeterminada. Podes personalizar o valor do identificador do URL se queres que o URL da páxina do produto sexa diferente do seu nome. Un identificador de URL válido pode conter letras, guións e números, pero non pode incluír espazos.
Description	A descrición do produto, que proporciona detalles sobre como é o produto.
Vendor	O nome da orixe ou fonte dos produtos que vendes. Se fabricas ti o produto, o valor da columna do provedor será o mesmo nome da tenda que utilizas cando inicias sesión en Shopify. Obtén información sobre como xestionar a información dos provedores.
Product category	Unha etiqueta que describe o tipo de produto e que se utiliza para calcular o seu tipo impositivo nos Estados Unidos. A etiqueta debe tomarse da taxonomía estándar de produtos de Shopify. Unha categoría de produto estandarizada e válida pódese identificar con: A ruta de navegación completa da categoría, por exemplo, Home & Garden > Linens & Bedding > Bedding > Bed Sheets O ID da categoría, por exemplo, hg-15-1-2
Type	Unha etiqueta que describe o produto se necesitas unha categoría personalizada para manter os teus produtos organizados, ademais da categoría estándar de Shopify. Por exemplo, se a categoría do produto é Bed Sheets, un tipo de produto útil podería ser Cooling sheets. Esta etiqueta non ten que axustarse a ningún formato predefinido. Máis información sobre como engadir un tipo de produto.
Tags	Engade palabras clave para axudar aos clientes a atopar o teu produto en liña, ou para agrupar e filtrar os produtos: Usa letras, números e guións Separa as etiquetas na mesma cela mediante comas. Por exemplo, Fall-2023, casual, vintage Engade un máximo de 250 etiquetas a cada produto Evita usar símbolos e caracteres acentuados A maioría das aplicacións de follas de cálculo engaden automaticamente comiñas ao redor das etiquetas. Se usas un editor de texto sen formato, terás que engadir as comiñas manualmente. Por exemplo, tag1, tag2, tag3. Máis información sobre os formatos das etiquetas.
Published on online store	Indica se se debe publicar o produto na túa canle de vendas da tenda en liña. Os valores válidos son: true (predeterminado): o produto importado é visible na tenda en liña e pódese vender false: o produto importado non será visible na tenda en liña Máis información sobre a publicación nunha tenda en liña.
Status	Indica se o produto está dispoñible para os teus clientes. Se esta columna está presente, necesita un valor. Se a columna non está presente, o estado do produto cárgase automaticamente como active. Os valores válidos son: active (predeterminado): o produto está listo para venderse draft: o produto aínda non está listo para venderse archived: o produto xa non está dispoñible para a venda Máis información sobre os estados dos produtos.
SKU	A unidade de mantemento de existencias (SKU) dunha variante, que se utiliza para facer un seguimento do inventario. A columna da SKU non pode estar en branco se utilizas un servizo de preparación de pedidos personalizado.
Barcodes	Todos os códigos de barras, ata un máximo de 20, do produto ou a variante. Pode ser un só código de barras ou varios códigos de barras. Separa os diferentes códigos de barras cun punto e coma. Para definir a norma do sector á que se aplica un código de barras, introduce o tipo de código de barras e dous puntos antes do valor. Un código de barras sen tipo impórtase como un código de barras Custom . Por exemplo: gtin:00012345678905; upc:012345678905; INTERNAL-123. Para usar unha barra invertida, un punto e coma ou dous puntos dentro do valor dun código de barras, introduce \\, \;ou \:. Se utilizaches antes un ficheiro CSV que tiña a antiga columna en singular Barcode , actualizarase a Barcodes a próxima vez que exportes un ficheiro CSV de produtos. O teu ficheiro CSV non pode ter á vez a columna Barcode e a columna Barcodes . Un ficheiro que teña as dúas columnas dará erro ao importarse. Máis información sobre os códigos de barras e os seus tipos.
Option1 name	Crea variantes para un produto que teña máis dunha opción, como o tamaño ou a cor, introducindo o seu nome. Cada combinación de valores dos nomes da opción dun produto pode ser unha variante dese produto, como Size ou Color. Un produto pode ter ata 3 opcións. Se un produto só ten unha opción, este valor debería ser Default Title. Máis información sobre a creación de variantes.
Option1 value	Se un produto ten máis dunha opción, como o tamaño ou a cor, introduce o seu valor. Por exemplo, o valor dunha opción de cor podería ser Black. Un produto pode ter ata 3 opcións. Se se vincula un metacampo de categoría coa columna LinkedTo , o valor da opción pode ser un identificador de metaobxecto ou un GID (non un nome de visualización). Precaución: Modificar os datos desta columna elimina os valores dos ID de variante existentes e crea novos ID de variante. Calquera cambio nos valores dos ID de variante pode interromper as dependencias de terceiros nos ID de variante. Máis información sobre a creación de variantes de produtos.
Option1 LinkedTo	Se unha opción de produto está conectada a un metacampo de categoría, este valor debería ser product.metafields.shopify.{taxonomy_attribute}
Price	O prezo do produto ou da variante. Inclúe só o valor monetario sen o símbolo da moeda. Por exemplo, 9.99. O valor predeterminado é 0.00 se non se introduce ningún valor. Máis información sobre os prezos dos produtos.
Price / International	Un prezo fixo para ese produto no mercado co mesmo nome e na moeda de dito mercado. Máis información sobre as columnas do CSV para a sección Internacional.
Compare-at price	O prezo orixinal da variante se se reduciu o prezo e queres mostrar o prezo de comparación. Inclúe só o valor monetario sen o símbolo da moeda. Por exemplo, 9.99. Máis información sobre a configuración dos prezos de comparación.
Compare-at price / International	Establece un prezo de comparación fixo para ese produto no mercado co mesmo nome e na moeda dese mercado. Require un prezo fixo do produto no mercado para usar un prezo de comparación fixo. Máis información sobre as columnas do CSV para a sección Internacional.
Cost per item	O que che custa fabricar ou adquirir o produto ou a variante. Inclúe só o valor monetario sen o símbolo da moeda. Por exemplo, 9,99. Máis información sobre a configuración dun custo por artigo.
Charge tax	Se o produto está suxeito a impostos, configura os impostos baseados na localización. Os valores válidos son: true (predeterminado): queres cobrar impostos no produto ou na variante false: non queres cobrar impostos no produto ou na variante
Inventory tracker	Indica o servizo que queres utilizar para o seguimento do inventario da variante. Os valores válidos inclúen: shopify shipwire amazon_marketplace_web en branco, se non se fai un seguimento do inventario Se se eliminan as opcións de seguimento de inventario existentes, o inventario deixará de rastrexarse. Servizos de preparación de pedidos de terceiros: para as variantes abastecidas nun servizo de preparación de pedidos de terceiros, o CSV exportado mostra shopify nesta columna cando o seguimento de inventario está activado e aparece en branco cando non o está. Os teus niveis de inventario e as asignacións de localizacións seguirán sendo os mesmos. Para xestionar o inventario en localizacións específicas de servizos de preparación de pedidos, utiliza o ficheiro CSV de inventario. Ou ben, se traballas con profesionais do desenvolvemento, podes usar no seu lugar a Inventory API.
Inventory quantity	O número de artigos que tes dispoñibles en stock do produto ou da variante. Só se aplica a tendas de Shopify que teñan unha soa localización. O valor predeterminado é 0 se non se introduce ningún valor. Obtén máis información sobre como xestionar o inventario dispoñible.
Continue selling when out of stock	Indica se queres permitir que os clientes compren artigos esgotados. Os valores válidos son: deny (predeterminado): non permites que a variante se compre cando o seu nivel de inventario chega a 0. continue: permites que a variante se compre cando o seu nivel de inventario chega a 0, o cal mostrará despois niveis de inventario negativos. Obtén máis información sobre como vender produtos esgotados.
Weight value (grams)	O peso do produto ou da variante expresado en gramos. Deberías especificar só o valor numérico, sen a unidade de medida nin decimais. Por exemplo, se a túa variante pesa: 5,125 quilogramos, introduce 5125. Para 4 libras, introduce 1814. O valor predeterminado é 0 se non se introduce ningún valor. Usa pesos precisos se usas o envío calculado pola empresa de transporte ou un servizo de preparación de pedidos de terceiros.
Weight unit for display	A unidade de medida na que queres que o peso do produto se mostre na túa tenda. Os valores válidos son: g kg (predeterminado) lb oz
Packed product length	A lonxitude da variante despois de empaquetala, expresada na unidade de dimensión do produto empaquetado. Completa as catro columnas do produto empaquetado, ou déixaas todas en branco. Se o ficheiro só ten valores nalgunhas delas, producirase un erro de importación e o produto afectado non se importará. Para non modificar un tamaño de produto empaquetado xa gardado, omite as catro columnas no teu ficheiro. En calquera fila que inclúa datos da variante, como un valor da opción, catro celas baleiras borran o tamaño do produto empaquetado gardado da variante da mesma forma que ao sobrescribir outras columnas en branco. Se unha fila define Requires shipping como false, daquela estas regras non se aplicarán a esa fila. Bórrase o tamaño de produto empaquetado gardado da variante, mesmo se o ficheiro non inclúe as catro columnas de produto empaquetado. Ignórase calquera valor de produto empaquetado na fila e non causa un erro de importación. Máis información sobre o tamaño do produto empaquetado.
Packed product width	A largura da variante despois de empaquetala, expresada na unidade de dimensión do produto empaquetado.
Packed product height	A altura da variante despois de empaquetala, expresada na unidade de dimensión do produto empaquetado.
Packed product dimension unit	A unidade de medida da lonxitude, a largura e a altura do produto empaquetado. Os valores válidos son: cm in
Requires shipping	Indica se o produto é un produto físico (en vez de dixital, por exemplo) e, polo tanto, debe enviarse. Os valores válidos son: true (predeterminado): require envío false: non require envío Obtén máis información sobre os detalles do envío.
Fulfillment service	O servizo de preparación de pedidos que utilizas para un produto ou variante. Os valores válidos son: manual (predeterminado) shipwire webgistix amazon_marketplace_web Se usas un servizo de preparación de pedidos personalizado, introduce o nome do servizo nesta columna usando estas indicacións: Usa só letras minúsculas Substitúe os espazos por un guión (-) Elimina os puntos e outros caracteres especiais Por exemplo, se o nome do teu servizo de preparación de pedidos é "Joan's Fulfillment", introduce joans-fulfillment no ficheiro CSV. Debes ter configurado un servizo de preparación de pedidos personalizado no teu administrador de Shopify antes de poder engadir o nome do servizo nesta columna. Servizos de preparación de pedidos de terceiros: para as variantes abastecidas nun servizo de preparación de pedidos de terceiros, o CSV exportado mostra manual nesta columna. As variantes da tarxeta de agasallo mostran gift_card no seu lugar. A asignación do teu servizo de preparación de pedidos e as asignacións de localizacións seguen sendo as mesmas. Ao importar un CSV, configurar esta columna a un identificador de servizo de preparación de pedidos específico (por exemplo, joans-fulfillment) actívase o inventario da variante nesa localización do servizo de preparación de pedidos. Calquera outra localización onde a variante xa estivese en stock seguirá en stock: non se desabastecerá ningunha. Despois da importación, esta columna seguirá mostrando manual para estas variantes tras volver exportar. Para xestionar directamente o inventario en localizacións do servizo de preparación de pedidos específicas, importa o ficheiro CSV de inventario. Ou, se traballas con profesionais do desenvolvemento, podes usar a Inventory API no seu lugar.
Included / [Primary]	Se vendes internacionalmente, esta columna indica se o produto está incluído ou non para a venda no teu mercado principal. O valor predeterminado é true. O nome da cabeceira desta columna varía segundo o país ou rexión que se determine como o teu mercado principal en Internacional. Se cambias o mercado principal predeterminado, entón as cabeceiras da túa columna mostraranse co nome do novo mercado. Consulta a sección de consideracións para obter máis información.
Included / International	Se vendes internacionalmente, esta columna indica se o produto se pode vender ou non nos teus mercados internacionais. O valor predeterminado é true. O nome da cabeceira desta columna varía segundo a opción de Internacional que teñas configurado na túa tenda. O mercado predeterminado é International. Se cambias o mercado predeterminado ou engades novos mercados, as cabeceiras da túa columna mostraranse cos nomes deses mercados. Consulta a sección de consideracións para obter máis información.
Product image URL	Introduce o URL da imaxe do produto. Shopify descarga as imaxes durante a importación e vólveas subir á túa tenda. Asegúrate de que o nome do ficheiro da imaxe: sexa definitivo: non podes editalo despois de que a imaxe se suba á túa tenda Non inclúa _thumb, _smallou _medium como sufixos Esta columna non é específica das variantes. Usa a columna de imaxes da variante para engadir imaxes da variante.
Image position	Introduce o número que representa a orde na que queres que a imaxe se mostre na páxina do produto. As imaxes móstranse en orde ascendente, comezando desde o valor de posición da imaxe 1. Por exemplo, se queres que a imaxe se mostre primeira para ese produto, introduce 1.
Image alt text	O texto alternativo (alt) describe a imaxe e o produto que representa. Se unha imaxe non pode cargar nun navegador por calquera motivo, mostrarase o texto alternativo no seu lugar. Tamén o usan as tecnoloxías de apoio para describir unha imaxe aos clientes con discapacidades visuais que usan un lector de pantalla, por exemplo. Incluír texto alternativo pode mellorar o SEO do teu sitio web. Mantén o teu texto alternativo breve e descritivo: a lonxitude máxima é de 512 caracteres a lonxitude óptima é de 125 caracteres ou menos
Variant image URL	Introduce o URL das imaxes da variante. Asegúrate de que os enderezos URL engadidos sexan URL de imaxes que funcionen.
Gift card	Indica se o produto é unha tarxeta de agasallo. Os valores válidos son: false (predeterminado): o produto non é unha tarxeta de agasallo true: o produto é unha tarxeta de agasallo Esta columna tamén che permite editar outros detalles da tarxeta de agasallo en masa, como o Description ou Tags, pero non podes crear unha tarxeta de agasallo importando un ficheiro CSV do produto. Unha tarxeta de agasallo só se pode crear e activar no administrador de Shopify.
SEO title	O nome do produto que se mostra nos resultados do motor de busca. O título de SEO que introduzas pode ser alfanumérico e incluír ata 70 caracteres. Os títulos de SEO válidos son: alfanumérico de ata 70 caracteres Se deixas esta columna en branco, o produto Title utilízase como título da páxina da ficha do produto no motor de busca. Máis información sobre como editar os títulos SEO.
SEO description	A descrición de SEO tamén se atopa na páxina de detalles dun produto, na cabeceira Vista previa da ficha no motor de busca, dentro de Descrición. A descrición de SEO que introduzas pode ser alfanumérica e incluír ata 320 caracteres. Se deixas esta columna en branco, o produto Description utilízase.
Google Shopping / Google Product Category	Se actualmente utilizas unha categoría de produto de Google, podes usala como a túa categoría de produto de Shopify. Podes usar a categoría de produto, a categoría de produto de Google ou ambas. Achega a categoría máis específica posible para cada artigo. A categoría de produto de Google (GPC, polas súas siglas en inglés) (google_product_category) utiliza a taxonomía de produtos de Google. Podes introducir a categoría de produto de Google de calquera das seguintes maneiras: Usando a ruta de navegación da categoría completa, por exemplo, Apparel & Accessories > Clothing > Clothing Tops > Shirts Usando o ID da categoría, por exemplo, 212
Google Shopping (Unstructured metafield)	As cabeceiras das columnas variarán en función do metacampo de Google Shopping que represente o valor incluído e irán precedidas de Google Shopping / . Os metacampos incluídos nas cabeceiras das columnas do CSV de produtos son: Gender Age Group MPN Condition Custom Product Custom Label 0 Custom Label 1 Custom Label 2 Custom Label 3 Custom Label 4 As columnas de Google Shopping pode utilizalas unha aplicación para sincronizar os produtos co Google Merchant Center. Non obstante, a canle de Google e YouTube non utiliza estes metacampos. Podes ignorar os valores das columnas dos metacampos que inclúan "Google Shopping" nos seus nomes a menos que unha aplicación che indique que os utilices.
Metafields	Estes metacampos de produto créanse na túa tenda. A definición do metacampo de produto móstrase na cabeceira da columna como NAME; (product.metafields.custom.KEY). Admítense os seguintes tipos de metacampos na importación ou exportación de CSV en bloque: boolean color (exemplo: #ff00cc) date date_time dimension (exemplo: 25.0cm) list.color (exemplo: #ff00cc; #cc0000) list.date (exemplo: 2023-12-02; 2023-12-03) list.date_time (exemplo: 2023-12-02T09:30:00; 2023-12-03T10:00:00) list.dimension (exemplo: 10.0cm; 3.0m) list.metaobject_reference (exemplo: gid://shopify/Metaobject/123; gid://shopify/Metaobject/456 ou os identificadores dos metaobxectos, como blue; red) list.number_decimal (exemplo: 1.0; 2.1) list.number_integer (exemplo: 3; 4) list.product_reference (exemplo: gid://shopify/Product/123; gid://shopify/Product/456 ou os identificadores dos produtos, como boots; skis) list.url (exemplo: http://www.google.com; http://shopify.com) list.volume (exemplo: 10.0ml; 2.0l) list.weight (exemplo: 1g; 2.0lb; 3.0 kg) money (exemplo: 5.99 CAD) multi_line_text_field (exemplo: "Ingredients Flour Water Milk Eggs") number_decimal (exemplo: 1.0) number_integer (exemplo: 1) product_reference (exemplo: gid://shopify/Product/123 ou o identificador do produto, como boots) shopify.disclosure (exemplo shopify--disclosure-us-ca-prop65-cancer:prop-65-cancer para unha divulgación de produtos estándar de Shopify ou shopify--disclosure-custom:merchant-warning para unha divulgación de produtos personalizada) single_line_text_field (exemplo: single line) url (exemplo: http://shopify.com) volume (exemplo: 10.0ml) weight (exemplo: 10.0g)

Sobreescribir os detalles dos produtos utilizando un ficheiro CSV de importación

Cando importas un ficheiro CSV, podes seleccionar a opción Sobreescribir os produtos con identificadores coincidentes. Se seleccionas esta opción, cando o identificador do ficheiro CSV de importación coincida cun existente na túa lista de produtos, os valores do ficheiro CSV sobreescribirán os das columnas coincidentes da lista de produtos existente. Se non se selecciona a opción de sobreescritura, ignoraranse durante a importación do CSV os produtos que coincidan cun identificador existente.

• Se unha columna non obrigatoria no ficheiro CSV de importación está en branco, o valor correspondente na lista de produtos sobreescribirase para quedar en branco.
  • Por exemplo, se o valor de Vendor na túa lista de produtos existente é John's Apparel, pero a columna Vendor está en branco no ficheiro CSV que importas, o valor John's Apparel sobreescribirase para quedar en branco.
• Se no ficheiro CSV de importación non se inclúe unha columna non obrigatoria que si está na lista de produtos existente, o valor manterase igual na lista de produtos.
  • Por exemplo, se a columna Variant image URL está incluída na lista de produtos existente, pero non se inclúe no ficheiro CSV de importación, o valor na lista de produtos manterase igual.
• Se no ficheiro CSV de importación se inclúe unha columna non obrigatoria que depende dos datos doutras columnas non incluídas no ficheiro, os datos existentes eliminaranse ou borraranse.
  • Por exemplo, se a columna SKU se inclúe no ficheiro CSV de importación, pero as columnas Valor da opción 1 e Nome da opción 1 non, eliminarase a opción de variante do produto.
• Os ficheiros CSV non se poden utilizar para eliminar produtos en bloque. Se queres eliminar produtos en bloque, podes usar as accións en bloque na sección Produtos do teu panel de administración.
• Os ficheiros CSV non se poden utilizar para actualizar en bloque a dispoñibilidade dos produtos noutras canles de vendas. Máis información sobre como configurar a dispoñibilidade dos produtos noutras canles de vendas.

Precaución

Modificar os datos nas columnas Option1 value, Option2 valueou Option3 value do ficheiro CSV de produtos elimina os ID de variante existentes e crea outros novos. Calquera cambio nos valores dos ID de variante pode romper as dependencias de terceiros nos ID de variante.

Excepción da columna de colección

Precaución

A columna Collection é a única que podes engadir ao ficheiro CSV sen romper o formato. Non podes engadir ningunha outra columna ao teu ficheiro CSV.

Para organizar os teus produtos en coleccións durante a carga do ficheiro CSV, podes engadir unha nova columna en calquera lugar do teu ficheiro CSV co nome de cabeceira Collection.

Cando exportas un ficheiro CSV, a columna Collection non se inclúe.

Descrición da columna Collection que podes engadir ao ficheiro CSV de importación de produtos.

Columna

Descrición

Collection

Introduce o nome da colección á que queres engadir este produto. Se se trata dunha colección existente que ten condicións, o produto debe cumprir as condicións da colección. Se a colección non existe aínda, crearase unha. Só podes engadir un produto a unha colección. Este valor pode estar en branco. A lonxitude máxima é de 255 caracteres. Máis información sobre como sobrescribir produtos existentes afecta aos datos desta columna.

Crea o teu ficheiro CSV de produtos

Para cada produto, debes decidir se é un produto sinxelo ou se ten variantes:

• Produto sinxelo: un produto sinxelo non inclúe variantes. Se cargas un produto que non ten variantes, introduce todos os campos do produto na primeira fila xunto co URL da primeira imaxe. Nas filas seguintes, introduce só o identificador e o URL para cada imaxe adicional.
• Produto con variantes: se cargas un produto que ten variantes, introduce todos os campos do produto na primeira fila xunto co URL da primeira imaxe. Nas filas seguintes, introduce o identificador de URL. A continuación, omite as columnas Title, Description, Vendore Tags . Enche o resto dos detalles das variantes e o URL de cada imaxe.

Despois de engadir todos os teus produtos e imaxes, garda o ficheiro CSV en formato UTF-8 con saltos de liña de estilo LF. Se non estás familiarizado coas codificacións, revisa a documentación do teu programa de folla de cálculo ou de edición de texto.

Para ver un ficheiro CSV de exemplo, descarga este ficheiro CSV de produtos de mostra e ábreo en Google Sheets ou noutro programa de follas de cálculo.

Prepara as túas imaxes

Un ficheiro CSV só pode conter texto; por tanto, debes asegurarte de que todas as imaxes dos produtos están nun sitio web existente. Eses URL das imaxes só se usan durante o proceso de importación do ficheiro CSV. Podes eliminar os URL unha vez completada a importación.

Nos ficheiros CSV só podes usar URL de imaxes. Os ficheiros de vídeo e os modelos 3D non son compatibles co CSV, pero podes cargalos en Contido > Ficheiros. Máis información sobre os tipos de ficheiros multimedia dos produtos.

Os URL de imaxes procedentes de fontes externas deben ser de acceso público. Cargar as imaxes en Contido > Ficheiros axuda a garantir que todas as imaxes dos teus produtos son precisas.

Dependendo da localización do teu ficheiro de imaxe, realiza unha das seguintes accións:

• Se os ficheiros só están no teu ordenador, debes cargalos na túa tenda de Shopify en Contido > Ficheiros ou noutro servizo de aloxamento de imaxes, como GoDaddy, OneDrive, Dropbox ou BucketLynx, e despois obter o seu URL.
• Se te estás cambiando a Shopify desde outra plataforma, podes copiar os URL das imaxes actuais e usalos no ficheiro CSV.
• Se o ficheiro CSV de produtos se produciu exportando os teus produtos desde Shopify, non necesitas facer nada porque as túas imaxes xa están no teu sitio web.

Precaución

Se eliminas produtos ou imaxes de produtos da túa tenda de Shopify despois da exportación e despois intentas importar eses produtos sen actualizar os URL das súas imaxes, a túa importación fallará.

Nota

Ao cargar un produto cun ficheiro CSV que inclúe unha ligazón a unha imaxe na área Ficheiros, a imaxe vólvese descargar e duplícase. A imaxe duplicada existe no cartafol /products/ e a orixinal permanece no cartafol /files/. Este comportamento é o esperado. Para evitar esta duplicación, aloxa as imaxes noutro lugar ou carga as imaxes directamente nos produtos despois de importar o CSV.

Cando teñas os URL de cada imaxe do produto, podes comezar a crear o teu ficheiro CSV.

Engadir varias imaxes de produtos nun ficheiro CSV

Podes engadir máis imaxes de produtos ao teu ficheiro CSV cargando máis imaxes no teu administrador de Shopify. Se estás a crear a túa tenda de Shopify cun ficheiro CSV, o proceso é lixeiramente diferente. Revisa as seguintes consideracións:

• Necesitas poder editar un ficheiro CSV. Shopify recomenda usar Google Sheets para ver unha versión formatada dos teus ficheiros CSV.
• Podes engadir ata 250 imaxes a un produto.
• As imaxes dos teus produtos deben cargarse nun URL de acceso público. É dicir, deben ter un protocolo https:// sen protección por contrasinal. Para facelo, podes cargar imaxes na páxina Ficheiros do administrador de Shopify. Os URL xéranse automaticamente. Despois de facer clic en Cargar ficheiros, podes seleccionar ata un par de centos de imaxes para cargar de forma masiva.

Engade varias imaxes de produtos ao teu ficheiro CSV

1. Insire filas novas. Debes usar só unha fila por imaxe.
2. Copia e pega o identificador.
3. Copia e pega os URL das imaxes.

Inserir unha nova fila

1. Abre o teu ficheiro CSV no teu programa de follas de cálculo, como Google Sheets.
2. Localiza os produtos aos que lles queres engadir imaxes.
3. Na seguinte fila, fai clic e arrastra os números de fila para seleccionar varias filas. Selecciona a mesma cantidade de filas que o número de imaxes adicionais que engades.

   

4. Con esas filas resaltadas, fai clic co botón dereito en calquera parte da área resaltada e selecciona Inserir X filas enriba.

   

Copia e pega o valor do identificador de URL

Copia e pega o valor do identificador de URL do produto requirido na columna A para as túas filas novas.

Copia e pega os URL das imaxes

1. Na páxina Ficheiros, carga as túas imaxes en Shopify.
2. Fai clic na icona Copiar ligazón para o URL dunha imaxe á vez.

   

3. No ficheiro CSV da túa aplicación de follas de cálculo, desprázate cara aos lados ata as últimas columnas do ficheiro CSV.
4. Na columna Product image URL , pega o URL da imaxe en cada liña.

   

5. Repite os pasos do 2 ao 4 para todas as imaxes deste produto
6. Opcional: para mellorar o SEO, introduce valores en todos os Image alt text campos. Obtén máis información sobre o texto alternativo da imaxe.
7. Garda o ficheiro CSV e impórtao a Shopify.