B2B પરિભાષા

B2B કૉમર્સમાં વિશિષ્ટ પરિભાષા છે અને તેમાં જટિલ પ્રક્રિયાઓ સામેલ હોઈ શકે છે, તેથી નવા વેપારીઓ માટે B2Bની શરૂઆત કરવી પડકારજનક હોઈ શકે છે.

આ લેખમાં તમે સામાન્ય B2B અને જથ્થાબંધ પરિભાષાની સૂચિ જોઈ શકો છો. B2B વિશે વધુ જાણવા માટે વ્યાખ્યાઓ અને શબ્દોની નીચેની સૂચિની સમીક્ષા કરો.

B2B (બિઝનેસ-ટુ-બિઝનેસ)

B2B એ વ્યક્તિગત ગ્રાહકોને બદલે બે વ્યવસાયો વચ્ચેનું બિઝનેસ મૉડલ અથવા કૉમર્શિયલ ટ્રાન્ઝેક્શન છે. B2B ઉત્પાદકો, જથ્થાબંધ વેપારીઓ અને છૂટક વેપારીઓ જેવા વિવિધ પ્રકારના વ્યવસાયો વચ્ચે હાથ ધરી શકાય છે.

ઉદાહરણ તરીકે, પેન સ્ટોરનો છૂટક વેપારી પેનના ઉત્પાદક પાસેથી સીધી પેન ખરીદે છે, અને પછી તેમના સ્ટોરમાં ગ્રાહકોને પેન વેચે છે.

વૈકલ્પિક શબ્દ: જથ્થાબંધ.

Shopify B2B

Shopify B2B એ નેટિવ સુવિધાઓનો સ્યુટ છે જે તમને Shopify ઍડમિન અને ઑનલાઇન સ્ટોર દ્વારા બિઝનેસ-ટુ-બિઝનેસ (B2B) વેચાણ કરવાની મંજૂરી આપે છે. તમે વિશિષ્ટ ગ્રાહકો માટે B2B કૅટેલોગ સેટઅપ કરી શકો છો, ચુકવણીની શરતોના વિવિધ પ્રકારો ગોઠવી શકો છો અને બહુવિધ ગ્રાહકો અને સ્થાનોને એક જ કંપની સાથે કનેક્ટ કરી શકો છો.

વધુ માહિતી માટે, Shopify B2B નો સંદર્ભ લો.

B2B ઍક્સેસ ઇમેઇલ

જ્યારે તમે ગ્રાહકને કંપની માટે અસાઇન કરો છો અથવા નવી B2B ગ્રાહક પ્રોફાઇલ બનાવો છો, ત્યારે તમે તેમને તમારા ઑનલાઇન સ્ટોરમાં B2B ઑર્ડર આપવાનું શરૂ કરવા માટે આમંત્રિત કરવા B2B ઍક્સેસ ઇમેઇલ મોકલી શકો છો. આ નોટિફિકેશન વૈકલ્પિક છે અને તેને કસ્ટમાઇઝ કરી શકાય છે.

વધુ માહિતી માટે, B2B ઍક્સેસ ઇમેઇલ નોટિફિકેશનને કસ્ટમાઇઝ કરવું અને મોકલવું નો સંદર્ભ લો.

B2B કૅટેલોગ

B2B કૅટેલોગ એવી પ્રોડક્ટ્સનો સેટ છે જેને તમે B2B કંપનીઓને વેચવા માટે પસંદ કરી શકો છો અને તમારા જથ્થાબંધ ગ્રાહકો માટે ખરીદીના અનુભવને કસ્ટમાઇઝ કરી શકો છો. કૅટેલોગની મદદથી, તમે તમારા જથ્થાબંધ ગ્રાહકો માટે પ્રોડક્ટ્સની ઉપલબ્ધતાને નિયંત્રિત કરી શકો છો અને કૅટેલોગમાં બધી પ્રોડક્ટ્સ અથવા વિશિષ્ટ પ્રોડક્ટ્સને શામેલ કરી શકો છો.

વૈકલ્પિક શબ્દો: જથ્થાબંધ પ્રોડક્ટ કૅટેલોગ, B2B ઈકૉમર્સ કૅટેલોગ, ભાવપત્રક.

વધુ માહિતી માટે, B2B માં કૅટેલોગ અને કિંમત નિર્ધારણ નો સંદર્ભ લો.

B2B ચેકઆઉટ

B2B ચેકઆઉટ B2B ગ્રાહકોને તેમની લૉગિન માહિતીના આધારે કસ્ટમાઇઝ કરેલો અનુભવ પૂરો પાડે છે. B2B ગ્રાહકો લૉગ ઇન કરી શકે છે અને તેમની કંપનીની બધી માહિતી ચેકઆઉટમાં ઑટોમૅટિક રીતે લાવી શકે છે.

વધુ માહિતી માટે, B2Bમાં ચેકઆઉટ, ઑર્ડર અને ડ્રાફ્ટ ઑર્ડર નો સંદર્ભ લો.

B2B ગ્રાહક

B2B ગ્રાહક એવી વ્યક્તિને દર્શાવે છે જે B2B ટ્રાન્ઝેક્શનમાં બિઝનેસ વતી ખરીદી કરે છે. તમે તમારા B2B ગ્રાહકોને Shopify માં કંપની અથવા કંપનીના સ્થાન પર ઉમેરી શકો છો.

વૈકલ્પિક શબ્દ: જથ્થાબંધ ગ્રાહક.

વધુ માહિતી માટે, ગ્રાહકોનો ઉપયોગ કરીને B2B કંપનીના સંપર્કો બનાવવા અને મેનેજ કરવા નો સંદર્ભ લો.

B2B ગ્રાહક લૉગિન

B2B ગ્રાહકો પ્રોડક્ટ્સ અને કિંમત નિર્ધારણ જેવી B2B-વિશિષ્ટ માહિતી ઍક્સેસ કરવા માટે અથવા B2B ઑર્ડર્સ આપવા માટે તમારા સ્ટોરમાં લૉગ ઇન કરે છે. આનાથી એ સુનિશ્ચિત થાય છે કે માત્ર અધિકૃત ગ્રાહકો જ તમારી જથ્થાબંધ ઑફર્સને ઍક્સેસ કરી શકે છે. B2B ગ્રાહક તરીકે લૉગિન કરવા માટે, ગ્રાહક તમારા Shopify ઍડમિનમાં સેટઅપ કરેલા હોવા અને એક અથવા વધુ કંપનીનાં સ્થાનો સાથે સંકળાયેલા હોવા જરૂરી છે

વૈકલ્પિક શબ્દ: ગ્રાહક એકાઉન્ટ.

વધુ માહિતી માટે, B2B ગ્રાહક લૉગિન અને એકાઉન્ટ સેટ કરવાં નો સંદર્ભ લો.

B2B ડ્રાફ્ટ ઑર્ડર

ઑનલાઇન સ્ટોર મારફતે મોકલવાને બદલે ફોન અથવા ઇમેઇલ દ્વારા ગ્રાહકો તમને સીધા જે ઑર્ડર્સ મોકલે છે તેને ડ્રાફ્ટ ઑર્ડર તરીકે બનાવી શકાય છે. જો ડ્રાફ્ટ ઑર્ડરમાં B2B ગ્રાહક અને કંપનીનું સ્થાન અસાઇન કરેલ હોય, તો કિંમતો, ચુકવણીની શરતો અને ચેકઆઉટ વિકલ્પો આપમેળે તે કંપનીના સેટિંગ્સને દર્શાવે છે. તમે ચુકવણીની શરતો અને ડિપોઝિટની આવશ્યકતાઓ સાથે ડ્રાફ્ટ ઑર્ડર બનાવી શકો છો. જ્યારે ડ્રાફ્ટ ઑર્ડર પર આંશિક રીતે અથવા સંપૂર્ણ રીતે ચુકવણી મેળવવામાં આવે, ત્યારે તે આપમેળે એક ઑર્ડરમાં રૂપાંતરિત થાય છે.

વધુ માહિતી માટે, ડ્રાફ્ટ ઑર્ડરનો ઉપયોગ કરીને B2B ઑર્ડર્સ બનાવવા નો સંદર્ભ લો.

B2B ઑર્ડર

B2B ઑર્ડર એ એક એવો ઑર્ડર છે જેને બ્લેન્ડેડ અથવા ડેડિકેટેડ સ્ટોરફ્રન્ટના Shopify દ્વારા પ્રોસેસ કરવામાં આવે છે. B2B ઑર્ડર અનેક રીતે D2C ઑર્ડરથી અલગ હોય છે. એક B2B ઑર્ડર ગણવા માટે ઑર્ડર કંપની અને B2B ગ્રાહક સાથે સંકળાયેલો હોવો જરૂરી છે.

વધુ માહિતી માટે, B2Bમાં ચેકઆઉટ, ઑર્ડર અને ડ્રાફ્ટ ઑર્ડર નો સંદર્ભ લો.

બ્લેન્ડેડ સ્ટોર

બ્લેન્ડેડ સ્ટોર એક જ એવો Shopify સ્ટોર છે, જેનો ઉપયોગ B2B અને D2C બંને ગ્રાહકો માટે થાય છે. બ્લેન્ડેડ સ્ટોરનો ઉપયોગ કરવાથી તમે B2B અને D2C ગ્રાહકો વચ્ચે તફાવત કર્યા વિના એક જ Shopify ઍડમિનમાંથી તમારા બધા ઑપરેશન મેનેજ કરી શકો છો.

વધુ માહિતી માટે, B2B બિઝનેસ માટે બ્લેન્ડેડ સ્ટોર નો સંદર્ભ લો.

કંપની

કંપની એ એક અથવા વધુ કંપનીનાં સ્થાનો માટે પેરન્ટ સંસ્થા છે. કંપનીઓના બહુવિધ સ્થાનો હોઈ શકે છે. Shopify B2B નો ઉપયોગ કરવા માટે તમારે તમારા B2B ગ્રાહકોને કંપનીઓ તરીકે સેટ કરવાં જરૂરી છે.

વધુ માહિતી માટે, કંપનીઓનો ઉપયોગ કરીને B2B ગ્રાહકો બનાવવા અને મેનેજ કરવા નો સંદર્ભ લો.

કંપની એકાઉન્ટની વિનંતીઓ

B2B ગ્રાહકો કંપની એકાઉન્ટની વિનંતીઓનો ઉપયોગ કરીને તમારા ઑનલાઇન સ્ટોરના ઍક્સેસની વિનંતી કરી શકે છે. તમારે Shopify Forms ઍપ ઇન્સ્ટૉલ કરીને, જથ્થાબંધ ગ્રાહકો ભરી શકે તે માટે ફોર્મ બનાવવું અને કસ્ટમાઇઝ કરવું જરૂરી છે અને ત્યારબાદ તમારા ઑનલાઇન સ્ટોરમાં એક પૉપઅપ અથવા ઇનલાઇન ફોર્મ ઉમેરવું પડશે. જ્યારે ગ્રાહક ફોર્મ સબમિટ કરે છે, ત્યારે તમારા Shopify ઍડમિનમાં આપમેળે એક કંપની, કંપનીનું સ્થાન અને ગ્રાહક બની જાય છે. તમે વિનંતીનો રિવ્યૂ કરી શકો છો અને તમારા બિઝનેસમાંથી કંપનીને B2B ખરીદી માટે મંજૂરી આપવી કે નહીં તે પસંદ કરી શકો છો.

વધુ માહિતી માટે, નવા B2B ગ્રાહકોને તમારા સ્ટોર માટે ઍક્સેસની વિનંતી કરવા દેવા નો સંદર્ભ લો.

કંપનીનું સ્થાન

કંપનીનું સ્થાન એક એવો બિઝનેસ છે કે જેને તમે B2B ટ્રાન્ઝેક્શનમાં વેચાણ કરી રહ્યા છો. દરેક કંપનીના સ્થાન માટે અલગ કૅટલૉગ, ચુકવણીની શરતો, ચેકઆઉટ વિકલ્પો અને શિપિંગ સરનામાંઓ હોઈ શકે છે. જ્યારે B2B ગ્રાહક તમારા સ્ટોરમાં લૉગ ઇન કરે છે, ત્યારે તેઓ જેમના માટે ખરીદી કરી રહ્યા હોય તે સ્થાન પસંદ કરે છે અને તેમને તમે તે કંપનીના સ્થાન માટે અસાઇન કરેલી કિંમતો, ચુકવણીની શરતો અને ચેકઆઉટ ઑફર કરવામાં આવે છે.

વધુ માહિતી માટે, કંપનીઓનો ઉપયોગ કરીને B2B ગ્રાહકો બનાવવા અને મેનેજ કરવા નો સંદર્ભ લો.

કંપની સ્ટાફની પરવાનગીઓ

સ્ટાફની પરવાનગીઓ કોઈપણ પ્રકારના વેચાણ સ્ટાફને સપોર્ટ કરે છે. B2B વ્યવસાયો માટે વેચાણ સ્ટાફના બે સૌથી સામાન્ય પ્રકાર વેચાણ મેનેજર્સ અને વેચાણ પ્રતિનિધિઓ છે:

• વેચાણ મેનેજર્સ: એવો સ્ટાફ જે કયા વેચાણ પ્રતિનિધિઓ કંપનીના ચોક્કસ સ્થાનો સાથે કામ કરે છે તે નિયંત્રિત કરે છે. તેઓ સ્ટોર ઍડમિન્સ પણ હોઈ શકે છે.
• વેચાણ પ્રતિનિધિઓ: એવો સ્ટાફ જે ફક્ત કંપનીના એ સ્થાનો અને રેકોર્ડ્સને ઍક્સેસ કરી શકે છે, જે તેમને અસાઇન કરવામાં આવ્યા છે. તમે તેમને કંપનીઓ અને કંપનીના સ્થાનો સંપાદિત કરવાની અથવા બનાવવાની પરવાનગી પણ આપી શકો છો.

તમે કંપનીઓની પરવાનગીઓ સહિત, પરવાનગીઓના કોઈપણ સંયોજન સાથે વપરાશકર્તાની ભૂમિકાઓ બનાવીને અને અસાઇન કરીને તમારા વેચાણ સ્ટાફના દરેક સભ્ય પાસે કયા સ્તરની પરવાનગીઓ છે તેને નિયંત્રિત કરી શકો છો.

વધુ માહિતી માટે, B2B ઑર્ડર્સ અને ડેટા ઍક્સેસ કરવા વેચાણ સ્ટાફને સેટ કરવા નો સંદર્ભ લો.

ક્રેડિટ કાર્ડ વૉલ્ટિંગ

B2B ગ્રાહકો ચેકઆઉટ વખતે તેમની ક્રેડિટ કાર્ડની માહિતી વૉલ્ટ કરવા માટે ચેકબૉક્સ પસંદ કરી શકે છે. તેઓ કંપનીના સ્થાન પર વૉલ્ટેડ કાર્ડ ઉમેરવા માટે ગ્રાહક એકાઉન્ટ્સમાં લૉગ ઇન પણ કરી શકે છે. ક્રેડિટ કાર્ડ વૉલ્ટ કરીને, ગ્રાહક તે કાર્ડનો વર્તમાન ઑર્ડર અને ભવિષ્યના ઑર્ડર્સ માટે ઉપયોગ કરવાની પરવાનગી આપે છે.

વધુ માહિતી માટે, B2B માટે ક્રેડિટ કાર્ડ વૉલ્ટિંગ સેટ કરવું નો સંદર્ભ લો.

ડેડિકેટેડ સ્ટોર

ડેડિકેટેડ સ્ટોર એ એક અલગ Shopify સ્ટોર છે, જેનો ઉપયોગ માત્ર B2B ગ્રાહકો માટે જ થાય છે. બધા સેટિંગ્સ અને સુવિધાઓ આપમેળે માત્ર B2B ગ્રાહકોને જ લાગુ પડે છે. ડેડિકેટેડ સ્ટોરનો ઉપયોગ કરવાથી તમે તમારા B2B અને D2C સ્ટોર્સ વચ્ચે ઇન્વેન્ટરી અને બિઝનેસ ડેટાને વિભાજિત કરી શકો છો.

વધુ માહિતી માટે, B2B બિઝનેસ માટે ડેડિકેટેડ સ્ટોર નો સંદર્ભ લો.

ડિપોઝિટ

જો તમે ઑર્ડર માટે આંશિક ચુકવણી અગાઉથી અને બાકીની રકમ પછીની તારીખે એકત્રિત કરવા માંગતા હો, તો તમે ચુકવણીની શરતના ભાગ રૂપે ડિપોઝિટની આવશ્યકતા રાખી શકો છો. B2B ગ્રાહકો જ્યારે ચેકઆઉટ પર ઑર્ડર આપે છે ત્યારે તેમણે ડિપોઝિટની રકમ ચૂકવવી જરૂરી છે. ડિપોઝિટ ઑર્ડર્સ અને ડ્રાફ્ટ ઑર્ડર્સ સાથે કામ કરે છે. ડિપોઝિટ ક્રેડિટ કાર્ડ અથવા મેન્યુઅલ ચુકવણી પદ્ધતિ દ્વારા ચૂકવી શકાય છે.

વધુ માહિતી માટે, B2B માટે ચુકવણીની શરતોમાં ડિપોઝિટ ઉમેરવી નો સંદર્ભ લો.

D2C (ડાયરેક્ટ-ટુ-કન્ઝ્યુમર)

D2C એ વ્યવસાય અને ગ્રાહક વચ્ચેનું બિઝનેસ મૉડલ અથવા વ્યાપારી ટ્રાન્ઝેક્શન છે. D2C બિઝનેસ મધ્યસ્થીઓ પર આધાર રાખ્યા વિના સીધા ગ્રાહકોને પ્રોડક્ટ્સ અથવા સેવાઓનું વેચાણ કરે છે. ઉદાહરણ તરીકે, ફાઉન્ટેન પેન ઉત્પાદક તેમના ઑનલાઇન સ્ટોર પર સીધા ગ્રાહકોને ફાઉન્ટેન પેન વેચે છે.

વૈકલ્પિક શબ્દ: DTC

હેડલેસ કૉમર્સ

હેડલેસ કૉમર્સ એક એવું કસ્ટમ સ્ટોરફ્રન્ટ છે જેને તમે Hydrogen અને Oxygen નો ઉપયોગ કરીને તમારા B2B બિઝનેસ માટે બનાવી શકો છો.

વધુ માહિતી માટે, B2B સાથે હેડલેસ નો સંદર્ભ લો.

વૈકલ્પિક શબ્દ: કસ્ટમ સ્ટોરફ્રન્ટ.

વન-ટાઇમ શિપિંગ સરનામું

કંપનીના સ્થાનનું સરનામું મૂળભૂત રીતે નિશ્ચિત હોય છે, જેથી ગ્રાહકો ચેકઆઉટ વખતે માત્ર તે સરનામાનો જ ઉપયોગ કરી શકે. તમારા ગ્રાહકોને વધુ સુગમતા પ્રદાન કરવા માટે, તમે કોઈપણ સરનામા પર શિપ કરવાના વિકલ્પને સક્રિય કરી શકો છો.

જ્યારે તમે આ સેટિંગને સક્રિય કરો છો, ત્યારે ગ્રાહકો ચેકઆઉટ દરમિયાન વન-ટાઇમ શિપિંગ સરનામું દાખલ કરી શકે છે જે કંપનીના સ્થાનના શિપિંગ સરનામાથી અલગ હોય.

વધુ માહિતી માટે, B2B માં ચેકઆઉટ સેટિંગ્સનું સંચાલન કરવું નો સંદર્ભ લો.

ઑર્ડર સબમિશન

ઑર્ડર સબમિશન એ એક એવું સેટિંગ છે જે તમને એ પસંદ કરવાની મંજૂરી આપે છે કે તમે તમારા Shopify ઍડમિનમાં તમારા B2B ઑર્ડર્સને કેવી રીતે સબમિટ કરવા માંગો છો. B2B ઑર્ડર્સને ઑર્ડર્સ અથવા ડ્રાફ્ટ ઑર્ડર્સ તરીકે સબમિટ કરી શકાય છે. જો તમે ઑર્ડર્સને મંજૂર કરવામાં આવે તે પહેલાં તેનો રિવ્યૂ કરવા માંગતા હો, તો તમે તેને સ્વીકારો તે પહેલાં ગ્રાહકો તેમના ઑર્ડર્સને ડ્રાફ્ટ તરીકે સબમિટ કરે એવી આવશ્યકતા રાખી શકો છો.

વધુ માહિતી માટે, B2B માં ચેકઆઉટ સેટિંગ્સનું સંચાલન કરવું નો સંદર્ભ લો.

આંશિક ચુકવણીઓ

આંશિક ચુકવણી એ ઑર્ડર માટેની સ્પ્લિટ પેમેન્ટ છે. તમે તમારા Shopify ઍડમિનમાં ચુકવણીની શરતો સાથેના ઑર્ડર માટે એકથી વધુ આંશિક ચુકવણીઓ એકત્રિત કરી શકો છો અને તેને રેકોર્ડ કરી શકો છો. આંશિક ચુકવણીઓ વડે તમે તમારા ગ્રાહકોને ફ્લેક્સિબલ ચુકવણીના વિકલ્પો આપી શકો છો, તમારા ગ્રાહકોને એક ઑર્ડર પર એકથી વધુ ચુકવણી પદ્ધતિઓ વડે ચુકવણી કરવા દઈ શકો છો અને ડિપોઝિટ અથવા અપફ્રન્ટ ચુકવણીઓ એકત્રિત કરી શકો છો.

વધુ માહિતી માટે, આંશિક ચુકવણીઓ એકત્રિત કરવી અને રેકોર્ડ કરવી નો સંદર્ભ લો.

ચુકવણીની શરતો

કંપનીએ ઑર્ડર અથવા B2B ગ્રાહક માટેના ડ્રાફ્ટ ઑર્ડર માટે કેટલા સમયમાં ચુકવણી કરવાની છે તે ચુકવણીની શરતો નિર્ધારિત કરે છે. તમે કોઈ ચોક્કસ તારીખે અથવા પરિપૂર્ણતા પર ચૂકવવાપાત્ર તરીકે ચુકવણીની શરતો સેટઅપ કરી શકો છો.

વધુ માહિતી માટે, B2B માં ચુકવણીની શરતો સેટઅપ કરવી નો સંદર્ભ લો.

વ્યક્તિગત ઑર્ડર

વ્યક્તિગત ઑર્ડર એ એક D2C (ડાયરેક્ટ-ટુ-કન્ઝ્યુમર) ઑર્ડર છે. જ્યારે ગ્રાહક B2B કંપની સાથે સંકળાયેલા હોય તેવા ઇમેઇલ ઍડ્રેસનો ઉપયોગ કરીને વ્યક્તિગત ઑર્ડર બનાવવાનો પ્રયાસ કરે છે, ત્યારે તેઓ ચેકઆઉટ કરી શકતા નથી. ગ્રાહકોએ વ્યક્તિગત ઑર્ડર માટે વૈકલ્પિક ઇમેઇલ ઍડ્રેસનો ઉપયોગ કરવો આવશ્યક છે.

ખરીદી ઑર્ડર નંબર

ખરીદી ઑર્ડર એવા ઑર્ડર માટેની પ્રોડક્ટ, કિંમતો અને જથ્થાઓની સૂચિ આપે છે જે વ્યવસાય દ્વારા સપ્લાયરને આપવામાં આવે છે. જો કોઈ કંપની તમારા Shopify સ્ટોરની બહાર, જેમ કે ઇમેઇલ દ્વારા અથવા ફોન પર તમારી સમક્ષ ખરીદી ઑર્ડર સબમિટ કરે છે, તો પછી તમે તેમની ખરીદી માટે ડ્રાફ્ટ ઑર્ડર બનાવી શકો છો.

વૈકલ્પિક શબ્દ: PO નંબર.

રિસેલ પ્રમાણપત્ર

રિસેલ પ્રમાણપત્ર એ હસ્તાક્ષરિત દસ્તાવેજ છે જે દર્શાવે છે કે ખરીદનાર માલને રિસેલ કરવાનો ઇરાદો ધરાવે છે. તે સામાન્ય રીતે છૂટક વેપારી દ્વારા જથ્થાબંધ ડીલરને પ્રદાન કરવામાં આવે છે. આ ઉપરાંત, ઉત્પાદકો તેઓ ઉત્પાદન કરતા હોય તેવી પ્રોડક્ટ્સમાં સામેલ થતી સામગ્રીના સપ્લાયર્સને રિસેલ પ્રમાણપત્રો ઇશ્યૂ કરે છે.

વૈકલ્પિક શબ્દો: રિસેલ મુક્તિ પ્રમાણપત્ર.

જથ્થાના નિયમો

પ્રોડક્ટ ચોક્કસ વધારા સાથે વેચવા માટે અથવા પ્રોડક્ટ એક સમયે ખરીદી શકાય તે માટેની ન્યૂનતમ કે મહત્તમ મર્યાદા સેટ કરવા માટે જથ્થાના નિયમોનો ઉપયોગ થાય છે.

વધુ માહિતી માટે, B2B માં જથ્થાના નિયમો અને વૉલ્યુમ પ્રાઇસિંગ સેટઅપ કરવા નો સંદર્ભ લો.

કર મુક્તિ

B2B ગ્રાહકો પાસે યુનિક કર મુક્તિ હોઈ શકે છે. ગ્રાહકો ભલે કોઈપણ અધિકારક્ષેત્રમાં સ્થિત હોય, તો પણ તેમને યોગ્ય કર એકત્રીકરણનો અનુભવ મળે તેની મંજૂરી આપવા માટે, તમે કંપનીના દરેક સ્થાન માટે કર મુક્તિઓને કન્ફિગર કરી શકો છો.

વધુ માહિતી માટે, કંપનીઓનો ઉપયોગ કરીને B2B ગ્રાહકો બનાવવા અને મેનેજ કરવા નો સંદર્ભ લો.

વૉલ્યુમ પ્રાઇસિંગ

મોટા પ્રમાણમાં પ્રોડક્ટની ખરીદી કરનારા ગ્રાહકોને કિંમતમાં ઘટાડો ઑફર કરવા માટે વૉલ્યુમ પ્રાઇસિંગનો ઉપયોગ કરવામાં આવે છે.

વધુ માહિતી માટે, B2B માં જથ્થાના નિયમો અને વૉલ્યુમ પ્રાઇસિંગ સેટઅપ કરવા નો સંદર્ભ લો.

જથ્થાબંધ

Shopifyમાં જથ્થાબંધ અને B2B શબ્દોનો ઉપયોગ એકબીજાના સ્થાને થાય છે. આ વેપારીઓ દ્વારા ઉપયોગમાં લેવાતી વેચાણની વ્યૂહરચના છે જેમાં વસ્તુઓ મોટે ભાગે રિસેલના હેતુથી ડિસ્કાઉન્ટવાળી કિંમતે મોટા જથ્થામાં વેચવામાં આવે છે.