உதவி
உள்நுழை

Shopify Flow-இல் உள்ள பணிப்பாய்வுகளின் எடுத்துக்காட்டுகள்

Shopify Flow-இல் உள்ள பணிப்பாய்வுகள் மற்றும் மாறிகளின் தனிப்பயனாக்கக்கூடிய தன்மையின் காரணமாக, பணிப்பாய்வுகளைப் பயன்படுத்தித் தானியக்கமாக்கக்கூடிய பணிகளுக்கான சாத்தியக்கூறுகள் GraphQL Admin API மூலம் என்ன சாதிக்க முடியும் என்பதைப் பொறுத்து மட்டுமே வரையறுக்கப்பட்டுள்ளன. Shopify Flow-இல் எந்தெந்தப் பணிகளைத் தானியக்கமாக்கத் தொடங்க வேண்டும் என்று சிந்திப்பது கடினமாகத் தோன்றலாம், எனவே உங்களின் வணிகத் தேவைகளுக்கு Flow எப்படி ஆதரவளிக்கலாம் என்பதற்கான சில யோசனைகளைப் பெற இந்தப் பக்கத்திலுள்ள எடுத்துக்காட்டுகளை மதிப்பாய்வு செய்து பாருங்கள்.

Flow-ஐ எவ்வாறு பயன்படுத்துவது என்பதை விளக்கும் நூற்றுக்கணக்கான எடுத்துக்காட்டுகளை Shopify Flow வார்ப்புரு நூலகம் வழங்குகிறது. நீங்கள் தொடங்குவதற்கு உதவ, வகை வாரியாகப் பிரிக்கப்பட்டுள்ள சில எடுத்துக்காட்டு வார்ப்புருக்கள் பின்வருமாறு. சில வார்ப்புருக்கள் பல வகைகளுக்குப் பொருந்தலாம்.

நீங்கள் தானியக்கமாக்க விரும்பும் பணிக்கு வார்ப்புரு கிடைக்கவில்லை எனில், ஒரு பணிப்பாய்வு என்னென்ன குறிப்பிட்ட செயல்களைச் செய்ய முடியும் என்பதற்கான யோசனைகளுக்கு செயல்களின் குறிப்புப் பட்டியலை நீங்கள் பார்க்கலாம். இது ஒரு தனிப்பயன் பணிப்பாய்வில் எதை தானியக்கமாக்குவது சாத்தியமாக இருக்கலாம் என்பதைத் தெரிவிக்க உதவும்.

இந்தப் பக்கத்தில்

B2B பணிப்பாய்வுகள்

பட்டியல்கள் மற்றும் கட்டண விதிமுறைகள் போன்ற நிறுவனத்தின் இருப்பிட உள்ளமைவுகளைப் புதுப்பிக்கவும், உள் மற்றும் வெளிப்புற அறிவிப்புகளைத் தானியக்கமாக்கவும் மற்றும் B2B ஆர்டர்களை நிர்வகிக்கவும் B2B பணிப்பாய்வுகள் உங்களுக்கு உதவுகின்றன.

வார்ப்புரு எடுத்துக்காட்டுகள்:

வாங்குபவர் அனுபவப் பணிப்பாய்வுகள்

வாங்குபவர் அனுபவப் பணிப்பாய்வுகள் மூலம், வாடிக்கையாளர்களின் ஆர்டர்களில் டேக்குகளைச் சேர்க்கலாம் அல்லது உங்கள் ஸ்டோரில் அவர்கள் வாங்கிய அனுபவம் குறித்து மேலும் அறிந்துகொள்ள உதவும் வகையில் அக அறிவிப்புகளை அனுப்பலாம்.

வார்ப்புரு எடுத்துக்காட்டுகள்:

தனிப்பயன் தரவுப் பணிப்பாய்வுகள்

தனிப்பயன் தரவுப் பணிப்பாய்வுகள், சேமிப்பு முறையாக மெட்டாஃபீல்டுகளைப் பயன்படுத்தி உங்கள் ஸ்டோர் தரவை நிர்வகிக்க உதவும்.

வார்ப்புரு எடுத்துக்காட்டுகள்:

வாடிக்கையாளர் பணிப்பாய்வுகள்

வாடிக்கையாளர் பணிப்பாய்வுகள், வாடிக்கையாளர் உருவாக்கப்படும்போதும், அவர்கள் ஆர்டர் செய்யும்போதும் அல்லது அவர்களின் ஆர்டரை நீங்கள் ரத்துசெய்யும்போதும் வாடிக்கையாளர்களுக்கு டேக்குகளைச் சேர்க்க உதவும். அஞ்சல் குறியீடு, மின்னஞ்சல் முகவரி, ஆர்டர் வரலாறு போன்ற வாடிக்கையாளர்களின் பிரத்யேகத் தரவின் அடிப்படையில் அவர்களுக்கு நீங்கள் டேக்கைச் சேர்க்கலாம்.

வார்ப்புரு எடுத்துக்காட்டுகள்:

பிழை கண்காணிப்புப் பணிப்பாய்வுகள்

பிழை கண்காணிப்புப் பணிப்பாய்வுகள் மூலம், Shopify Flow இல் உள்ள ஒரு பணிப்பாய்வில் ஏதேனும் சிக்கல் ஏற்படும்போதெல்லாம் அதற்கான அறிவிப்பைப் பெறலாம்.

வார்ப்புரு எடுத்துக்காட்டுகள்:

நிறைவேற்றப் பணிப்பாய்வுகள்

நிறைவேற்றப் பணிப்பாய்வுகள், இடம் அல்லது ஆர்டர் விவரங்களின் அடிப்படையில் உங்கள் ஆர்டர் நிறைவேற்றங்களை நிர்வகிக்க உதவும். எடுத்துக்காட்டாக, ஆர்டரின் ஆபத்து நிலையைப் பொறுத்து நிறைவேற்றத்தை நிறுத்திவைக்கவோ, வரைவு ஷிப்பிங் லேபிள்களைத் தயாரிக்கவோ, பெரிய அளவிலான ஆர்டர்களுக்கான அறிவிப்புகளைப் பெறவோ நீங்கள் Flow ஐப் பயன்படுத்தலாம்.

வார்ப்புரு எடுத்துக்காட்டுகள்:

சரக்கு இருப்பு மற்றும் விற்பனை மேம்பாட்டுப் பணிப்பாய்வுகள்

சரக்கு இருப்பு மற்றும் விற்பனை மேம்பாட்டுப் பணிப்பாய்வுகள், உங்கள் சரக்கு இருப்பை நிர்வகிக்கவும் உங்கள் தயாரிப்புகள் வாடிக்கையாளர்களுக்கு எப்படிக் காட்டப்படுகின்றன என்பதைக் கட்டுப்படுத்தவும் உதவும். எடுத்துக்காட்டாக, குறைந்த கையிருப்பிலுள்ள தயாரிப்புகளின் சேகரிப்பை உருவாக்க, உங்கள் தயாரிப்பு டேக்குகளைத் தரப்படுத்த அல்லது தயாரிப்பு மாறுபாடு கையிருப்பில் இல்லாதபோது அறிவிப்புகளைப் பெற, பணிப்பாய்வுகளின் சேகரிப்புகளைப் பயன்படுத்தலாம்.

சரக்கு இருப்பு மற்றும் விற்பனை மேம்பாட்டுப் பணிப்பாய்வுகளில் பின்வரும் நிபந்தனைகளும் செயல்களும் பயன்படுத்தப்படும்:

  • சரக்கு இருப்பு மாற்றங்களைத் தடமறியும் சரக்கு இருப்பு அளவு மாற்றப்பட்டது எனும் தூண்டுதல்.
  • உங்கள் நிபந்தனைகள் முதன்முறையாகப் பூர்த்தியாகும்போது மட்டுமே பணிப்பாய்வு ரன் ஆவதை உறுதிசெய்யும் தயாரிப்பு மாறுபாடு சரக்கு இருப்பு அளவு மற்றும் தயாரிப்பு மாறுபாடு சரக்கு இருப்பு அளவு முந்தையது ஆகிய நிபந்தனைகள்.

இந்த வகையான பணிப்பாய்வை உருவாக்கும்போது, நிபந்தனையானது சரக்கு இருப்பு மாற்றங்களுக்கு முந்தைய மற்றும் பிந்தைய அளவுகள் இரண்டையும் சரிபார்க்க வேண்டும். எடுத்துக்காட்டாக, ஒரு மாறுபாட்டின் சரக்கு இருப்பு 5-ஐ விடக் குறையும்போது அறிவிப்பைப் பெற, தயாரிப்பு மாறுபாடு சரக்கு இருப்பு அளவை 5 என அமைத்து, தயாரிப்பு மாறுபாடு சரக்கு இருப்பு அளவு முந்தையது என்பதை 5-ஐ விடக் குறைவானது என அமைக்கவும். உங்கள் ஸ்டோரில் 7 டி-ஷர்ட்டுகள் உள்ளன; ஜோஸ் 2 டி-ஷர்ட்டுகளை ஆர்டர் செய்கிறார் என வைத்துக்கொள்வோம். இப்போது சரக்கு இருப்பு 5 ஆக உள்ளதால், மீண்டும் ஆர்டர் செய்யக் கோரும் மின்னஞ்சல் அனுப்பப்படும். பிறகு, கரீம் 1 டி-ஷர்ட்டை ஆர்டர் செய்கிறார். இப்போது சரக்கு இருப்பு 4 ஆக இருக்கும், ஆனால் மீண்டும் ஆர்டர் செய்யக் கோரும் மின்னஞ்சல் அனுப்பப்படாது. தற்போதைய சரக்கு இருப்பு அளவை மட்டுமே நீங்கள் சரிபார்த்தால், தயாரிப்பை மீண்டும் ஸ்டாக் செய்யும் வரை அது ஆர்டர் செய்யப்படும் ஒவ்வொரு முறையும் மீண்டும் ஆர்டர் செய்யக் கோரும் மின்னஞ்சல் அனுப்பப்படும்.

வார்ப்புரு எடுத்துக்காட்டுகள்:

விசுவாசப் பணிப்பாய்வுகள்

விசுவாசப் பணிப்பாய்வுகள், தள்ளுபடிக் குறியீடுகளைத் தடமறியவும் வாடிக்கையாளர்களின் ஆதரவுக்கு வெகுமதியளிக்கவும் உதவும். பல விசுவாசச் செயலிகளில் Flow கனெக்டர்கள் உள்ளன; உங்கள் ஸ்டோரில் வாடிக்கையாளர்கள் எவ்வளவு செலவிடுகிறார்கள் மற்றும் என்னென்ன செயல்பாடுகளில் ஈடுபடுகிறார்கள் என்பதன் அடிப்படையில் அவர்களுக்கு வெகுமதியளிக்க, இவற்றைப் பயன்படுத்தலாம். எடுத்துக்காட்டாக, ஒரு குறிப்பிட்ட தயாரிப்பை ஆர்டர் செய்வதற்காகவோ நேர்மறையான மதிப்பாய்வை வழங்குவதற்காகவோ ஒரு வாடிக்கையாளருக்கு விசுவாசப் புள்ளிகளை வழங்கலாம், அல்லது வாடிக்கையாளர்களுக்குப் பிறந்தநாள் டேக்குகளைச் சேர்க்கலாம்.

வார்ப்புரு எடுத்துக்காட்டுகள்:

ஆர்டர்கள் பணிப்பாய்வுகள்

ஆர்டர்கள் பணிப்பாய்வுகள், ஒரு ஆர்டரை டேக் செய்யவோ, சிறப்புக் கவனம் தேவைப்படும் ஆர்டர்களைப் பெறும்போது உங்கள் பணியாளர்களுக்கு அறிவிக்கவோ, அல்லது ஒரு செயலிக்கு விவரங்களை அனுப்பவோ உதவும். ஆர்டரின் பண்புகள் அல்லது அதைச் செய்த வாடிக்கையாளரின் பண்புகளின் அடிப்படையில் உங்கள் பணிப்பாய்வில் நிபந்தனைகளை உருவாக்கலாம்.

வார்ப்புரு எடுத்துக்காட்டுகள்:

உங்கள் ஆர்டர்களை நீங்கள் தானாகவே நிறைவேற்றினால், அந்த ஆர்டர்களை Flow காப்பகப்படுத்தவும் செய்யலாம்.

பேமெண்ட் நினைவூட்டல் பணிப்பாய்வுகள்

பேமெண்ட் நினைவூட்டல் பணிப்பாய்வுகள், திட்டமிடப்பட்ட பேமெண்ட் தவறவிடப்படும்போது அல்லது அதற்கான காலக்கெடு வரும்போது உங்கள் வாடிக்கையாளருடனான தகவல் தொடர்பைத் தானியக்கமாக்க உதவும்.

வார்ப்புரு எடுத்துக்காட்டுகள்:

விளம்பரப் பணிப்பாய்வுகள்

விளம்பரப் பணிப்பாய்வுகள், தள்ளுபடிகள் பயன்படுத்தப்பட்ட ஆர்டர்களை நிர்வகிக்கவும், கைவிடப்பட்ட செக்அவுட்டுகளை மீட்பது அல்லது புதிய சந்தாதாரர்களை வரவேற்பது போன்ற சில சந்தைப்படுத்தல் பணிகளைத் தானியக்கமாக்கவும் உதவும்.

வார்ப்புரு எடுத்துக்காட்டுகள்:

ஆபத்துப் பணிப்பாய்வுகள்

ஆபத்துப் பணிப்பாய்வுகள், அதிக ஆபத்துள்ள ஆர்டர்களை நிர்வகிக்க உதவும். எடுத்துக்காட்டாக, அதிக ஆபத்துள்ள ஆர்டரைப் பெறும்போது உங்களுக்கு அறிவிக்க Flow ஐப் பயன்படுத்தலாம். ஒரு ஆர்டரின் ஆபத்து நிலையைச் சரிபார்க்க, உங்கள் பணிப்பாய்வில் ஆர்டர் ஆபத்து பகுப்பாய்வு செய்யப்பட்டது என்ற தூண்டுதலைப் பயன்படுத்தலாம். இந்தத் தூண்டுதல் Shopify Risk Analysis இன் முடிவுகளைப் பயன்படுத்துகிறது. மூன்றாம் தரப்புச் செயலிகளின் ஆபத்து முடிவுகள் பயன்படுத்தப்படுவதில்லை.

அதிக ஆபத்துள்ள ஆர்டரைப் பெறும்போது, பின்வரும் பணிகளை Flow செய்யும்படி நீங்கள் தேர்ந்தெடுக்கலாம்:

  • பிற்பாடு செயல்படுத்தும் வகையில் ஆர்டரை டேக் செய்வதுடன், உங்கள் பணியாளர்களுக்கு அறிவிக்கவும் அல்லது ஆர்டர் விவரங்களை ஒரு செயலிக்கு அனுப்பவும்.
  • உங்கள் ஸ்டோர் பேமெண்ட்டுகளை மேனுவலாகப் பெறுமாறு அமைக்கப்பட்டிருந்தால், பேமெண்ட் செயலாக்கப்படுவதைத் தடுக்கவும்.
  • ஆர்டர் மேனுவலாக நிறைவேற்றப்பட அமைக்கப்பட்டிருந்தால், அதை ரத்துசெய்யவும்.

உங்கள் ஸ்டோர் மேனுவலாகப் பேமெண்ட்டுகளைப் பெற அமைக்கப்பட்டிருந்தால், அதிக ஆபத்துள்ள ஆர்டர்களுக்கான பேமெண்ட் பெறப்படுவதைத் தடுக்க, நீங்கள் Flow-ஐப் பயன்படுத்தலாம். ஆர்டரின் ஆபத்து அளவைச் சரிபார்த்து, ஆபத்து குறைவாகவோ நடுத்தரமாகவோ இருக்கும்போது மட்டும் பேமெண்ட்டைப் பெறும் பணிப்பாய்வை உருவாக்கவும். உங்கள் பணிப்பாய்வில், பேமெண்ட்டைப் பெற பேமெண்ட்டைப் பெறுதல் செயலைப் பயன்படுத்தவும்.

உங்கள் ஸ்டோர் பேமெண்ட்டுகளைத் தானாகப் பெற்று, ஆர்டர்களை மேனுவலாக நிறைவேற்றினால், ஆர்டரை ரத்துசெய்ய நீங்கள் Flow-ஐப் பயன்படுத்தலாம். இந்த நேர்வில் பேமெண்ட் பெறப்படுவதை உங்களால் தடுக்க முடியாது. உங்கள் பணிப்பாய்வில், ஆர்டரை ரத்துசெய்ய ஆர்டரை ரத்துசெய் செயலைப் பயன்படுத்தவும்.

வாடிக்கையாளரின் மின்னஞ்சல் அல்லது IP முகவரி போன்ற பிற அளவுகோல்களின் அடிப்படையிலும் நீங்கள் ஆர்டர்களை ரத்துசெய்யலாம்.

Flow ரத்துசெய்யும் ஆர்டர்களைத் தடமறிய, பின்வருபவற்றைச் செய்யும் செயல்களை நீங்கள் ஒரு பணிப்பாய்வில் சேர்க்கலாம்:

வார்ப்புரு எடுத்துக்காட்டுகள்:

கனெக்டர் செயலிகளுடனான பணிப்பாய்வுகள்

Shopify உருவாக்கிய மற்றும் மூன்றாம் தரப்புச் செயலிகள் சில, Shopify Flow உடன் கனெக்டர்களாக ஒருங்கிணைக்கப்பட்டுள்ளன. அதாவது செயலிக்கு Flow தரவை முன்னும் பின்னும் அனுப்புவதால், அந்தக் கனெக்டர் செயலிகளைப் பயன்படுத்தி சில பணிகளை நீங்கள் தானியக்கமாக்கலாம்.

Collabs, Shopify Messaging மற்றும் Shop போன்ற பொதுவான Shopify செயலிகளைப் பயன்படுத்தும் பணிப்பாய்வுகளின் சில எடுத்துக்காட்டுகள் கீழே பட்டியலிடப்பட்டுள்ளன.

Collabs

குறைவான முயற்சியில் அதிக அஃபிலியேட் விற்பனைகளை உருவாக்குங்கள். ஆயத்தமாக உள்ள Shopify Flow வார்ப்புருக்கள் மூலம் மீண்டும் மீண்டும் நிகழும் அஃபிலியேட் திட்டப் பணிகளைத் தானியக்கமாக்க, Shopify Collabs செயலியைப் பயன்படுத்தவும்.

வார்ப்புரு எடுத்துக்காட்டுகள்:

Shopify Messaging

Shopify Messaging செயலியில் நீங்கள் வடிவமைத்த பிரத்தியேகமான சந்தைப்படுத்தல் மின்னஞ்சல்களைத் தானாகவே அனுப்ப உதவ, பல பணிப்பாய்வுகள் Shopify Messaging உடன் ஒருங்கிணைக்கப்பட்டுள்ளன.

வார்ப்புரு எடுத்துக்காட்டுகள்:

Shop

Shop இல் உங்கள் ஸ்டோர் தொடர்பான சில பணிகளை நீங்கள் தானியக்கமாக்கலாம்.

வார்ப்புரு எடுத்துக்காட்டுகள்: