உதவி
உள்நுழை

Shopify மூலம் ஷிப்பிங் செய்யத் தொடங்குதல்

உங்கள் Shopify நிர்வாகியிலிருந்தே ஷிப்பிங் அமைப்புகளை உள்ளமைப்பது, ஆர்டர்களைச் செயலாக்குவது மற்றும் தள்ளுபடியுடன் ஷிப்பிங் லேபிள்களை வாங்குவது போன்றவற்றை இந்தக் கட்டுரையில் அறிந்துகொள்ளலாம்.

இந்தப் பக்கத்தில்

தொடங்குவதற்கு முன்

தொடங்குவதற்கு முன், பின்வருவனவற்றைக் கவனத்தில் கொள்ளவும்:

உங்கள் ஷிப்பிங் அமைப்புகளை அமைத்தல்

செக்அவுட்டில் ஷிப்பிங் கட்டணங்கள் கணக்கிடப்படும் விதத்தையும் ஆர்டர்களை நீங்கள் எங்கு ஷிப் செய்யலாம் என்பதையும் கட்டுப்படுத்தும் அவசியமான ஷிப்பிங் அமைப்புகளை அமைக்கவும்:

  1. உங்கள் நிறைவேற்றும் இடங்களைச் சேர்த்தல்: சரக்கு இருப்பை நீங்கள் எங்குச் சேமித்து வைத்து ஷிப் செய்கிறீர்கள் என்பதை அமைப்பதன் மூலம், மூல முகவரியின் அடிப்படையில் உங்கள் ஷிப்பிங் கட்டணங்கள் துல்லியமாகக் கணக்கிடப்படும்.
  2. ஷிப்பிங் சுயவிவரங்களை உருவாக்குதல்: ஒரே மாதிரியான ஷிப்பிங் தேவைகள் உள்ள தயாரிப்புகளைக் குழுவாக்குவதன் மூலம், ஒவ்வொரு தயாரிப்புக்கும் சரியான கட்டணங்கள் தானாகவே பயன்படுத்தப்படும்.
  3. ஷிப்பிங் கட்டணங்கள் மற்றும் மண்டலங்களை அமைத்தல்: நீங்கள் எங்கு ஷிப் செய்கிறீர்கள் என்பதையும் உங்கள் ஷிப்பிங் கட்டணங்களையும் வரையறுத்து, வாடிக்கையாளர்களுக்குச் செக்அவுட்டில் சரியான ஷிப்பிங் செலவுகளைக் காட்டலாம்.
  4. பேக்கேஜ்களை உள்ளமைத்தல்: செக்அவுட்டிலும் நீங்கள் ஷிப்பிங் லேபிள்களை வாங்கும்போதும் துல்லியமான ஷிப்பிங் கட்டணங்களைக் கணக்கிட உங்கள் பெட்டியின் அளவுகள், எடைகள் மற்றும் இயல்புநிலைப் பேக்கேஜ்களைச் சேர்க்கவும்.
  5. உங்கள் கேரியர் கணக்கை இணைத்தல்: தகுதியான ஷிப்பிங் கேரியரில் உள்ள உங்கள் சொந்தக் கணக்கை உங்கள் Shopify நிர்வாகியோடு இணைக்கவும். UPS, FedEx, USPS போன்ற கேரியர்களின் நிகழ்நேர ஷிப்பிங் கட்டணங்களைச் செக்அவுட்டில் நேரடியாகக் காட்டலாம், அதோடு தகுதியான கேரியர்களுக்கான ஷிப்பிங் லேபிள்களை உங்கள் Shopify நிர்வாகியிலிருந்தே வாங்கவும் முடியும்.
  6. தானியங்கு விநியோகத் தேதிகளை அமைத்தல்: வாடிக்கையாளர்கள் கொள்முதலை நிறைவுசெய்ய அவர்களை ஊக்கப்படுத்தும் வகையில், செக்அவுட்டில் குறிப்பிட்ட விநியோகத் தேதிகளைக் காட்டவும்.
  7. விருப்பத்தேர்வு: சர்வதேச ஷிப்பிங்கை அமைத்தல்: சுங்கப் படிவங்களைத் தானாகவே உருவாக்கவும், தாமதமின்றி எல்லைகளைக் கடந்து ஷிப்மென்ட்களை அனுப்பவும் உங்கள் தயாரிப்புகளில் சுங்கத் தகவல் மற்றும் HS குறியீடுகளைச் சேர்க்கவும்.

விருப்பத்தேர்வான ஆர்டர் நிறைவேற்ற அமைப்புகளை உள்ளமைத்தல்

இயல்புநிலையாக, நீங்களே ஆர்டர்களை நிறைவேற்றுவதுடன், கைமுறையாக அவற்றை நிறைவேற்றப்பட்டது எனக் குறிக்கிறீர்கள் என்பதால், ஆர்டர்களை நிறைவேற்றத் தொடங்க எந்த அமைப்புகளையும் மாற்றத் தேவையில்லை. நீங்கள் ஒரு நிறைவேற்றச் சேவையைப் பயன்படுத்தவோ, நிறைவேற்றத்தைத் தானியக்கமாக்கவோ அல்லது பல இருப்பிடங்களிலிருந்து நிறைவேற்றவோ விரும்பினால், பின்வரும் அமைப்புகளை நீங்கள் உள்ளமைக்கலாம்:

  1. உங்கள் நிறைவேற்ற முறையைத் தேர்வுசெய்தல்: நீங்களே ஆர்டர்களை நிறைவேற்றலாம், நிறைவேற்றச் சேவையைப் பயன்படுத்தலாம், டிராப்ஷிப் செய்யலாம் அல்லது பல முறைகளை ஒருங்கிணைக்கலாம். ஒரே ஆர்டரிலுள்ள வெவ்வேறு உருப்படிகளுக்கு நீங்கள் வெவ்வேறு முறைகளைப் பயன்படுத்தலாம்.
  2. கைமுறை அல்லது தானியங்கு நிறைவேற்றத்தை அமைத்தல்: உங்கள் ஆர்டர் செயலாக்க அமைப்புகளில் ஆர்டர்கள் தானாகவே நிறைவேற்றப்பட வேண்டுமா அல்லது கைமுறையான செயல்பாடு தேவையா என்பதைத் தேர்வுசெய்யவும்.
  3. தயாரிப்புகளுக்கு நிறைவேற்ற முறைகளை ஒதுக்குதல்: ஒவ்வொரு தயாரிப்பும் எங்கு இருப்பு வைக்கப்பட்டு, எங்கிருந்து நிறைவேற்றப்படுகிறது என்பதை அமைக்கவும்.
  4. நிறைவேற்றச் சேவைகளைச் செயல்படுத்துதல்: உங்கள் Shopify நிர்வாகியோடு செயலிகளை அல்லது தனிப்பயன் நிறைவேற்றச் சேவைகளை இணைக்கவும்.

நிறைவேற்றத்திற்காக ஆர்டர்களை நிர்வகித்தல் மற்றும் தயார்படுத்துதல்

உங்கள் Shopify நிர்வாகியிலிருந்து நிறைவேற்றத்திற்காக ஆர்டர்களை ஒருங்கிணைத்து, நிர்வகித்து, தயார்படுத்தவும். உங்கள் வணிகப் பணிப்பாய்வுகளைப் பொறுத்து, பின்வரும் படிகளை நீங்கள் எந்த வரிசையிலும் செய்து முடிக்கலாம்:

  • ஆர்டர்களை வடிகட்டி வரிசைப்படுத்துதல்: நிலை, இடம் அல்லது ஷிப்பிங் முறை ஆகியவற்றின்படி ஆர்டர்களை ஒருங்கிணைக்கத் தனிப்பயன் பார்வைகளை உருவாக்கவும்.
  • வாடிக்கையாளர் ஷிப்பிங் முகவரிகளைச் சரிபார்த்தல்: முழுமையற்ற அல்லது தவறான முகவரிகளைக் கொண்ட ஆர்டர்கள் பரிந்துரைகளுடன் குறிக்கப்படும்.
  • ஆர்டர் விவரங்களை நிர்வகித்தல்: வாடிக்கையாளர் விவரங்கள், ஷிப்பிங் முகவரிகள், கட்டணத் தகவல், ஆர்டர் வரலாறு உள்ளிட்ட விரிவான ஆர்டர் தகவல்களைப் பார்த்து நிர்வகிக்கவும். ஒருங்கிணைக்கப்பட்ட ஒரே இடத்திலிருந்து அனைத்து ஆர்டர் தரவையும் அணுகவும்.
  • ஆர்டர்களைத் திருத்துதல்: தயாரிப்புகளைச் சேர்ப்பதன் அல்லது அகற்றுவதன் மூலமாகவோ, அளவுகளைப் புதுப்பிப்பதன் மூலமாகவோ, ஷிப்பிங் முகவரிகளை மாற்றுவதன் மூலமாகவோ அல்லது விலைகளைச் சரிசெய்வதன் மூலமாகவோ இருக்கும் ஆர்டர்களைத் திருத்தலாம். ஆர்டர்களை ரத்துசெய்து மீண்டும் உருவாக்காமல், ஆர்டர் மாற்றங்களைச் சிறப்பாகக் கையாளலாம்.
  • ஆர்டர் நிலையை நிர்வகித்தல்: உங்களின் நிறைவேற்றும் செயல்முறையில் ஆர்டர் எந்த நிலையில் உள்ளது என்பதைக் குறிக்க நிலையை மாற்றலாம்.
  • ஆர்டர்களை அச்சிடு: கிடங்குப் பணிகளை முறைப்படுத்த பேக்கிங் சீட்டுகள், தேர்வுப் பட்டியல்கள், விலைப்பட்டியல்கள் போன்ற ஷிப்பிங் ஆவணங்களை உருவாக்கி அச்சிடலாம். ஆவண வடிவங்களைத் தனிப்பயனாக்கி, அச்சிடும் பணிப்பாய்வுகளைத் தானியங்குபடுத்தலாம்.

ஷிப்பிங் லேபிள்களை வாங்குதல், அச்சிடுதல்

உங்கள் Shopify நிர்வாகியிலிருந்து நேரடியாக ஷிப்பிங் கேரியர்களிடமிருந்து தள்ளுபடி செய்யப்பட்ட ஷிப்பிங் லேபிள்களை வாங்கலாம், அச்சிடலாம், நிர்வகிக்கலாம்:

  1. ஷிப்பிங் லேபிள்களை வாங்குதல்:
    1. தனி ஆர்டர்களுக்கு லேபிள்களை வாங்குதல்: தனித்தனியாக ஷிப்பிங் லேபிள்களை வாங்கலாம்.
    2. மொத்தமாக லேபிள்களை வாங்குதல்: ஒரே நேரத்தில் 250 ஷிப்பிங் லேபிள்கள் வரை வாங்கலாம்.
  2. விருப்பத்தேர்வு: DDP (சுங்கவரி செலுத்தப்பட்ட டெலிவரி) ஷிப்பிங் லேபிள்களை வாங்குதல்: சர்வதேச ஷிப்மென்ட்களுக்குச் சுங்கவரி செலுத்தப்பட்ட டெலிவரி லேபிள்களை வாங்கலாம். இதனால் டெலிவரியின்போது எதிர்பாராத கட்டணங்களை உங்கள் வாடிக்கையாளர்கள் எதிர்கொள்ள மாட்டார்கள்.
  3. ஷிப்பிங் காப்பீட்டைச் சேர்த்தல்: விருப்பத்தேர்வான ஷிப்பிங் காப்பீட்டுத் தொகையுடன் ஷிப்மென்ட்களைப் பாதுகாக்கலாம். அமெரிக்காவிலிருந்து வரும் தகுதியான லேபிள்களுக்கு $200 USD வரையிலான ஷிப்பிங் காப்பீடு உள்ளடக்கப்பட்டுள்ளது.
  4. ஷிப்பிங் லேபிள்களை மாற்றுதல் அல்லது ரத்துசெய்தல்: பயன்படுத்தாத ஷிப்பிங் லேபிள்களை உங்கள் Shopify நிர்வாகியிலிருந்து நேரடியாக ரத்துசெய்து, பணத்தை மீண்டும் உங்கள் கணக்கில் பெறலாம்.
  5. ஷிப்பிங் லேபிள்களை அச்சிடுதல்: ஷிப்பிங் லேபிள்களையும் சுங்கப் படிவங்களையும் அச்சிடலாம். ஷிப்பிங் ஆவணங்களைத் தனியாக அச்சிடலாம் அல்லது நீங்கள் தேர்ந்தெடுத்த அச்சுத் தாளின் வடிவமைப்பிற்கு ஏற்ப அளவுமாற்றி ஒன்றிணைத்து அச்சிடலாம்.
  6. நேரில் பெறுதல்களை அட்டவணையிடுதல், சரக்குப் பட்டியல்களை உருவாக்குதல், ஷிப்மென்ட்களைத் தடமறிதல்: தகுதியான லேபிள்களுக்காகக் கேரியர் நேரில் வந்து பெறுவதை அட்டவணையிடலாம், உங்கள் ஆவணப் பதிவுக்காக ஷிப்பிங் சரக்குப் பட்டியல்களை அச்சிடலாம், மேலும் நிர்வாகியிலிருந்து டெலிவரி நிலையைத் தடமறியலாம்.
  7. Shop செயலியின் மூலம் வாடிக்கையாளர்களுக்கு டெலிவரியைத் தடமறியும் வசதியை வழங்குதல்: நிகழ்நேர ஆர்டர் தடமறிதல், டெலிவரி அறிவிப்புகள், நேரலை வரைபடத் தடமறிதல் ஆகியவற்றை Shop செயலியின் மூலம் வாடிக்கையாளர்களுக்கு வழங்கலாம். ஆர்டர் நிலை குறித்த ஆதரவு விசாரணைகளைக் குறைத்து, முதல் முயற்சியிலேயே டெலிவரி வெற்றிகரமாகும் விகிதங்களை மேம்படுத்தலாம்.
  8. ஷிப்மென்ட்களுக்கான காப்பீட்டுக் கோரிக்கைகளைச் சமர்ப்பித்தல்: தொலைந்த அல்லது சேதமடைந்த ஷிப்மென்ட்களுக்கான கோரிக்கைகளை உங்களின் Shopify நிர்வாகியிலிருந்து நேரடியாகச் சமர்ப்பிக்கலாம்.

ரிட்டர்ன்களைக் கையாளுதல்

உள்ளமைக்கப்பட்ட கருவிகள் மூலம் ரிட்டர்ன்களையும் பரிமாற்றங்களையும் முறைப்படுத்தலாம்:

  1. சுய-சேவை ரிட்டர்ன்களை அமைத்தல்: உங்கள் ஆன்லைன் ஸ்டோரிலிருந்தே ரிட்டர்ன்களைத் தொடங்க வாடிக்கையாளர்களை அனுமதிக்கலாம்.
  2. ரிட்டர்ன் விதிகளையும் திருப்பியளிப்புக் கொள்கையையும் அமைத்தல்: வாடிக்கையாளர்கள் எப்போது ரிட்டர்னைக் கோரலாம் என்பதற்கும், உங்கள் ஸ்டோரில் ரிட்டர்ன் கட்டணங்கள் எவ்வாறு விதிக்கப்படும் என்பதற்கும் விதிகளை உருவாக்கலாம்.
  3. ரிட்டர்ன்களையும் பரிமாற்றங்களையும் கையாளுதல்: திருப்பியளிப்புக் கொள்கைகளையும் செயல்முறைகளையும் உள்ளமைக்கலாம்.
  4. திருப்பியனுப்பல் லேபிள்களை வாங்குதல்: உங்கள் Shopify நிர்வாகியிலிருந்து திருப்பியனுப்பல் லேபிள்களை உருவாக்கி வாடிக்கையாளர்களுக்கு அனுப்பலாம்.