உங்கள் ஆன்லைன் ஸ்டோரை அமைத்தல்

Shopify-ஐ அமைத்த பிறகு, பெரும்பாலான வேலை முடிந்துவிடும்:

செக்அவுட் மற்றும் ஆர்டர் நிறைவேற்றத்திற்கு உங்கள் ஆன்லைன் ஸ்டோர், தானாகவே Shopify அமைப்புகளைப் பயன்படுத்தும்.
உங்கள் தயாரிப்புகள் தானாகவே ஆன்லைன் ஸ்டோரில் காட்டப்படும்.
உங்கள் ஆன்லைன் ஸ்டோருக்குத் தனித்துவமான myshopify.com டொமைன் பெயர் அல்லது இணையதள முகவரி தானாகவே ஒதுக்கப்படும். உங்கள் டொமைன் பெயரானது நீங்கள் பதிவுசெய்யும்போது உள்ளிட்ட ஸ்டோர் பெயரை அடிப்படையாகக் கொண்டோ அல்லது அப்போது ஸ்டோர் பெயரை உள்ளிடாவிட்டால் தானாக உருவாக்கப்படும் டொமைன் பெயரை அடிப்படையாகக் கொண்டோ இருக்கும். வாடிக்கையாளர்களுக்கு முகவரிப் பட்டியில் காட்ட, நீங்கள் Shopify-இல் பதிவுசெய்த பிறகு புதிய myshopify.com டொமைன் பெயரைத் தேர்ந்தெடுக்கலாம். myshopify.com டொமைனை இரண்டு முறை மட்டுமே உங்களால் மாற்ற முடியும். பதிவுசெய்யும்போது ஸ்டோர் பெயரை உள்ளிட்டிருந்தால், அதுவே நீங்கள் myshopify.com டொமைனை மாற்றிய முதல் முறையாகக் கருதப்படும்; அதற்குப் பிறகு இன்னொரு முறை மட்டுமே அதை உங்களால் மாற்ற முடியும். புதிய .myshopify.com டொமைன் பெயரைத் தேர்ந்தெடுப்பது குறித்து மேலும் அறிக.

வாடிக்கையாளர்களுக்கு உங்கள் ஆன்லைன் ஸ்டோர் தயாராக இருப்பதை உறுதிசெய்ய, அதை வெளியிடுவதற்கு முன் சில வழிமுறைகளை நீங்கள் பின்பற்ற வேண்டும்.

இந்தப் பக்கத்தில்

தீமின் இயல்புநிலைகளைத் திருத்துதல்

உள்ளடக்கத்தை வரிசைப்படுத்த உங்கள் ஆன்லைன் ஸ்டோர், Dawn எனும் இயல்புநிலைத் தீமைப் பயன்படுத்துகிறது. நீங்கள் வேறொரு தீமைத் தேர்ந்தெடுக்கலாம், ஆனாலும் தீம் எடிட்டரைப் பயன்படுத்தித் தீமின் இயல்புநிலைப் பிரிவுகளைத் திருத்த வேண்டியிருக்கும்.

உங்கள் தொழிலுக்குப் பொருந்துமாறு நிறங்கள் மற்றும் எழுத்துருக்களைத் தனிப்பயனாக்க, தீமுக்கான பொதுவான அமைப்புகளையும் (General settings) நீங்கள் மாற்றலாம்.

ஸ்டோர் கொள்கைகளை இணைத்தல்

உங்கள் ஆன்லைன் ஸ்டோர் மெனுக்களில் ஸ்டோர் கொள்கைகளை இணைக்க வேண்டும்; அப்போதுதான் வாடிக்கையாளர்களுக்கு, ஆர்டர் நிறைவேற்றம் மற்றும் ரிட்டர்ன்கள் தொடர்பான விதிமுறைகள் தெரியவரும்.

உங்கள் ஸ்டோரை முன்னோட்டமிடுதல்

உங்கள் ஸ்டோரை வெளியிடுவதற்கு முன், உங்களின் ஸ்டோர்ஃபிரண்ட்டை முன்னோட்டமிடலாம். உங்கள் Shopify நிர்வாகியில், விற்பனைச் சேனல்கள் பிரிவுக்குச் சென்று ஆன்லைன் ஸ்டோர் என்பதன் மீது கர்சரை வைக்கவும். பிறகு, அங்கு காட்டப்படும் கண் ஐகானைக் கிளிக் செய்யவும்.

முன்னோட்டமானது புதிய தாவலில் திறக்கப்பட்டு, வாடிக்கையாளருக்குக் காட்டப்படுவது போலவே உங்கள் ஸ்டோரைக் காண்பிக்கும். Shopify நிர்வாகிக்குத் திரும்ப, உங்கள் முந்தைய தாவலுக்குச் செல்லவும் அல்லது திரையின் கீழே உள்ள நிர்வாகிக்குச் செல் என்பதைக் கிளிக் செய்யவும்.

ஆன்லைன் ஸ்டோரைத் தனிப்பயனாக்கி வெளியிடுதல்

ஆன்லைன் ஸ்டோரை வெளியிட்டு வணிகத்தைத் தொடங்குங்கள். உங்கள் ஆன்லைன் ஸ்டோரை நீங்கள் மேலும் தனிப்பயனாக்கலாம்; இருப்பினும், கூடிய விரைவில் விற்பனையைத் தொடங்குவதே சிறந்தது. ஆன்லைன் ஸ்டோரை வெளியிட்டால், தயாரிப்புகளை விளம்பரப்படுத்தத் தொடங்கலாம், அத்துடன் ஸ்டோருக்கான டிராஃபிக்கை அதிகரிக்கவும் செயல்படலாம். அதன்பிறகு அறிக்கைகள் மற்றும் பகுப்பாய்வுகளைப் பயன்படுத்தி, வாடிக்கையாளர்கள் உங்கள் ஆன்லைன் ஸ்டோரை எவ்வாறு பயன்படுத்துகிறார்கள் என்பதை மதிப்பாய்வு செய்து அந்தத் தகவலின் அடிப்படையில் மேம்பாடுகளைச் செய்யலாம்.

உங்கள் ஆன்லைன் ஸ்டோரைத் தனிப்பயனாக்க சில விஷயங்களைச் செய்யலாம்:

வாடிக்கையாளர்கள் உங்கள் ஆன்லைன் ஸ்டோரைக் கண்டறிய உதவ, தனிப்பயன் டொமைனைப் பயன்படுத்தவும்.
வேறொரு தீமைத் தேர்ந்தெடுத்து, உங்கள் தொழிலுக்கேற்ப அதைத் தனிப்பயனாக்கவும்.
தீம், தயாரிப்பு விவரங்கள், இணையப்பக்கங்கள் மற்றும் வலைப்பதிவு இடுகைகளில் பயன்படுத்த, படங்களை அல்லது பிற கோப்புகளைப் பதிவேற்றவும்.
ஸ்டோர் தகவல்களுடன் இணையப்பக்கத்தைச் சேர்க்கவும்.
செய்திகள் மற்றும் பிற உள்ளடக்கத்தைப் பகிர, வலைப்பதிவைச் சேர்க்கவும்.
வாடிக்கையாளர்கள் தயாரிப்புகளைக் கண்டறிய உதவ, அவற்றைச் சேகரிப்புகளாகக் குழுவாக்கவும்.
வாடிக்கையாளர்கள் உங்கள் ஆன்லைன் ஸ்டோரில் தேடிப் பார்க்க உதவ, மெனுக்களை அமைக்கவும்.
Shopify Inbox-ஐ நிறுவி, ஆன்லைன் ஸ்டோர் பக்கங்களில் அரட்டையைச் சேர்க்கவும்.

Shopify Lite-இலிருந்து மேம்படுத்துதல்

நீங்கள் Shopify Lite திட்டத்தில் இல்லாவிட்டால், உங்கள் Shopify நிர்வாகியில் உள்ள விற்பனைச் சேனல்கள் பட்டியலில் ஆன்லைன் ஸ்டோர் விற்பனைச் சேனல் தானாகவே சேர்க்கப்படும். Shopify Lite-லிருந்து உங்கள் திட்டத்தைப் புதுப்பித்தால், நீங்கள் ஆன்லைன் ஸ்டோர் விற்பனைச் சேனலைச் சேர்க்கலாம்.

படிகள்:

உங்கள் Shopify நிர்வாகியிலிருந்து, அமைப்புகள் > விற்பனைச் சேனல்கள் என்பதற்குச் செல்லவும்.
நிறுவல்நீக்கப்பட்டவை தாவலைக் கிளிக் செய்யவும்.
ஆன்லைன் ஸ்டோர் என்பதற்கு அடுத்துள்ள என்பதைக் கிளிக் செய்யவும்.
நிறுவு என்பதைக் கிளிக் செய்யவும்.